شلون الزوجه تنسى خيانة زوجها

[atc666]

بنات شلون الوحده تنسى الخيانه

بنات انا وقت ملجتي كان رمضان 2009 وكنت اكلم ريلي بالمسنجر قالي روحي تسحري واهوا مخلي الكام مبطل وخرت عن اللاب توب مارحت تسحرت ماكنت مشتهيه بس قتله اوكي والكام شغال واشوف الا تلفونه دق ولا وحده قاعده يكلمها والكام مبطل يقولها حبيبتي يبتلج العطر اللي تبينه من البحرين مادري شسمه كان توه راد من البحرين حبيبتي وين احطه صوب سيارتج جدام بيتكم ؟؟ منو في البيت عندج ؟؟

طبعا صدمه كانت بالنسبه لي والخاين الوقح ياييب حق رفيجته هديه وانا مايابلي ...
وكلمته بهدوء وقلت له انا مسامحتك بس بعدين بقلبي قعدت وقلت شسوي مايصير اتطلق وانا توني بسم الله ملجه :eh_s(4):
بعدين بعد رمضان صارت الدخله بعد الدخله بيومين سافر عنده مؤتمر اكلمه بالمسنجر مشغول وتلفون ماعنده ولما رد الكويت بطلت مسنجره لقيته يكلم البنت هذي طول الوقت وبعد ماتسولف معاه بالمسنجر سوالف قلة ادب ووصاخه وتبطل له الكاميرا تقوله دق على بعدها تدق عليه وانا ما كان مايرضى يكلمني ويقولي زميلي عنده تلفون انا ماعندي..

تنتاجرت معاه وردينا تصالحنا ...

بس للحين بقلبي السالفه والبنت عندي ايميلها وكل ما اتناجر وياه طول هالسنه اذكرة بخيانته وشكثر طلبت الطلاق

شسوي مو قادره انسى اللي صار شلون انسى يابنات انا اللحين اهوا مسافر عنده شغل وانا تهاوشت معاه لأنه سفرته ذكرتني بخيانته لي فعصبت عليه بدون سبب وطلبت الطلاق واهوا عصب وقالي انا مليت وبطلقج بس لما ارد....

 

[دره80]

تعوذي من ابليس حبيبتي ولاتخلين لشيطان فرصه يفرقكم لو يبيها جان اخذها صدقيني اغلب الشباب جذي نزوه ولاتحاولين تخلين لها فرصه تاخذ منج شريك حياتج انسي والله لوتفتشين تلقين بلاوي وانا اختج كثري الاستغفار

 

[كرز حالي.]

رد : شلون الزوجه تنسى خيانة زوجها

الخيانه مره
تناسيها والله يعينج

 

[الرماسيه]

رد : شلون الزوجه تنسى خيانة زوجها

اف اليوم كله خيانات مواضيعكم الله يستر ااااااااف

 

[** باربي **]

انتي من الاول غلطانه المفروض تكون ردة فعلج قوية عشااان يعرف انج مو هينه
ويكره اليوم الي خانج فيه

ويفكر 600 الف مرة قبل لا يعيدها مرة ثانيه ويذكر الأرف والنكد والمشكله الكبيرة الي سويتيها

اما بيشوفج عادي ترديله بدون حساااب عسسيير اكيد ما يخاف بيقول هاذي عادي كلمه كلمتين ترد

وعرفي انه من أمن العقوبه اساء الادب
وما تنسين الا لمن تأكدين انه تاااب جد وما يخون مو متساهل وياخذج على قد عقلج الي واقف الي واقف ما يشتغل

اعتقد شفتي زواره خمييس لمن أدبته قام يخاف يخونها ويتحاشى البنات بعد ما كان خفيف جدام اي بنت ..!!تعلمي

 

[atc666]

رد : شلون الزوجه تنسى خيانة زوجها

مشكورين على الرد

بس اللي أمر من الخيانه لما تكونيين توج شخص تعرفينه توكم معاريس تلاقينه كاشت فيج مع انه قبل الزواج كان والله العظيم يلاحقني وميت علي حتى كان على طول يدق ومن كثر اتصالاته مرضت لأني ماكنت قادره آكل ولا أشرب ولا أنام لحد ما سخنت وهاوشته لا تدق علي وايد وتلاحقني والله العظيم قلت هذا بيصير لي مثل الخاتم والعبد هذا مايطالع غيري بس ملجنا طحت عليه يواعد وعلاقته مع البنت قويه يروح لها البيت وتبطل له الكام والباجي تعرفونه...

