شلون اشيل الكهربا من الملابس ؟؟

[منطلقة بطموحي]

السلام عليكم و رحمة الله و بركاته ..

هلا خواتي ..

ساعات العباة يكون فيها كهربا .. يعني تلصق و الا لما المسها اتكهرب ..

شلون اشيل الكهربا اللي فيها ؟؟؟

انا عادة اخليها مع الوقت يروح الكهربا لووول .. بس ابي طريقة احسن ..

اتمنى انكم تشرفون الموضوع و تحطون حلولكم الطيبة

و السلام عليكم و رحمة الله وبركاته



Dr. HaPpY

 

[معلمه متميزه]

مشاركة: شلون اشيل الكهربا من الملابس ؟؟

هبي من صجج ..


هوووو ينباع بالجمعيات بخاخ مضاد الاستاتيكيه .. رشي فيه العبايه او الهدوم وتروح على طول ..

تلاقينه يم النشى الرش الي يستخدمونه للكوي ويم المنظفات وهالسوالف ..

وتسلمين

 

[منطلقة بطموحي]

مشاركة: شلون اشيل الكهربا من الملابس ؟؟

مشكوورة اختي زمن العجايب .. جزاك الله كل خير .. بروح اشتريه باذن الله ..

سامحيني عالاسئلة السخيفة .. بس شعرفني .. ترى توني 21 قاعدة اتعلم هالسوالف ..

 

[brownness]

مشاركة: شلون اشيل الكهربا من الملابس ؟؟

اي اكو بخاخ بالجمعية طويل لونة ازرق جنة ماعرف شسمة

 

[سنابل]

مشاركة: شلون اشيل الكهربا من الملابس ؟؟

هذي انتي قاعدة تسألين يا دختورة

شوفي الله يسلمج .. أنا بالآونة الاخيرة .. عباتي تصير فيها كهربا وايد لدرجة اني قمت اخاف احط ايدي على يدة باب سيارتي لأني كذا مرة تكهربت تكهرب يعور و يخرع !!

بس اليوم بالتحديد تذكرت و لقيت بخاخ ال Anti-static من الجمعية

 

[منطلقة بطموحي]

مشاركة: شلون اشيل الكهربا من الملابس ؟؟

اختي براونيس ..
مشكوووورة .. جزاك الله كل خير ..

اختي سنابل ..
اي هذي انا .. أم الخروف لووول ..
خوش عيل نشتري منه باذن الله .. جزاك الله كل خيير ..

 

[@ الرسامة @]

مشاركة: شلون اشيل الكهربا من الملابس ؟؟

فيه بخاخ

ينباع بالجمعية

لونه ازرق

مضاد للشحنات الكهربائية

راح يخلصج من هالمشكلة

 

[اعييز]

مشاركة: شلون اشيل الكهربا من الملابس ؟؟

ها هبي بشري شريتيه والا مالقيتيه بجمعيتنا الحلوه !


مكانه عند الشموع والمنظفات تقريبا ..


اول ماتدشين الجمعيه كملي سيده واخذي يسار مو أول لفه ولا ثاني لفه تقريبا الثالثه اول الرابعه ... ===>شرايج بالوصف كلش مو حافظه الجمعية

 

[.]

مشاركة: شلون اشيل الكهربا من الملابس ؟؟

مثل ما قا لوا البنات بخاخ لونه ازرق طويل....

وترا يعتمد على شنو لابسه تحت العبايه.....

 

[@ الرسامة @]

مشاركة: شلون اشيل الكهربا من الملابس ؟؟

خل اتبخ على الشلحة وبعدين على العباة

 

[منطلقة بطموحي]

مشاركة: شلون اشيل الكهربا من الملابس ؟؟

اختي الرسامة ..
مشكوورة اختي .. جزاك الله كل خير ..
بس انا البس بنطلونات أو تنورة تحت العباة ..

حبيبتي اعييز ..
لووووووووووول .. الشرح عجييب ..
ان شاء الله باجر الصبح بروح الجمعية اشتري اغراضي و اروح على وصفج لووول ..
جزاك الله كل خير ..


اختي رونه ..
مشكووورة جزاك الله كل خير ..

 

[اعذريني يالهدايا]

مشاركة: شلون اشيل الكهربا من الملابس ؟؟



شوفي انا بقولج بس لا تقولين حق احد

وترا غير عن اللي قالوه البنات

روحي الجمعيه

صوب المبيدات الحشريه تلاقينه لون وردي غامج جنه مكتوب عليه بف باف
هههههههههههههه
وصدقيني من اول رشه عباتج ما تلصق ولا تفكر تلصق
طاوعي اوخيتج ورديلي خبر
لوووووووووول

وبالاخير مثل ما قالو البنات البخاخ الازرق

 

[Harmony]

مشاركة: شلون اشيل الكهربا من الملابس ؟؟

منطلقة الله يهداج اشتري البخاخ مال الكهربا الأستاتيكيه ينباع بالجمعية و يحلج المشكلة

 

[nono78]

مشاركة: شلون اشيل الكهربا من الملابس ؟؟

بس قلبي هدومج ورشي عليهااااااا

بعدين عدليها ولبسيها

انا مرات ارش على مشط شعريييييييييي عشان الكهربا تروح من شعري

وانااقول شسالفه البنات يشتكون من انقطاع الكهرباء

لوووووووووووووووووووووووووووووووووووووووول

 

[BaiTotia]

مشاركة: شلون اشيل الكهربا من الملابس ؟؟

إي صح فيه بخاخ خاص

نونو من صجج على مشطج أخاف يضر شعرج ديري بالج؟؟؟؟؟؟؟؟؟؟؟؟؟
ذكرتيني وأنا ياهل مرة راشه النشا مال الملابس على شعري أنا و بنت خالي طبعا أكلنا طق عدل خخخخخخخخخخخخخخخخخخخخخخخخخ

 

[زيـنـه]

مشاركة: شلون اشيل الكهربا من الملابس ؟؟

ما قصروا البنات كفووا ووفوا .. عسى لقيتيه .. و ساعات يصير حجم صغير مثل السبراي الصغير ينحط بالجنطه .. بس لا تكثرين ريحته تقمت .

و انا ساعات ارش على مشكي عشان ما تصير كهربا بالشعر .