شلون اعرف ان ولدي بطيء تعلم..؟

[caramil]

السلام عليكم :*..

بنات اللي بتساعدني بدعيلها ..

بليز.. شلون تعرف الام ان ولدها بطيء تعلم ؟؟ منو منكم واجهت هالمشكله وشلون حلتها
جد احترت ماكو وسيله تساعد على معرفة هالشي .. !

 

[Dreamer]

روحي لأخصائي سلوك للأطفال الي أعرفه ان فيه اختبارات معينه يسوونها للطفل علشان يعرفون عنده بطء فهم أو لا وهالإختبار ما يتسوا قبل ما يكمل الطفل خمس سنوات ولو كنت أعرف شخص معين كنت قلتلج عليه لكن ما أعرف للأسف إن شاء الله قدرت أفيدج

وعلى فكرة اذا كان الطفل حركي وايد هالشي يأثر على استيعابه لأنه ما يركز وكل تفكيره في اللعب مو لأنه عنده بطء في الفهم وفي ناس تخلط بينه وبين بطء الفهم

 

[أم عبووووود]

وعليكم السلام ورحمة الله وبركاته

لاتحتارين حبيبتي اول شي شوفي مستواه بالمدرسة مع المعلمة وبعدين اذا بتعرفين ان كان بطيء التعلم وديه مركز تقزيم الطفل يسوي له اختبار وعلى اساسه يبين ان كان بطيء او صعوبات .

ربي يطمن قلبج

 

[حور بنت علي]

حبوبه في بالسره مركز تقويم الطفل يسوون له أختبارات أنا موديه ولدي

 

[caramil]

ماقصرتوا معاي وعسى الله يعطيكم على قد نيتكم ويطمن قليبكم..:*

 

[عشماويه]

حبيبتي أولا لازم تهتمين بهالموضوع لأن كل ما يطوف الوقت مو من صالحج

روحي في مستشفى الصباح في عندهم قسم خاص يسوون لج اختبارات فحص حواس وذكاء الطفل ( روحي قسم الأطفال وهم يدلونج عليهم ) بس يعطونج موعد ومواعيدهم بعيده بس وضحي لهم انج مستعيله واشرحي لهم ظروف ولدج

عقب روحي مثل ما قالت لج إختي ( حور ) في بالسرة مركز تقويم وتعليم الطفل صوب مدرسة البحر هناك يسوون اختبارات لولدج ويقابلونه أخصائيين يقيمون مستواه


أتمنى ما تهملين هالشي وإن شاء الله مافيه إلا العافيه

 

[caramil]

ماقصرتي حبيبتي عشماويه وآسفه توني اشوف نصايحج

بصراحه هذا ولد رفيجتي كان شوية مستواه بالمدرسه متندي

وقبل شهرين دخلناه تقويه والحمدلله اتضح انه مايدرس ولا ينتبه الا للشخص الغريب
لما امه تدرسه مايستوعب وارتفع مستواه من جيد إلي جيد جدا مرتفع الحمدلله

ومشكورين كلكم :*