شلون افاتح امي الموضوع !! حدي خايفه ساعدوني الله يخليكـــم

[nona_24]

السلام عليكم


بنات من الحين اقولكم الي بتقل ادبها و مو عاجبها الموضوع تتفضل تطلع من غير مطرود !!


انا اكلم واحد من 4 سنين و الولد مكلم امه و ياي بيخطبني على سنة الله و رسوله


المشكله بالموضوعانه الصبي حضري و انا بدويه !!

و الاكبر من كل هذا انه امي شوي عصبيه و ردة فعلها فيها دفاشه و قلة ادب


الصبي الحين خلا امه تكلمني و امه تبي تخطبني من امي و الصراحه انا خايفه من ردت فعل امي

لان امي اسلوبها وايد دفش و فيه قلة ادب

و امي ماتبي الا من عايلتنا


الصبي خوش ولد و عايلته واايد معروفه و محترم و يشتغل و عنده معاش و عندهم شقه فوق بيتهم

يعني الحمدالله كل شي جاهز

و لا تقولون عيب و مادري شنو الحمدالله يااربي الصبي ماغلط والحمدالله الشرع حلل كل شي على سنة الله و رسوله و الصبي ياي يخطبني مو ياي من الشارع يلعب

المهم يا بنات امي اكثر من مره اطيح علي اني اكلمه و خواتي وايد محترين مني والله يا بنات انهم وايد ايون عندي يشيشوني عليه و لا تاخذينه و من هالحجي

و يروحون عند امي يطلعون عله سوالف لي درجه يقولون هذا عنده كرت احمر و مو صاحي و خبل لي هالدرجه !! مواصلت لي جذي !!

امي تدري اني اكلم و امي ساكته ! واهما قايلين حق امي من قبل واحد يبي يتزوجها و لا توافقين و من هالحجي


المهم انا خايفه من ردة امي و ردة خواتي بعد لان اهما بيشيشون امي علي و عليه !! و يخلون امي ما توافق


المهم بنات الحين شلون اروح اقنع امي !!! و شلون اقولها عنه !! و شلون اقوولها من وين عرفته !! بنات تكفون ساعدوني شسوي !! الصبي ياي بالحلال والله يبيني على سنة الله و رسوله !! تكفون ببجي شسوي بنات ساعدوني الله يخليكم

 

[حشمه]

خلي الموضوع بايد امه خلاص خليها تتصل

وتشوف رده فعل امج ليش مستبقه الاحداث

وادعي ربج يسهل لج امورج وكل شي خيره من ربج

 

[دبه موت]

اسلوبج ابد ماحبيته سلامات عشان واحد حبيتيه امي وايد عصبيه وردت فعلها في قلة ادب استغفري ربج والله ماييستاهل الرجل تاخذين ذنب عشانه
لاتتكلمين انتي مع امش وخل امه تتصل وتاخذ موعد تشوفك لاتقولين لامج انه ناس بيتقدمون لي ولا حتى تقولين لها هذا اللي اكلمه بيتقدم لي خليها على الله وخواتج لايتدخلون هذا حياتج وانتي تاخذين قرار من ترتبطين فيه ولا تقولين حتى لاخوتج لانه لو عرفت امج انه بيتقدم احتمال ترفض من اول اتصال من امه فأنتي سكتي وادعي ربج يسهل لج امورج

 

[مذهلة2013]

ليش تقولين على املج اسلوبها قلة ادب ؟ هذه امج على مااعتقد هذه تاج راسج ؟

خلي الام تتصل على امج ولو لج نصيب فيه بتاخذينه

 

[منيره آل ثاني]

لا تتعلقين فيه يمكن ما يكون من نصيبج ، مثل ما قالو البنات كلمي امه تتصل وتأخذ موعد

 

[nona_24]

اول شي حابه اوجه حق كل الي يقولون هذي امج و عيب !!

اظن ماقلت شي غلط و كنت صريحه و ماقلت كلمه وصخه على امي !! امي فوق عيني و راسي و لو مو انا محترمتها جان ما كتبت خايفه افاتحهابالموضوع !! و انا لما قلت اسلوبها شوي فيه قلة ادب يعني اعني فيه وقاحه شوي و نجري بالمعنى الصحيح و بليز لحد يفهم الموضوع على كيفه و يعلق سألو بالاول!! و انا مو كاتبه الموضوع عشان اتي فلانه و علانه تتشمت ولا تسويلها سالفه على ولا شي !​

 

[nona_24]

و ماني ياهل اناتعلموني !

