شلون اضبط الصف واسكتهم انا اشرح

[شذى الحب]

:yaaaaaarb: يارب تحقق اللي في بالي يارب

مبين ع العنوان شلون امسكهم اضبطهم الصف انا الشرح يارب تسهلها علي يارب :yaaaaaarb:

 

[رضاهم جنه]

انتي باي مرحله ؟

 

[كل شيء عادي]

شوفي حبيبتي لازم تخلين رئيسة القسم أو الاخصائيه تهاوشهم
لأنك مهما هاوشتيهم ماراح يسكتون لأنهم تعودو على الازعاج في حصتك
ومهما كان لاتبدين الحصه إلا والصف هادي ونظيف
وجيبي هدايا للي يكون هادي وعاقل
وسوي كل يوم نجم الصف من كل مجموعه وجيبي هدايا حلوه لهم عشان باقي الصف يغار منهم ويسيرون عاقلين
ودائما سوي تنافس بين المجموعات
جيبي نجوم أو كور صغيره وحطيهم في سله على طاولتك وحطي سله على طاولة كل مجموعه
والولد إلي يجاوب يقوم من كرسيه وياخذ كوره وأخر الحصه المجموعه إلي تجاوب اكثر تاخذ هدايا
وقبل ماتدخلين الحصه إدعي الله إنه يهديهم ويعقلهم
والله يوفقك يااااااااااااااارب

 

[غيمه ظميانه]

أذا ابتدائي تعامل معاهم بالتحفيز والهدايا

اذا متوسط بالدرجات او الترهيب زف زفتين وقفيها عالطوفه تتسنع


بنات اللحين التعامل معاهم متعب الله يصلحهم

 

[شذى الحب]

اي ابتداااااااااااااااااااااااااااااااااااااائي كل ماشرح وحدة تقوم مكانها ولا تنظف ولا تسولف ولا مووويمي

 

[@ نجمة العطااا @]

لحظة بخلص شغله واجي اقولج دقايق عندي افكار وطرق كثير

 

[@ نجمة العطااا @]

شوفي حبوبه :
1- جيبي تاج من ابو 100 مثل تاج الاميرات تعرفينه طبعا جيبي خمسه منه وحطيهم بسله حلوة وقولي لهم الاميرة اللي تقعد طول الحصه ساكته راح البسها التاج طول اليوم
2- قسمي الصف مجموعات وسوي لك وسيله وغلفيها تغليف حراري وثبتيها على فلينه او جيبي الوسيله الفلين اللي ممكن تتغلف وقسميها مجموعات واطبعي لك صور الفيس الضاحك والزعلان والمعصب والباكي وقولي لهم المجموعه اللي تجمع الفيس الضاحك لها هديه وجيبي معاك هدايا من ابو100
3- جيبي هدية وغلفيها وقولي هذي الهدية لاحسن وحده تقعد ساكته لاخر الحصه وخليها قدامهم على الطاولة
4- البنات الهاديات كرميهم بالطابور على هدوءهم راح تلاقين الصف كله هادي عشان التكريم
5- جيبي معاك عروسه فروحه وكلميهم على لسانها ولعبي معاهم فيها الى ان يتعلقون فيها بيوم لا تجيبينها وان سالوج قولي لهم زعلانه عليكم لانكم مزعجين اذا قعدتوا ساكتين لاخر الحصة تجيكم الحصة الجاية

 

[شذى الحب]

والله فكرتج حلوة بسويها ان شاءالله

 

[صفاءء]

كل الهدايه بصوب والشخصيه صوب ثاني

لازم الطلبه يخافون شوي بس لمن خوفتي وحده بعدين طلعي من قلبها يعني تشدين وترخين

 

[mi corazon]

ماشالله افكار البنات حلوه

وصج هالمرحله انتبهي التحفيز يأثر فيهم والزف راح يخليهم يتنحون .. كل ما احترمتي الطفل راح تكونين الأكثر تأثير عليها .. كلنا نتذكر الابلات اللي كانوا يزفونا واحنا صغار ونموت عالابلات الطيبات معانا

التحفيز والتحفيز والتحفيز


حطي قوانين لانج ماتقدرين تتحكمين بوحده وحده والعدد كبير .. قولي من ادش الصف محد يتحرك من مكانه إلا بأذني ولو تبين تقولين شي نطري لين اخلص كلامي عقب رفعي ايدج واستأذني .. وهالشي حتى مع اهلكم تسوونه

واللي ما تلتزم راح تتعاقب وانا احبكم ومابي اعاقب ولا وحده فيكم لأنكم الحين كبار وغلط تنزفين جدام زميلاتج .. إلا إذا اضطريت

ادري حجي وايد بس عطيهم فرصه يقلبونها مخهم عشان يستوعبون .. تره احنا الكبار اللي نمل من القرقه مو اهما

واهم شي لي حبوج بيدورون رضاج ولا بيزعلونج ..

عن نفسي لو لقيت ازعاج اوقف مكاني واوقف الشرح واسكت .. اهما يسكتون بعض ويتأسفون خلاص تعودوا .. هاذا واهما متوسط فما بالج ابتدائي .. عادينج امهم الروحيه

موفقه ويزاج الله خير عالجهد