شلون اكشخ زوجي

[بياض]

مرحبا

زوجي مايعرف يتكشخ ولايهتم بنفسه داخليا وخاجيا جسمه مول مو مهتم فيه كرش

ابي يضبط وزنه ويعدل على الاقل نفسه حتى انجذب لها هذا نصيبي وحلالي :bbbiu:

وابيه يكون احلى

مافي برنامج نفس جويل للرجال هههههههه:ggdw:

 

[بتبوتااا]

صيري انتي جويل وغيريه

 

[Patcholli]

عادي شجعيه يدش نادي .. قوليله حبيبي احس وزنك زايد حرام جسمك قاعد يخترب .. خليه يسجل بنادي

وبالنسبه للبس اذا لبس شي ماعجبج قوليله بطريقه حلوه واختاري معاه لبسه ترى الريال يحب ذوق مرته خاصه اذا كانت ذويقه ومشهوره والناس تثني على لبسها يحب ويتشجع انه ياخذ رايها بلبسه

 

[واصله]

انا اقول انتي اهتمي بنفسج وخليه جذي ههههههه والله اغلبهم المره تسنعهم ويستخفون علبالهم صاروا مهند ههههههه

 

[أغلى حبيبه]

انتي اشتري له التيشيرتات والعطور وساعات واقلام

انتي كشخيه

كل شهر اشتري شي

اخذي شور جل وهالسوالف

وقت ما انتو فاضين روحي تمشي معاه

والاكل كثر ماتقدرين خليه صحي

وشوي شوي بيصير ازقرت

 

[ام زهقانه]

اصري انتي جويل وسويله رجيم واشتري له بجا يم

 

[popa]

حبيبتي لاتكشخينه ولا تعدلينه كله مو بصالحج
انا اعرف وحده كشخت زوجها ولبسته الماركات وخلته ياخذ موتر وماقام يعرف غير القوتجي والبربري
وعقبها طااااااااار منها طااااااااار يفرفر ويقز ومن بنت لي بنت كشيخ
لو تام على ما اهو عليه قبل جان احسن
يازين التيشيرتات العاديه وبنطلونات بوقطن الي مخططه عالجنب ههههههه
اهم شي يكون نظيف ومرتب بس لا تسوينه مودل
يازين الدشداشه والغتره والعقال للطلعه الرسميه
لا تبطلين عيونه على اشياء مايعرفها
انتي اهم شي كشخي وخلج كيوت واهو خليه على عماه
هذي وجهه نظري
لو اهو من زمان يعتني ويلبس زين على زين
لاكن مايعرف شي وفجئه يصير زقرتي مو شي

 

[خالتي قموش]

خليه في الفانيله والمكسر ابرك
عشان محد يطمع فيه
خليج انتي الاحلى و الاكشخ

 

[Gifts&Occaions]

لا انتي غيريه وعلميه

 

[Q 8 Y A t]

كلامي من كلام واصله



اذا تبينه يطير من ايدج
غيريه



اهتمي بنفسج وصيري احلى منه
وحبيه جذي



ان تغير طار عنج

 

[الدانه 123]

فيه بكجات سبا حق الريايل خذي له واحد وعقب اشتري له كم شي اللي خاطرج تشوفينه عليه وعطور وبس