شلون اقنع زوجى

[حفيف1]

عندى موضوع مهم مو عارفه شلون اقنع زوجى وهو من النوع اللى ما يتناقش ولا يسولف

كله يقول كلمتى وحده ما اثنيها تعبت معاه ساعدونى

على فكره انا داشه بنك اختى

:eh_s(17)::eh_s(17)::eh_s(17):

 

[حفيف1]

رفع

 

[wajan]

جوليله انا مقتنعه بكلمتك بس انت اسمعني وبعدين قرر ونتي عاد حاولي تسوي نفسك مسكينه لين يقتنع او شوفي نقطة ضعفه وحاولي تدخلي الموضوع من ذيك النفقطه وربنا يسخره لج

 

[ام زهقانه]

اف نفس الحال دكتاتوري

 

[فوفو22]

عطيني مثال عشان اقدر اساعدج

فوفو

 

[كربون امها]

اذا تو ج متزوجة راح يسوي جذي طبيعي يعني عندهم عشتو
صبري علي شو مصيره يطخ وينازل :eh_s(10)::eh_s(10)::eh_s(10)::eh_s(10):



كربون امها

 

[بشه المنفشه]

نفس ريلي حتى مرات أناديه يبه أو لما يتقمص الشخصية الملكية أقوله تامر على شي طال عمرك ههههههههههه شنسوي تخافين تتحجين لا ياكلج

طلعت عن الموضوع

حسب تجربتي لفي ودوري بالموضوع وخلي القرار بيده اهو .. يعني مثلاً تبين تروحين السوق واهو معند : قوليله أبي شغله من السوق متى يناسبك توديني ؟؟؟ واهو بيقولج باليوم الفلاني الساعة الفلانية .. بس لو تقوليله ميخالف توديني السوق ؟ بيقولج لاااااع

فهمتي شلون ؟ خليها براسه يعني

وإذا حطيتي الموضوع يمكن أقدر أساعدج أكثر

 

[ام الاسيرالشهيد]

وفق الله بينكما

 

[لولوة الكويتية]

الله يهديكم لبعض

 

[قطوووة]

من له حيله فـ ليحتاال

 

[حجيه هيونه]

كلهم اول شي شادين حيلهم لووووول مع الوقت بيطخ ان شاء الله

 

[zaina alotibi]

الشخصيات هذي محتاجة لف ودوران شوي ( شوية مو وااايد )

يعني يكرهون صيغة الاوامر ويكرهون فرضها عليهم ....

هذيل يحتاجون التحاور معاهم بدرجة عالية من الذكاء وترا يحبون انج تحسسينهم انهم الكل بالكل وانج دايما محتاجه النصيحة منهم .... اي موضوع جيبيه على طريقة سالفة عاااادية وشوي شوي دشي بمطالبج

 

[Le chat]

دمعتين وبيرضا ان شاء الله بس مو مناحه

 

[بشه المنفشه]

Le chat نصيحتج تنطبق على الزوج العاطفي اللي بسرعة يخق بس لو ريلها جد وعصبي بيعصب زود

في رياييل يكرهون المره اللي تبجي لأنها مملة ودمها ثقيل ودعللللله نفس اليهال .. اشكره يقولها لما تخلصين بجي تعالي حاجيني

لازم الوحدة تكون شخصيتها قوية وتفرض إحترامها حتى لو انفخت زوجها وعطته أكبر من حجمه .. يعني ما تكبر راسه واهي تصير ولاشي !! لازم يكون قدرها محفوظ

 

[sh&t&m]

الله يعينج يمكن في البدايه جذي وانشالله بعدين بيتغير اهو اللحين يمكن بيفرض شخصيته في البدايه والله يهديه لج ويسخره

 

[om 7sony]

على حسب شخصية الزوج ونفسيته وقت الي تطلبين منه شي ... وهذا اهم شي لازم تشوفين زوجج اذا زعلان ولا متضايق ولا توه قاعد من النوم ولا راد من الدوام (هههه خلص اليوم ) ... حاولي لا تطلبين منه شي ,,, بيكون منفس
بس اختاري الوقت الي يكون فيه رااايق ..
في رياييل تييبهم الحنه... تضل الوحده تحن تحن تحن لم يعطيها الي تبي ...
وفي ينكسر خاطره اذا بجت جدامه (بس دموووووع بدون صراخ او زعل )
وفي اذا دلعتيه يطخ ويرضخ (ههه عجبتني يرضخ )... تمسحي فيه وتلزقي وبوسي فيه,, لم يرضى
وفي اشياء وااايد تقدرين تسوينها ,, بس اختاري الي يناسب شخصيه زوجج و طبقيه
وساعات الحنه تنفع مره بس ما تييب نتيجه المره الي بعدها... يعني حاولي تنوعين بالطرق ومثل ما قلت اختاري الاوقات المناسبه
والله يوفقج

 

[الامينة]

اففففففففف

نفس حالتج

 

[دلوعة صلوح]

الله يهدى لج يارب.