قلت له ليش خذيتني دام علاقتك قويه بهذه وتحبها وتفضلها على الجواب انه يطلع من البيت ويتهرب وبس يقولي انتي لاتحطين نفسج مع هالأشكال الوصخه...

 

[atc666]

رد : رد: شلون الزوجه تنسى خيانة زوجها

اعتقد شفتي زواره خمييس لمن أدبته قام يخاف يخونها ويتحاشى البنات بعد ما كان خفيف جدام اي بنت ..!!تعلمي

انا كنت خايفه اتطلق اول ماملجت مو حلوه لي شبيقولون الناس وبعدين ماشفت زوارة خميس شنو صار شنو سوت؟؟؟

 

[Čut!e Quèéи]

لا حبيبتي شتقولين انتي

بعد زواج 10 سنوات للحين ماسكه عليه هالغلطه ؟

ادري انه شي يقهر ويحر القلب مثل السجاجين تنغزج

بس غلط الي تسوينه الحين نقول ليش الريال ما يسامح المره اذا غلطت وانتي تعايرينه على غلطه وحده ؟

ترى الي تسوينه مو زين باجر من كثر ما تغثينه على العياره وتذكرينه بغلطته والله يخونج 10 مرات عناد عليج

كلنا ازواجنا يخونون لان الله خلق الريال له نظره شهوه للبنت عشان جذي حرم نظرته وله النظره الاولى بس

حبيبتي ماكو بنت ما خانها زوجها والخيانه انواع في تليفونات وفي فراش و في خيال و في كلام وفي وايد انواع

بس الي تحب زوجها وتبي الستر وتبي تظل معاه تحاول تنسي روحها ترى المره مو كل يوم لها زوج

ذكري ربج وحمدي الله الي زوجج غلط مره وغلطته بسيطه مو مثل غيرج في حريم ذايقين الويل وساكتين

بس اهم شي انج تعاقبينه على غلطاته ما تطوفين له باجر يقول اهي عادي عندها ما تقولي شي او يقول ساذجه ما تفهم عادي

اكبر غلط انج تعايرين زوجج على غلطه او تعيدين وتزيدين فيها وعلى ادنات الدون تذكرينه فيها ترى تخربين البينكم من غير لا تحسين

 

[** باربي **]

ولا تبينين له انج خايفه من الطلاق ولو كنتي خايفه جد
بياخذها عليج وبيعرف انها نقطه ضعفج

كل ما يخون وتكلمتي قالج اطلقج شنو وين كرااامتج

قوليله طلق بس باجر اروح وياك المحكمه حسسيه انج بايعته ومو خايفه شوفيه شلون يتردد
حتى لو يركب السياره بيشو فج بترددين
عاد لي وصل جد اهناك تفاهموا بالسياره قوليله باجر تييبلي امراض ودامك عندك هالسوالف ليش تزوجتني وتضلمني معااك
وياريت تصيدين عليه شي او تصورين خيانته عشان لي حده حده وتاخذين كل حقوقج قوليله ارفع عليك قضيه خياانه وعندي دليل صروعيه سوي نسخ على دليلج اخاف يمسحه


بس لا تبينين له انه الطلاق يهزج ديييري باللج
ترى الريال لمن لمن يقول الطلاق بيقيس مايتج ميته عليه ولا مو ميته وخايفه تطلقين ولو تضلين بدون كرامه!!

 

[Čut!e Quèéи]

رد: رد : شلون الزوجه تنسى خيانة زوجها

مشكورين على الرد

بس اللي أمر من الخيانه لما تكونيين توج شخص تعرفينه توكم معاريس تلاقينه كاشت فيج مع انه قبل الزواج كان والله العظيم يلاحقني وميت علي حتى كان على طول يدق ومن كثر اتصالاته مرضت لأني ماكنت قادره آكل ولا أشرب ولا أنام لحد ما سخنت وهاوشته لا تدق علي وايد وتلاحقني والله العظيم قلت هذا بيصير لي مثل الخاتم والعبد هذا مايطالع غيري بس ملجنا طحت عليه يواعد وعلاقته مع البنت قويه يروح لها البيت وتبطل له الكام والباجي تعرفونه...

