شلون اضمن اذا ولدت بمستشفى خاص مايعطون البيبي حليب صناعي وانا اللي ارضعه بس ؟؟؟

[Q.8.h.2]

السلام عليكم خواتي

انا مفكره هالمره اولد بمستشفى خاص

بالحكومه من اول مانولد البيبي يكون عندنا واحنا نرضعه فندري ان ماعطوه صناعي

بس بالخاص شلون اللي اشوفه انهم ياخذون البيبي من الوحده شلون اضمن ان مايعطونه حليب صناعي ؟؟؟

هل اذا قلت لهم بييبونه لي وقت كل رضعه يحتاجها ؟
وهل اخذ شفاط حليب واشفط له ؟ ولا شلون الطريقه ؟

فاللي والده بمستشفى خاص وترضع طبيعي بس تفيدني وتطمني :eh_s(7):

 

[Mednight Rain]

رد : شلون اضمن اذا ولدت بمستشفى خاص مايعطون البيبي حليب صناعي وانا اللي ارضعه بس ؟؟؟

يسعدني اكون اول من يرد عليج

بس طلبي منهم من البداية ان البيبي بترضعينة طبيعي ، واكيد اخذي معاج شفاطة الحليب ، لان بداية الرضاعة تنزل مادة صفرا لمدة 3 ايام مهمة للبيبي ومناعته وقواج الله .

:eh_s(7):

 

[ام عفاف الكويت]

يكتبون علي الورقه رضاعه. طبيعيه وكل ساعتين يجيبونه
وبالليل كيفج انا تشفطين وتعطينهم او يجي الساعه. سبع وحده يوعان

 

[البدويه الاصيله]

مادري اتوقع لازم يعطونه صناعي لانه تكونين موبوعيج وتعبانه
بس طلبي منهم

والله يسهل عليج ولادتج يارب :yaaaaaarb:

 

[Q.8.h.2]

اها مشكوووورين والله لاني وايد احاتي هالسالفه

وان شاء الله ربي يتمم عليي وباخذ الشفاط احتياط وبقولهم ان شاء الله رضاعه طبيعيه

يزاكم الله خير حبوبااااات :eh_s(17):

 

[Q.8.h.2]

مادري اتوقع لازم يعطونه صناعي لانه تكونين موبوعيج وتعبانه
بس طلبي منهم

والله يسهل عليج ولادتج يارب :yaaaaaarb:

مشكوره حبيبتي عالرد والدعوه

 

[نونه الزعفرانه]

الله يسهل عليج يارب
البنات ماقصرو:rerrerek:

 

[حلوه العسل]

انتي قوليلهم هالشي
انا رفيجتي قالتلهم وكانوا كل شوي يقعدونها من النوم بالمستشفى عشاان اترضعا
وانا الحين بسوي نفس الشي
بس ترى ماعتقد الشفاطه تنفع لانه اول ٣ اياام ماينزل الحليب
بس ماده صفره وتكون شويه حييل

 

[@ام يوسف@]

رد : شلون اضمن اذا ولدت بمستشفى خاص مايعطون البيبي حليب صناعي وانا اللي ارضعه بس ؟؟؟

اب للرفع

 

[أم حمودي**MALL**]

اذا بلغتيهم ماراح يعطونه صناعي

 

[^_^ حوراء ^_^]

وإذا عطوه صناعي شبيصير يعني؟؟؟


لاتعقدين الامور و تفكرين و انتي بالشهر الثالث بهالسالفه

 

[MissChoco]

انتي قوليلهم مابي تعطونه صناعي انا برضعه ،،

بس الكل يقول اول شي في ماده تطلع من صدر الام وايد زينه حق البيبي

وبعدين كل الدكاتره ينصحون بالخلط بين الصناعي والطبيعي لانه اثنينهم مفيدين

 

[MissChoco]

والله يتمم عليج ويسهل عليج ياارب

 

[ماريا 2006]

اولدي بالمواساة وانا اظمن لج ان ما راح يرضعونه صناعي الا اذا افلسو منج
سياستهم جذي رضاعه طبيعيه انا توني والده فيه
اول ماتولدين وانتي تعبانه يحطومه على صدرج ويفغصون صدرج لما يخلص
وبعدها كل شوي جايبينه ويدقون تلفون والله ابي ارتاح ماكو كل شوي جايبينه فا اخذيها مني المواساة تلقينهم كل سستر حاطه بروشور انا اشجع الرضاعه الطبيعيه

 

[meen_ana]

حبوبه ييبون لج ورقه عن الرضاعه الطبيعيه ويخلوونج توقعين اذا تبين رضاعه طبيعيه وقت الرضاعه ييبون لج البيبي انا هذا كان بالمواساه بحمالي في بنتى

 

[MiSS B.K]

رد : شلون اضمن اذا ولدت بمستشفى خاص مايعطون البيبي حليب صناعي وانا اللي ارضعه بس ؟؟؟

اذا طلبتي منهم لا تحاتين .. وزين تسوين وعودي البيبي على الطبيعي
الله يوفقج حبيبتي

 

[مرام1]

صباح الخير

 

[ساشا]

انا ولدت بالسلام ... يابولي شفاط كبير يخرع جنه مال بقر لوووول
وماشاء الله اول مرة اشوف كمية حليب تطلع جذي
الجهاز يشتغل بذمة والاهل كهربائي يعني مو انتي تعابلين بايدج وتضغطين عشان يطلع الحليب
بس تحطينه على صدرج لمن ينشف من الحليب تدورينه على الصدر الثاني
واصلا يخلونه عندج طول فترة قعدتج بالمستشفى بس قالولي اشتري الرضعات من الصيدلية
وياحلات ممرضاتهم اول ما ياني طلبي من الصيدلية خذوا الرضعات وراحوا عقموهم بعدين
ردوهم لي عشان اشفط فيهم الحليب وكل ماخلصت خذوا الحيب مني ودوه قسم الاطفال
وافتح الشاشة واطالع بنتي والممرضة ترضعها حليبي

اهلين