شلون اقطع البامبرز ساعدوني..

[بازوكه]

السلام عليكم ورحمة الله وبركاته.........

بنات ساعدوني بنتي عمرها سنتين و4 شهور بحاول اقطع عنها البامبرز شلون اعودها قاعده احاول وشلتها عنها

بس ماكو فايده كله تسوي بملابسها عزكم الله ماتقولي عن الحمام الا بعد ما تدمر ملابسها عفيه بنات

شنو الطريقه السليمه اللي اقدر اخليها تروح وتمسك نفسها ..

والله يعطيكم العافيه........................

 

[احلى الاسامي]

ولدي الحين كمل ثلاث سنين وتوا تعلم صبري عليها شوي

 

[كلى امل]

كل نص ساعه وديها الحمام خففي عنها السوائل شوي موووووووو تحرمينها وشوي شوي تتعود عالحمام واتقولج بروح الحمام
انا نفس حالتج حاليا ولدي كبرها تقريبا وماشيه معاه على هالنظام نفس اخوانه قبل نفع معاهم
واحيانا يجذب نروح الحمام واخر شي يضحك يستعبط بس طولي بالج عليها

 

[ام زاكي]

لاتشيلين الحفاضه وكل شويه وديها الحمام وخليها تشوف احد صغير يدخل الحمام
وشجعيها بعد ماتدخل عطيها حلاو ولا كاكو بعد ماتخلص
وصفقي لها وقولي حق ابوها جدامها انها اهي سوتها وخلي ابوها يشجعاه ويصفق لها
حاولي تسوين لها انه دخلت الحمام كلها تشجيع ومهمه على شان تحبها

 

[ياراا]

شي طبيعي البدايه جذي واذا تشرب مميه بتكون اصعب لانه كل شوي بتبول وانا بما انه ولدي يحب لفلوس يمعت خرده ميات واايد وكل ماراح الحمام اعطيه ميه ونعت واايدهالحركه يعني خذت مني اسبوع تقريبا لمن تعلم عدل شوفي اي شي تحبه وقوليلها اذا رحتي الحمام اعطيج هديه الشغله اللي تحبها ترا تفهم ولدي اسم الله عليه حزتها كان عمره سنتن الا شهر ويفهمبس كنت فاططمت من المميه حزتها

 

[دانة الدنوشة]

رد : شلون اقطع البامبرز ساعدوني..

الله يعينج يبي لج تطولين بالج وتصبرين شوية
وكل نص ساعه وديه الحمام لين مايقولج بأروح الحمام

 

[ام الورد83]

احسن طريقه انج كل ربع ساعه تودينها وتنطرين عليها شوي بالحمام تكرمون اول فتره لاتلبسينها بالبيت بامبرز بس بره وبعدين شوي شوي تعلم

 

[ابتسمامه]

حاولي تشجعينها قوليلها اذا سويتي بالحمام اعطيج حلاوه وصبري عليها ويفضل تعلمينها الحين قبل لا يدخل علينا الشتا وتستبرد

 

[بازوكه]

الله يجزاكم خير ماقصرتوا

بحاول وياها مثل ماقلتوا الله يعطيكم العافيه..

 

[بيبي بدر]

والله ولدي تو قطع الحفاظ لان البجر وانا مو عارفه متى تنقطع جان تقولي اختي انه كبير لازم يقطع وصح علمته اول اسبوع والحمدلله تعلم بس يبي طوله بال

 

[anona79]

انا ولدي عمره سنتين و 8 شهور
توني بادية أعلمه على الحمام كل شوي اوديه الحمام وما ألبسه حفاظة بالحمام
بس مأذيني أوديه الحمام وعقب ما يخلص يسويها بالصالة
يبيله صبر

 

[بازوكه]

مشكورين ماقصرتوا

 

[سراج الليل]

ادري الموضوع قديم بس انا الخين مفكره اقط الحفاضه عن ولدي عمره الحين سنتين وشهرين
يعني تنصحوني اعلمه الحين والا انطر عليه ؟؟

 

[miss_uk]

انا ولدي توني هالاسبوع قطع عمرة ٣ سنين جربت قبل ٦ اشهر حسيت مو مستعد ، اللحين الحمدالله. يومين ضبط
النصايح:
لازم الطفل يكون عندة قدرة كلاميه انه يعبر عن الحمام انه بروح الحمام
تقدر تحبس نفسها لين تروح الحمام وهذي تعتمد علي الطفل
قررتي تشيلين البامبرز يعني صج شيليها وخليها تحس بالبول تكرمين او ال..... اذا نزل انها راح تتضايق وتفهم اي شي ثاني بديل للحفاظة
وديها احمام بعد ما تشرب انتي راقبي ويها ابين اذا بتسويها فا علي طووووول الحمام
علقت انا ورقه بالحمام تكرمين واحط حق ولدي نجمه كل ما يسويها بروح
مهم جدا تعلمين الطفل خطوات: وريه اول شي تنزل هدومك، تقعد بالمرحاض انا حاطة كرسي عشان يصعد، تغسل وتمسح بعدين تاخذ الكرسي وتغسل ايديك، اول شي سويته معاه بعدين اهوا ابروحه انا بس اراقب واوجه.
المدح لما تسويها
وريها فيدوات من يوتيوب عن potty train ولدي شاف اليهال وتشوق

الله يسهل عليج ان شاللهء كفيت

 

[جذابه بنت ذيابه]

موضوع روعه

بعلم ولدي على الحمام ومتوتره حدي عمره سنتين و6 شهور


يارب صبرنا ..

