شلون انظف بقع القلم من الملابس؟

[أم حمد =)]

السلام عليكم









بنات شلون انظف بقع القلم من الملابس ؟

 

[ام فارس و محمد]

حبيبتي ام حمد لقيت هذي الطريقه بعد البحث اتمني تفيدك :


بالنسبه للحبر على الثوب الابيض من واقع تجربه

لاتغسلين الثوب لانك اذا غسلتيه راح يثبت الحبر

خوذي ليمونه واعصري على مكان الحبر وافركي

بعديت خوذي مسحه طبيه وابدي افركي فيها مكان البقعه

راح تحتاجين لاكثر من وحده

بتلاحظين ان الحبر كأنه ينتشر لاتخافين وارجعي اعصري عليه مره ثانيه وافركي

بعدين حطيه في الغسالة على طول ماراح تلقين اي اثر للحبر

واذا غسلتي الثوب قبل تزيلين البقعه مالك الا تودينه للمغسله وهم يزيلونها بطريقتهم

 

[كويتية1]

عن تجربه

قبل لا تغسلين القطعه حطي معجون اسنان علي البقعه وخليها ساعه وبعدين قطيها بالغساله وراح تروح انشالله

 

[Eng.H]

7 up

اي لا تضحكين هذا يسوي العمايل بتنظيف أقوى البقع و بس خليه تقريبا دقيقتين بعدين غسلي بماي و صابون ملابس عادي و ادعيلي

 

[قطوه ملثونه]

حبيبتي فركي ليمون على الحبر

 

[أم@الحلوين]

في منظف صوب الفانش اسمه كلاسيك هذا اللي يستخدمونه حق المصابغ وحده بوحده قبل لا تقطينه بالغساله ترشين عليه وتنطرين 10 دقايق وبعدين تغسلينه وشوفي اشلون تروح البثقع اهو لونه ابيض