لأن مهما يصير انا ادري امي فوق راسي و تاج عالراس و احبها و احترمها و اعزها اللهم تصرفها بالمواقف غلط !! هذا الي خايفه منه بس !! فهمتوا حبايبي !​

 

[كويتيه فرنسيه]

انا مع البنات خل يتقدم ولاتقولين لاامج شي جنج ماتدرين عنهم وخل يقول لامه انه شافوج بعرس او مكان وخلاص

واذا لج نصيب بتاخذينه واذا مالج اكيد خيره

وترا انا فاهمتج بسالفة امج فعلا في امهات صعب يتفاهمون الله يهدااهم

 

[يجازيك بحبك]

أختي
الله يكتب لج اللي فيه خير ويحنن قلب امج وتخليها توافق ان شاء الله
و أنا مع الخوات اللي قالوا لج امه خل تدق وانتي لا تفاتحين امج بالموضوع ....
والله يوفقج يارب

 

[M!Ss Smart]

اول شي بقووولج الحين شكثر يتزوجوووون بنات يكلمونهم سواء بدو او حضر لان الزمن تطور والشباب مفتحين مايبون امهاتهم تخطبلهم وحده مايعرفون اهيا شنو وقليل اللي يرضى بهالزواج سالفتج عاديه مو عيب ولا حرام دام الولد شاريج ويبيج بالحلال حبيبتي كلمي امج واقنعيها وقوليلها انج تبينه قولي الصراحه ولا تلفين ودورين وتالي اذا وافقت خلي امه تكلم ويخطبونج رسمي وربي يوفقج ان شاءالله

 

[دلال و غلا]

حبيبتي خليج متوكله ع الله لان هو سبحانه اللي قادر يخليه من نصيبج
خليهم يدقون الباب و يخطبون عادي مثلهم مثل اي احد يبي القرب
*

 

[nona_24]

وااااااي عسى ربي يوفقكم يا بنات شكثر ساعدتوني الله يعطييكم الف عافيه

بس المشكله لو امه دقت على امي امي بتقولي شكو تعطينها رقمي و ابوج مايرضى تاخذين مو من اهلنا و من هالحجي !!

انا يدتي راضيه اخذ حضري و اختي متزوجه تقولي عادي بعد !! بس في اخت سوسه حيل تتلزق و تزلق بيني و بين امي !!

و ابوي اول كان متزوج وحده حضريه و طلقها و بعدها تزوج امي !!
بس مادري امي شفيها الله يهداها!! هذا الي خايفه منه !! لان ادري لو امه دقت بدون لا اقول حق امي راح تعصب و بتقولي تيبين ناس غرب يدقون علي و من هالحجي !!

ساعدوني بحل ثاني بليييز !! والله خايفه !​

 

[كويتيه فرنسيه]

^^ لاتقولين انج الي عطيتهم رقم امج قولي يمكن سالو وحده من جماعتنا وعطتهم الرقم اصلا انا ماعرفهم

وبعدين اخذي امج بالمسايس وبالكلمه الحلوه وربي بيكتب لج الخير واذا هو نصيبج بتاخذينه بتاخذينه

 

[nona_24]

واااي الله يسمع منج يارب


بس المشكله امي توها مغيره رقمها و مافي احد يدق عليها غير اهلي و يدتي بس !!


هههههههههههههههههههه ادري مشكله حدي خايفه ياربي مادري شقول اخاف من ردة فعلهااااا

 

[اميره1980]

ما فيه احسن من الصراحة
اخذي امج على جنب بروحها ما يكون احد قاعد وياكم يشيشها عليج و قولي لها عالسالفة و قولي لها ما حبيت اخطي اي خطوة الا بشورج و تحت امرج
اكلي امج بالكلام و عطيها ريج عسل عسل و بيني لها انج ما تعرفين تتصرفين او تمشين امورج من غير شورها مثلي عليها لوووووووووووووووول و اكيد امج تحبج و تبي مصلحتج حتى لو ما كان من نصيبج اهم شي ان ما سويتي شي من غير شورها و راح بالج يرتاح من هالخطوة صدقيني
عسى الله يجمع ما بينكم بالحلال يا رب اذا كان فيه خيره لج يا رب

 

[اميره^_^بحلآها]

خلاص خلي اتدق ع تليفون البيت مو شرط رقم امج ..~
والله يكتبه من نصيبج انشالله

 

[ms_kakawa]

كلمي آمج بوقت تكون آهي فرحآنه فيه
وبآلنسبه حق آلتيلفون عطيهم رقمكم آلبيت
مآعندكم فون بيت عطيهم رقم آختج آلكبيره
وآهي تكلمهم وبعدين تقول حق آمج وشوفي
آمج شنو بتقول ،

 

[حشمه]

لو قالت ليش عطيتيها رقمي قولي لها شسوي طلبت رقمج وعيب

اردها شقول لها وماتدرين يمكن ولدها نصيبي خل نشوفه وبعدين

نحكم يمكن ترتاحين معاهم سايسيها ولاتعاندين وشوي شوي

ان شاءلله يتم الموضوع

 

[Kocheko]

انا ما بقولج شي غير .... الله يسهل امورج ويكون من نصيبج يااااارب

 

[فرزاشيهـ]

الله يرزقج باللي تبينه



بس لا تتهورين و توصل السالفه لابوج انتي عارفه شنو بيصير عقبها من تعقيدات كوني من نفس البيئه تقريبا


ف الحل هاليومين تضبطين علاقتج بامج او تكلمين وحده من خواتج الكبار