 

[دلع86]

انا صارلي يومييين باديه مع بنتي مرات تروح ومرات تعصب ماترضى تروحح الحمام

بس الحين موملبستها بامبرز توه قبل شوي بللت ملابسها وقالت ابي حفاظه بس قويت قلبي مالبستها

خنشوووووووف اخرتها مع هالحفاظه

صج تعب وصعب

 

[الوردة المكنونة]

شوفي حبيبي انا من خبرتي مع بناتي اسبوعين تقطع الحفاظه

اول اسبوع فصخيها الحفاضه ولبسيها سروال اللي من برا نايلون طبعا بس بالنهار وكل ١٠ دقايق اخذيها قعديها على القيصريه بتقولج مافي قوليلها ما عليه ماما نجرب خاف اطيح وانتي ما تدرين هذي شيطانه تنخش واطيح وانتي ما تدرين هههههه بتشوفينها تصدقج وطبعا كل عشر دقايق اول يوم وباجي الاسبوع كل ربع ساعه طبعا العوده ممكن تحطها باي وقت عادي انتي لازم تلاحظين الوقت لان كل يوم بنفس الوقت تقريبا راح تحطها طبعا خلال هالاسبوع ممنوع اطلعينها برا البيت وممنوع تلبسينها الحفاظه بالنهار لاي سبب خلاص تنسين الحفاظه بالنهار الاسبوع الثاني اطلعينها معاج اماكن فيها حمامات وتتبعين نفس الطريقه كل شوي ادخلينها الحمام وراح تشوفينها اهي اللي تطلب تقولج ماما بروح الحمام وطبعا الاسبوع الثاني تفصخينها الحفاضه بالليل وتحطين نايلون على فراشه ولا تشربينها شي قبل النوم بنص ساعه وديها الحمام قبل لا تنام طبعا هالاسبوعين لازم تفضين نفسج انا لما علمت بناتي حتى زوارة اهلي مارحت هالاسبوع جابلتهم عدل وتعلماو يعني اسبوع للنهار واسبوع لليل
*

 

[So MuCh PaIn]

حبيبتي اذا بتعلمينه عالحمام لا تلبسينه بامبرز ولا الصروال النايلون لانه في ناس يعلمون عيالهم عالحمام ويلبسونهم حفاضة او الصروال النايلون وانا واختي جربنا الطريقتين ما نفعت كلش

خليه على الاندر وير وكل نص ساعه وديه واذا ما سواها كل ربع ساعه وديه ... وولدي من شلت الحفاضه اصلا ما قام يسويها مثل الحفاضه لانه الوضع يديد ومتعود عالحفاضه فماسك عمره و اذية لازم كل شوي عالحمام ولازم يسويها جم مره حتى الكبيره مرتين سواها وزفيته بعدين بطل يعيدها بس الصغيره بين فتره وفتره ولا نسى عمره

انتي حاليا راح تتعبين والله يعينج يعني لو في احد يساعدج بالبيت زين مره انتي ومره حماتج انا بولدي امي ساعدتني و حماتي بس راح ترتاحيين تالي

 

[عيالي ذيابه]

انا عمر ولدي سنتيت واربع اشهر
ام شلت منه البامبرز ولبسته اندروير حييل استانس
يقووول نفس بابا هههههههههه
بس للحين خاايفه مننه انه مايتعلم بسرررعه
بس شلوون اشجعه

 

[anona79]

أنا ولدي عمره 3سنوات وشهرين أدري بتقولون كبير بس شسوي أنا مدرسة وما عندي وقت كلش
المهم قررت من يوم الأحد اللي طاف أعلمه وطلبت من الحضانة تساعدني عليه
شريت له سروال نايلون وبالبيت ما ألبسه حفاظة كلش الا بليل وقت النوم وكل ربع ساعة أوديه الحمام وبالحضانة أوديه من غير حفاظة الحمدلله آخذه نظيف ما كو شي
المشكلة بالبيت العودة لما يخلص يسويها بعدين يقولي سويت كاكا
الله يساعدني وأقطعه عنه بسرعة أبلته بالحضانة تقول يبيله اسبوع والا عشرة أيام علشان يتعود