شلون اسوي ماركه خاصه لي؟

[مــتــنــحــة]

السلام عليكم ورحمة الله وبركاته ،


لو سمحتوا ابي اسال اذا ابي اسوي ماركة خاصه لموديلاتي ؟

تكون نفس الطباع عالخام والفستان نفسه ؟؟

واسوي شعار وتصميم خاص لاسم الماركة الخاصة فيني ؟؟

وهالسوالف هذي كلها ؟

وين اروح ؟ منو يقدر يسويها لي ؟ بس ابي شغل راقي ومرتب مو اي شي ؟


ساعدوني الله يعطيكم العافيه /

 

[q8rose]

المطابع يسوونه

 

[Manalisa]

حبيبتي روحي مطابع شويخ ...بس اخذي معاج نمونة من الشكل اللي تبينه ....يعني دوري رسمة او شعار مشابه او احد بالمنتدى مثلا يصمم لج شعار بالفوتوشوب وعقب اخذيه ...لان راح يسئلونج شلون تبين الشعار ...والكلام مو مثل الشوف ...والله يوفقج

 

[الشيخة@]

رفع لعيونش

 

[*ريما*]

سبحان الله

 

[ام يوسف الكويت]

تقصدين لوقو مو ماركه
الماركه غير واللوقو غير فديتج

 

[Bamya]

اذا تقصدين تبين تسوين تبكيرة معينة لج وتطبعين عليها اسمج او اسم ماركة بتسوينها (نفس طقة missoni و emillio pucci) === هذا يسمونه making pattern ويكون شغل إيدج مو شخص يسويه لج
يعني ترسمين على قطعة خام كبيرة تبكيرة انتي حابة انها تميّز ملابسج بعدين تدزين هالقطعة حق مصنع يطبعها لج على طاقة خام ومادري اذا في مصانع بالكويت تسوي هالشغلة بس اللي اعرفه اشهر مصانع بالصين

أما اذا قصدج تبين تسوين لج tag للملابس و logo وتسوين اسم ماركة تطبعينه على تصاميمج == المطابع اهني يسوون لج هالشغل هذا حتى كروت شخصية ويطبعون لج اللوقو على جياس