شلون اقنع أمي انه ابي . . . .

[عضوا]

بسم الله الرحمن الرحيم

السلام عليكم

ببتدي بالموضوع على طوول

انا الله يسلمكم امي الله يحفظها من النوع كل شي لأ علي انا
يعني انا صار لي قريب السنه متخرجه
و على وجه وظيفه و عمري 22 سنه
يعني مو ياهل
قلت له مرة و فاتحتها بالموضوع يا يمه خليني اطلع مع رفيجاتي مرة علي يوم
انتي ودني
قالت لي لأ ما اعرفهم
قلت لها اساميهم و انا دايما اسولف عنهم عند امي
قلت لها تعرفي عليهم تعالي شوفيهم
لأ مابي

انزين

يا يما عيل انتي طلعيني !!

أمي: لأااا مالي خلق

انا قاااعدة بالبيت و انا الطوف واحد
لأا اشوف احد و لا احد يشوفنا
امي بطبيعه الحال ما تحب العلاقات
تتفادى الناس و اذا احد قال من الاهل لها خل نطلع
قالت اسمحوا لي انا مشغوله
اقول حق امي انزين انا بطلع معاهم
تقول لي لأ خليج بالبيت

اشوف كل البنات يستانسون و يطلعون مع صديقاتهم و يرفهون عن عمرهم و لا احد تحجى عنهم حتى اللي امي ما تحب انه اهم يعرفون عني شي لأنهم انتقاديين درجه اولى ما ينتقدون و بالعكس يقولون عادي لأنه بناتهم يطلعون مع صديقاتهم ألا انا
و امي دايما عندها لأ في معظم الاشياء
حياتي تمشي علي وتيرة ملل و فتووور و اندثار
ما عندي علاقات وايد اللهم ثنتين

تقول لي امي اللي يبيج اييج
و اقول لأمي يا يما احنا ساكنين بقلعه وادرين بيتنا بعيد عن بيت رفيج و بعييد عن واايد ناس
و ام رفيجتي ما ترضى انه بنتها تروح بيت بعيد

ابي اعرف اشلون اقنع امي أني ابي اطلع مع رفيجاتي و الله انهم ما عندهم سوالف و لا قلنا انه نبي نروح نخربط اللهم قلت بس وديني مطعم!!

تراا و الله تعبت من عيشتي اللي في البيت كل شي مرفوض لمن تتزوجين
حتى صبغ الشعر عند ريلج
دراستج تكملينها عند ريلج
تطلعين مع رفيجاتج عند ريلج

اما اللحين لأ و الف لأ

و على فكرة امي اهي نفسها مو موافقه على الزاوج مبجر و تقول توج صغيرة باجر رريلج ياذيج:eh_s(4):
و البنت لازم تستانس قبل تتزوج
اي لا انا اشوف الوناسه مقطعتني :bbbiu:
يعني اسمحوا لي انا احب امي و اعشقها و احترمها عشان جي ما كلمت احد من العايله بالموضوع لأنه امي حساسه جداا و عادي تزعل مني و تحسسني اني البنت المعاقه و بعتدين تقلب الموضوع علي و تقول اهي اللي ما تبي لني جربت قبل هالمرة

و لا تقولون لي كلمي ابوج لأنه ابوي عادي عنده اطلع مع رفيجاتي بس اذا امج وافقت
حتى سيارة ما تبيني اسوق
نقول اخاف عليج
من شنوووووووووووو؟؟؟؟؟؟؟
بس لاعت جبدي من حياتي المليقه الكسيييفه الممللله المندثرة


شوروا علي شلون اقنع امي
بس خلاص تعبت


​

 

[Sareeta]

وي حبيبتي الله يعينج
حاولي تلهين نفسج باي شي زين تستفيدين منه
بعدين لا تلومينهم لو شنو يسوون يخافون عليج
انزين ليش ما تخلين رفيجاتج او البنات ايوون لج البيت
وامج تشوفهم وتعرفهم يمكن ترتاح لهم وتخليج
او حتى انتي وامج تطلعون

 

[Mrym]

السلام عليكم ورحمة الله وبركاته

أمج ما تنلام تحاتيج زمن يخرع والوالدين أكيد يبون مصلحة عيالهم أكيد ما تبي تضرج

لا تحنين .. طيعيها .. شغلي نفسج بحفظ القرآن بقراءة الكتب المفيدة .. ليما تكسبين ثقتها وتحس إنها تطمنت وبنتها الصغيره كبرت

والله يرزقج الزوج الصالح ويسعدج ويطمن قلب والدينج عليج

 

[امـ خــزامـى]

ياقلبي انت بيوم البسي ونجهزي وقولي لها يالله عازمتكم على اي شي تحبه
وبنفس الوقت واعدي صديقاتك
وواكسري خاطرها بدمعتين واقنعيها ان انتي معي وش تخافين منه

