شلون اشووي الديايه بدون جلد وماتكون ناشفه حيل ؟

[g6awi]

مسا الخير يا حلوات باجر بشووي دياي تبلته وخلصت

بس مابيه يصيير حيل ناشف من داخل شلووون ؟؟

انا سوويته بتتبيلة رووب وليمون وخلطة البهارات الخ

بس ياريت اللي مجربه تفيديني

 

[إيمي1987]

سلام عليكم

خل اقولج طريقتي

انظف الدياي واشيل الجلد منه واتبله شوي

بعدين افوحه بماي وبصله يستوي شوي
واذا حابه بعد تبلينه ورا ما تطلعينه من الماي يكون مستوي شوي عادي تبليه
وبعدين حطيه بالفرن يكمل ان يستوي شوي ويحمر
وبجذي ما يبيس ان شاء الله
يطلع حلو
موفقه عزيزتي

 

[g6awi]

مشكووره حياتي بس انا الحين حاطه عليه التتبيله ماقدر افووحه

 

[شندوخه]

حطي بالبايركس او صينيه الفرن ولفيها بقصدير لم تستوي واذا تبين تخلين الويه يتحمش شيلي القصدير اخر شي وخليه بو خمس دقايق

 

[جارة القمر]

تفضلي طلبك

http://q8yat.net/showthread.php?t=620955&highlight=%CF%CC%C7%CC+%E3%D4%E6%ED


http://q8yat.net/showthread.php?t=410806&highlight=%CF%CC%C7%CC+%E3%D4%E6%ED


http://q8yat.net/showthread.php?t=535560&highlight=%CF%CC%C7%CC+%E3%D4%E6%ED


http://q8yat.net/showthread.php?t=329829&highlight=%CF%CC%C7%CC+%E3%D4%E6%ED


http://q8yat.net/showthread.php?t=500465&highlight=%CF%CC%C7%CC+%E3%D4%E6%ED



http://q8yat.net/showthread.php?t=550409&highlight=%CF%CC%C7%CC+%E3%D4%E6%ED

 

[Un-6be3iya]

شوفي انا ماعرف بالمطبخ كلللللللللش
بس بقولج امي شتسوي
امي شارية جيآس اهية مخصوص حق هالسالفة حق اذا بتسوين الدياية مثلا بالفرن بس ماتبينها ناشفة
تنحط بهالجيس معاها تتبيلتها و بالصينية دايركت ع الفرن بعدين تطلعها عادي تحطها بالطبق و تصب التتبيلة من الجيس حوالينها لما تطلع وااااي تشووووق تحسينها متشربة التتبيلة عدللللل وانتي تاكلينها تحسين بطعم البهارات والشغل العدل

عآد مادري الجياس من وين بس مو تحطين اي جيس تسممين الي بالبيت لوول

 

[أحلى همبه كويتية]

الأكياس بالجمعية

هذه صورته وفيه انواع




تلاقينهم برف الأكواب والبلاستيك
هذه بجمعية السالمية باقي الجمعيات ما أدري



والبنات ما قصروا
كل الطرق تؤدي الغرض
وبالعافية عليج يارب

 

[أحلى همبه كويتية]

وهذه طريقة حلوة انا وايد اسويها




المقادير :

دجاجة كاملة مغسولة و منظفة بالخل و الملح و الدقيق.
بصلة كبيرة مفرومة .
بهارات ( هيل ناعم و الكركم و قرفة وفلفل أسود و بهارات الدجاج )
ثوم مفري مخلوط بالبهارات.
خضار مشكل حسب رغبتك ( ذرة- حبيبات بازيلاء و جزر و بطاطس مقطعة و مشروم
1 طماطم مفرومة
ملح ، كيس الشوي الخاص بالفرن حجم كبير .

الطريقة:

- قومي بعمل فتحات بالدجاجة بواسطة السكين(فتحات أو شقوق كبيرة) ثم رشي عليها الحبهان و الفلفل الأسود والقرفة وبهارات الدجاج و الملح ، وافركي الدجاجة بهم جيداً من الداخل و الخارج و بالفتحات




احشي الشقوق بالثوم و حاولي أن تفركي الدجاجة بخلطة الثوم ، ثم احشيها بالخلطة

احشي الدجاجة من الداخل بالبصل المفروم و المفروك بالبهارات

قلبي الخضار مع بعض و ضعي عليها القليل من الملح و الفلفل الأسود

ضعي القليل من الخضار داخل كيس الشوي

ضعي الدجاجة على الخضار ووزعي باقي الخضار حولها

اغلقي الكيس جيداً و اعملي فتحة صغيرة بالكيس

ضعيها في الفرن إلى أن تنضج ، ثم حمري الوجه ويمكن إضافة القليل من الصويا صوص .

 

[g6awi]

الله عليكم صج صج صج ما قصرتوا فديتكم كلكم

تسلم ايدكم وعسى الله ينولكم اللي في بالكم يااااااااااااااااااااااااارب

شكلي بحطهم في قصدير و بالفرن

مع اني مقطعه الدياي نفس التكا عشان بشكه بسياخ وبشووية بالشوايه اللي نفس التوستر

بس بفكر بطريقه ما تنشفه مممم

مادري شرايكم احطه بالفرن ؟

لان مابي يطلع دهن على الخضار