شلون اعرف ايام التبويض

[قطرررريه]

شلون اعرف ايام التبويض

انا الدوره متلخبطه لان سقطت

و وقف علي الدم نهاية الشهررر

شلون اعرف ايام التبويض ؟

واحسن تواريخ للجماع عشان الحمل تكون نسبته اكبر

ماعندي خبره فهلمجال ياليت تفيدونا

 

[دلع24]

في برناامج حلوو تحددين يووم دورتج التاريخ الي نزلت فييه

وبعدها يطلعلج ايام التبويض متى والدوره الجاايه متى تكوون واسمه

Pink Pad


انصححج فييه

 

[دلع24]

طبعا البرنامج بالايفون والجلكسي

 

[tota77]

ايام التبويض الي اعرفها ثاني ١٠ ايام من الدوره

عسى الله يرزقج الذريه يارب .. والحمدلله انا بعد اجهاضي حملت من غير ماتنزل الدوره والجماع صار بعد ماتطهرت

كل شي بايد ربج ..

بس الحسبه الي الدكتور عطاني اياها الي اهي احسب ايام الدوره ١٠ واليوم ١١ يعتبر من ايام التبويض لي اليوم ١٨

 

[@أم يوســـف@]

الله يرزقج

 

[cute_mama83]

في جهاز واااايد الصراحه فادني بهالشي اسمه كلير بلو (انا اخذ الديجتال لان قراته اسهل )
تحصلينه بالصيدليه وطريقته نفس اختبار الحمل بس يفرق ان تسوينه مرتين باليوم عشان تعرفين وقت التبويض
والجهاز مرفق معاه جدول بعدد ايام الدوره ومتي ينصح تتسخدمين الجهاز
والله يكتب لج الحمل ان شاءالله

 

[دلوعة ماماتي 88]

اول شي لازم تروحين لدكتوره عشان تنظمين الدوره

وبعدين في جدول يبين لج ايام التبويض
وهذا رابطه
مُخَطِط الحمل

 

[Om_HoBi]

اذا دورتج متلخبطه حسبي من يوم الدوره لي اليوم ال 10
و سوي تحليل الاباضه تلاقينه بالصيدليه
انا مانفع معاي عدل مادري شفيه
اهو يطلع لج هابي فيس اذا كان يوم التبويض يعني جماعج يصير اليوم اللي عقب
و اهو الجهاز فيه هم خطين
انا الخطوط كانت تطلع و يوم ال 14 صارو مثل بعض نفس ملوت تحليل الحمل
معنه ماطلع الهابي فيس
و صج يوم 15 حملت

ايام التبويض حسب كل وحده بس اهي مابين 10 لي 17 يوم من الدوره
لأن مرات الحيوانات المنويه تظل بالجسم فحتى لو طفتي يومج ممكن يكون حمل

 

[Öm àlkeek]

عليج بتحليل الاباضه اخذيه من الصيدليه وعدي من اول يوم الدوره
لي ١٠يوم وكل يوم سوي تحليل لين يبين معاج انه اليوم التبويض وابدي جماع