وان شاءاالله توافق وتجلس مع صديقاتك وترتاح لهم وتسمح لك بعدها

 

[روجَ آحمرَ ..×]

صح لان امك تحبك جالسه تسوي كذا معك
بس شوفي انتي خلي امك تثق بصديقاتك
وعرفيها عليهم مثلا على سبيل المثال اتفقي يوم مع صديقاتك تتقابلون بمجمع
روحي لامك قولي لها يالغاليه يانور عيوني ياوطن حبي انتي اذا ماعليك امر ابي اروح الجمعيه بكرى
عندي حجيات ناقصتني واكيد مع الالحاح الغير مستمر راح توافق توديك الجمعيه
انتي من وقتها خلي صديقاتك يجون وكانك قابلتيهم صدفه
ويعزمونك انتي وامك على كافي على اي شي بالمجمع طبعا يلحون على امك الى ماتوافق
وان شاء الله منها تنفك مشكلتك
وعادي بعد هالحركه تعزمنيه بالبيت اربع او خمس مرات مع امهاتهم اهم شي امك تتعرف على البنات وامهاتهم
عشان تبدا تترتاح

 

[الاحساس]

أنا أمووت بالطلعات وأمي تعاملني قبل الزواج نفس أمج
والحين اقول لو الله رزقني فبنت بعاملها نفس معاملة امي لي

 

[(حكاية قلب )]

حبيبتي عادي اغلب الامهات جذي
انتي شتسوين بعد انا اخلي رفيجتي هي تجيني البيت واخذها ونطلع الصبح نتريق
ونرجع البيت نستانس نسولف , سوي جذي مري عليها وعرفي امها علي امج غصب
عشان امج تعرف انها بنت ناس

 

[mrs.abk]

مشكلة البنت إن أمها أساسا موب اجتماعية .. بالتالي تعتقد إن اللي هي تسويه لازم يمشي على بنتها

أنا أقول أطلعي مع ابوج .. غيري جوج معاه ..

 

[محمد الحصرى]

الشيخ محمد الحصرى الروحانى

للتواصل:

الشيخ محمد الحصرى الروحانى

[email protected]

موبايل:

00201141454345

 

[بحرانيـه]

بصراحة انتي كبيرة متى تستانسين وتعيشين حياتج وصلتي 22 مابي اقولج خربيها وعانديها بس اذا توظفتي صدقيني كلشي بيتغير
بتطلعين وتستانسين خصوصي اذا شغلج فيه بريك طويل تطلعين تغيرين جو مع رفيجاتج والله يسهل اكره شي بالحياه احد يكتم عالانفاس

 

[دلال و غلا]

امج ما تنلام اذا خافت عليج تطلعين مع رفيجاتج او تسوقين اي غيره لان الدنيا تخوووف وانا اختج امج تبي مصلحتج ما تبي احد يتجرأ ويتكلم
بس موضوع انج تطلعين مع اهلج و اقاربج او تسيرين عليهم لا بهذي يبيلج تكلمينها عدل و تقولين يمه انا طبيعتي اجتمعايه واحب اللمه و الناس ابي ازور الاهل وان ذلعو اطلع معاهم و هذي مافيها كلام هذول اهلي

 

[Laidy n3ooma]

بنات البنت ماتنلام حتى لو الام تخاف على بنتها مو جذي عاد

يعني قلنا ماتطلع مع رفيجاتها ممكن في غيرها يمنع لاكن الام بعد ماتطلع

الحكره تجيب الكااابه

مادري شتسوي

اذا عندج بنات عم او بنات خاله قولي حق امج بنام عندهم قوليها كم مره بعدين قولي لها بطلع وياهم اذا هم يطلعون وكسري خاطرها يمكن مع بنات اهلج ترضى

قولي لها رفيجاتي ماتعرفينهم لاكن هذول اهلي تعرفينهم

 

[Alias]

حبيبتي المشكله بشخصية امج. وسواسيه حاولي تقنعينها تروح مستشار نفسي.

 

[Shinexo]

آمج نفس آمي , آمي تخآف علي من كل شي تخآف حد يغشني يآذيني لآني ع قولتهآ ع نيآتي وينقص علي بسرعهه ( ينقص علي من رفيجآت قصدهآ ) وصج آلدنيآ مآلهآ آمآن آمج وآثقه فيج بس مو وآثقه بآلنآس ويمكن هي جآفت شي خلآهآ جي تخآف عليج حيل مآتدرين , قعدي ويآهآ وكلميهآ وفهميهآ قولي لهآ بطلع مع آلي تختآرينهآ بس خليني آطلع حتى لو ويآج , آلله يحفظج حبيبتي :*

 

[gala q8]

ميخآلف كلنا في الهوى سوا ,

من نآحيه السيآقه قولي لها ابي ليسن على الآقل ما ابي سيآره ..
وبعدها بتشوف التعب لمن تقطج الدوآم .. قولي لها ابي سيآره يعني مهدي لهآ السآلفه شوي شوي ..