قلت له ليش خذيتني دام علاقتك قويه بهذه وتحبها وتفضلها على الجواب انه يطلع من البيت ويتهرب وبس يقولي انتي لاتحطين نفسج مع هالأشكال الوصخه...

هذا دليل انها نزوه وبعدين اعتقد من كلامج مافي بينكم علاقة حب قبل الزواج

اهو غلطانه يكلمها وانتي على ذمته بس بالاخير اهو ريال وكان له علاقات وكان ناوي يقطعها مع دخلتج بيتج

وبعدين البنت واضح انها رخيصه يعني لو تشرفه جان تزوجها بدالج وخلاها ام عياله

بس اهو يبي وحده شريفه عفيفه تشيل اسمه امانه برقبته وتكون ام عياله وبداج على كل البنات

انسى الي صار لي متى تظلين ذاكره ؟ اعتبريها فتره طيش شباب اغفري له عشان الله يغفر لكم

ان الله غفور رحيم

 

[atc666]

رد : رد: شلون الزوجه تنسى خيانة زوجها

لا حبيبتي شتقولين انتي

بعد زواج 10 سنوات للحين ماسكه عليه هالغلطه ؟

ادري انه شي يقهر ويحر القلب مثل السجاجين تنغزج

بس غلط الي تسوينه الحين نقول ليش الريال ما يسامح المره اذا غلطت وانتي تعايرينه على غلطه وحده ؟

تونا صار لنا سنه وبعدين انا طحت عليه على طول من الملجه فخفت اتهاوش معاه تكبر ويطلقني تدرين مو حلو الوحده تطلق واهي عروس الناس بتحط فيني ماراح تحط فيه...

 

[atc666]

رد : رد: رد : شلون الزوجه تنسى خيانة زوجها

هذا دليل انها نزوه وبعدين اعتقد من كلامج مافي بينكم علاقة حب قبل الزواج

اهو غلطانه يكلمها وانتي على ذمته بس بالاخير اهو ريال وكان له علاقات وكان ناوي يقطعها مع دخلتج بيتج

وبعدين البنت واضح انها رخيصه يعني لو تشرفه جان تزوجها بدالج وخلاها ام عياله

بس اهو يبي وحده شريفه عفيفه تشيل اسمه امانه برقبته وتكون ام عياله وبداج على كل البنات

انسى الي صار لي متى تظلين ذاكره ؟ اعتبريها فتره طيش شباب اغفري له عشان الله يغفر لكم

ان الله غفور رحيم

مشكوره حبيبتي على الرد بس شلون اهوا كذا مره يسافر اقول بقلبي اكيد كل ما سافر يصير عنده وقت يكلم رفيجته اللي بالمسنجر اهوا يعرفها بره المسنجر ويروح لها البيت اخاف انه يحبها وانه بس عشان قلة ادبها ما خذاها وخذاني عشان شافني تكانه..

 

[atc666]

رد : رد: شلون الزوجه تنسى خيانة زوجها

ولا تبينين له انج خايفه من الطلاق ولو كنتي خايفه جد
بياخذها عليج وبيعرف انها نقطه ضعفج

كل ما يخون وتكلمتي قالج اطلقج شنو وين كرااامتج

قوليله طلق بس باجر اروح وياك المحكمه حسسيه انج بايعته ومو خايفه شوفيه شلون يتردد
حتى لو يركب السياره بيشو فج بترددين
عاد لي وصل جد اهناك تفاهموا بالسياره قوليله باجر تييبلي امراض ودامك عندك هالسوالف ليش تزوجتني وتضلمني معااك
وياريت تصيدين عليه شي او تصورين خيانته عشان لي حده حده وتاخذين كل حقوقج قوليله ارفع عليك قضيه خياانه وعندي دليل صروعيه سوي نسخ على دليلج اخاف يمسحه


بس لا تبينين له انه الطلاق يهزج ديييري باللج
ترى الريال لمن لمن يقول الطلاق بيقيس مايتج ميته عليه ولا مو ميته وخايفه تطلقين ولو تضلين بدون كرامه!!

خلاص اذا رد بقوله امش نروح المحكمه بشوفه عشان يتوب .......