شلون انسخ من اليوتيوب وأنزله على دي في دي ؟؟

[الدوحة - قطر]

السلام عليكم ورحمة الله وبركاته

شخباركم حبيبااااتي ؟؟
ماعليكم أمر اللي تعرف تفيدني لأني محتاجه هالشي ضروري :krkrkr:

ابي انزل مقاطع رياضة من اليوتيوب ، وبعدين انسخهم على دي في دي وأشغلهم عالدي في دي بلاير والعب بالصاله :dddds:

ومب عارفه الطريقه ، بس جربت طريقه اني اسوي لها داون لود عادي وتنزل في الريل بلاير نفسه ماتنزل في ملف خارجي ، وجربت طريقه ثانيه انزلها في ملف خارجي لكن ماتفتح معاي :0bee2e8d89:

اللي جربت تفيدني ماعليكم أمر​

 

[CANDLES]

اول شي طريقة تحميل فيديو باليوتيوب من هالرابط

هووون

وبعدها طريقة نسخه للسي دي عشان تحطينه بالدي في دي

 

[الدوحة - قطر]

مشكورة حبيبتي ماقصرتي
بس لو طبقت هالطريقه بيشتغل عالتلفزيون ؟؟
ولا بس عالكمبيوتر ؟؟
لأن ساعات تنسخينه ومايشتغل عالدي في دي

 

[ذهـ الكويت ـب]

مــر :eh_s: حـبــا

ماافهمت شلون يعني فيديو وتبين تلعبين فيه ؟؟

وانتي شلون تبين تشغلين اكيد بيكون ع التلفزيون صح؟؟

وبعدين لازم الفيديو له صيغه معينه قبل لاتنسخينه ..

دمتي بـخـيـر :hjy5jewf:

 

[الدوحة - قطر]

حبيبتي اقصد مقاطع ايروبيك
ابي انزلها عالكمبيوتر من اليوتيوب
وبعدين انسخها على دي في دي
عشان اشغلها عالدي في دي وتنعرض على
البلازما اوضح واكبر من الكمبيوتر
وبجذي اسوي رياضه كأني مسجله
في نادي هههههههههههههه

 

[الدوحة - قطر]

حبيبتي كاندلز طبقت اللي قلتي وطبقت طرق ثانيه وبعد ماصار
شسوي الحين ؟؟

زين انا قبل لما انزلهم ينزلون في ماي لايبرري اللي في الريل بلاير ، في طريقه انسخهم واطلعهم الدسك توب ؟؟

 

[الدوحة - قطر]

ساعدوني بليززز

 

[CANDLES]

انتي اول ماتحملينه من اليوتيوب حطيت لج الطريقه بكون صيغته ريل بلاير الفيديو
وتحملينه اتحطين على الدسك توب
بعدها عاد نسخيه على سي دي عشان يشتغل على الدي في دي الدي في دي لازم اتحطين له سي دي
فهالفيديو ينسخ ع سي دي بعدها اخذي هالسي دي وحطيه بالدي في دي

هذا الي اعرفه حبوبه هالطريقه بس =)
وان ماصار اتمنى الي عندها خبره اكثر ماتقصر

 

[الدوحة - قطر]

مشكوره حبيبتي

بس المشكله لين نسوي له داون لود من اليوتيوب مايشتغل مع ان طبقنا نفس الطريقه انا وزوجي

زين اذا انزل اي مقطع من غير ماسوي طريقتج ينزل في الريل بلاير قسم ماي لابرري ، عندج فكره شلون انسخه منها واطلعه على الدسك توب اذا يصير ؟؟

 

[ورد الخزامى]

مرحبا بنات ..الموضوع صدق قديم بس حبيت افيدكم
بالنسبة لتسجيل مقاطع اليوتيوب النسخة الجديدة من الريل بلاير فيها تحميل اضغطي عليها راح تفتح لك صفحة تشوفين الشريط لما يخلص
مكان هذي الملفات راح اشرحه : من المستندات الرئيسية ويكون اسم الفولدر بإسم الجهاز ويتفرع منه الصور والموسيقى والفيديو
افتحي فولدر الفيديو تلقين فولدر اصفر مكتوب ( تحميل الريل بلاير ) اي شي انتي حملتيه على الجهاز من مقاطع راح تلقينه هنا
وبكذا تلقين كل مقاطع اليوتيوب تقدرين تغيرين اسمها
بالنسبة لتحميلها على دي في دي .. حاولي تبحثين في مواقع السوفت وير عن برنامج ( تحويل مقاطع اليوتيوب إلى دي في دي )
وحمليه على جهازك وامشي على التعليمات ..
ارجو اني اكون وضحت الفكرة

 

[ورد الخزامى]

مرحبا بنات ..الموضوع صدق قديم بس حبيت افيدكم
بالنسبة لتسجيل مقاطع اليوتيوب النسخة الجديدة من الريل بلاير فيها تحميل اضغطي عليها راح تفتح لك صفحة تشوفين الشريط لما يخلص
مكان هذي الملفات راح اشرحه : من المستندات الرئيسية ويكون اسم الفولدر بإسم الجهاز ويتفرع منه الصور والموسيقى والفيديو
افتحي فولدر الفيديو تلقين فولدر اصفر مكتوب ( تحميل الريل بلاير ) اي شي انتي حملتيه على الجهاز من مقاطع راح تلقينه هنا
وبكذا تلقين كل مقاطع اليوتيوب تقدرين تغيرين اسمها
بالنسبة لتحميلها على دي في دي .. حاولي تبحثين في مواقع السوفت وير عن برنامج ( تحويل مقاطع اليوتيوب إلى دي في دي )
وحمليه على جهازك وامشي على التعليمات ..
ارجو اني اكون وضحت الفكرة

 

[^^ROSE^^]

مشكورين انا بعد كنت بعرف
بجرب واقولكم