موضوع الطلعآت , أنتي تقولين امج يعني تقريبآ مو إجتماعيه ,
إذا جذي بالنسبه لي في حل واحد .. تبين رفيجآتج و تتيمعون و جذي .. خل ايونج بيتج .. وقعدوا و استانسوا و سوو اللي تبونه ..!

من نآحيه الطلعه ما تطلعج ليش ..! إنتي حاولي تتقربين من امج قولي لها قومي خل نتريق و عاد انتي بطريقتج ونسيها لين تكررونهآ جم مره عاد انتي كل يوم قولي لها " خل نتعشآ برا " خل نروح مجع " خل نتريق " خل نتمش " ..

و إن شآء الله ترضآ , بس إنتي كلميها بهدوء و كلام حلو .. يعني يما حبيبتي ودي اطلع مشتهيا اتريق بالمكان الفلاني .. شرايج ..

جذي كلميها مو بصرآخ ترآ تعآندْ ..

 

[Mawiya]

سوي مطارة شاي وقهوه وقوليلها برووح يوم البحاره

وخليها تروح وتقعد عالعشب يم البحر ويبيلها خبز رقاق ونخي

بتستانس عالوضوع واسبوع ثاني نفس الشي عقب قوليلها ملينا بنغير المكان

ما ألومها ما تبيج تطلعين حق رفيجاتج تفكير امهاتنا جذي بس شوي شوي عوديها

قوليلها بروح لرفيجتي واخذ اختي معاي او بنت اخوي يعني مو بروحج

 

[البرنسيسة غلا]

،



أمج تخآف عليج حيل
هي وآثقه فيج بس مو وآثقه بآلنآس آللي حوآليج
و آلزمن يخرع !!

بس حآولي مرهـ مرتين ثلآث لحد مآ تقتنع
كلش كلش كلمي أبوج بينج و بينه قوليله كل شي بـ خآطرج و فهميه آلوضع وآللي تحسين فيه و خليه يكلم أمج بـ هآلطريقه أمج مآ رآح ترد كلمت أبوج ..

وآلله يوفقج



،​

 

[sinamor]

حبيبتي موبس انتي فيه وايدناس مثل حالتج
انامنهم اهلي مايرضواطلع الا وياهم لكن فامورثانيه متفاهمين
حياتي افهمي امج تحبج موت واللي تسويه لمصلحتج ولانهاخايفةعليج بس ادعي كل يوم انه الله يلين قلبها لج وعسى خير^_^

 

[ام لعيال]

اغلب الامهات نفس امج عادي بس حاولي توظفين بسرعه بتقدرين اهني تحررين شوي على الاقل وسوو جمعات الاهل في بيتكم عزميهم دايما لعل وعسى تغيير الوالده

 

[^ MiSS MoOoka ^]

ي ححيآاتي والله مآتنلـآمين انا نفس المعآنه بس آهههوون ششوي هع

آممي مستحيـــل تطلعيـن مع رفيقآتج لحآلج < معهـآ في كـذآ وصح عليها ولا تخليني اطلع مع خويتي وبعدونهآا :/
انا جمعـت خوياتي ومعهم امهاتهم وقعدنا مع بعض وامي مع أمهاتهم وطقوهاآ صحبـه وستانسو ع بعض
ولا تجمعنآ اوطلعنآ نا وخوياتي نجمع الخويات مع بعض ( امي وأمهآتهم )
وصصآرت عآدي الحين نطلع معهم اماكن ترفيهيا ومطعم نتجمع في البيوت وهيي مععي

بس الطلعه من غيرهـم لج عليهآ ، اصلـا توني اقنعهآ اروح لخويآتي بـ لجامعه بس بكيفآن عشآن ككذآ
ققالت تفاهمي مع ابووج < وغآسلهه يدي ابوي يرضآ
وطآححت كم دميعه بععد :'(
< بس مآنفففعع ورضيت في الامر الوآققع

وش الحيلهه مع اني شتقتلهم وش يمنع مع بنآت اخختهآ بروح :/


انا اقوولج واخذيهاا مني اططلعو وجمعي رفيقاتج وامهاتهم معاهم وامج مره مرتين تستانس وترتآح
وححتى رفيقتج اذا مايقدرون اهلهآ يقطونها بمنطقهه بعيدهه كذآ خلي امهآ معاهآ

وكآن بهآ