شلون اسوي خلع ؟؟

[بنت الثانوية]

السلام يا نسوان ,.,.

خواتي ابي منكم طلب وما ابي نصايح بليز

ابي مساعدتكم

شلون اسوي الخلع

وين اروح وشسوي وشنو المطلوب مني وهل لازم يكون عندي محامي

وابي اعرف كل حقوقي

وانا عندي ياهلين شنو حقه عليهم وشنو حقي عليهم

وهل المؤخر يكون من صالحي بهالطريقه ..

ابي اعرف كل حقوقي وشنو الي مالي حق فيه

وشنو حقه وشنو الي ماله حق فيه

وسؤال اذا خلعت خلاص ما ارده ابد ولا اقدر ارد ؟.؟.؟.

عفيه ضروري ابيكم تساعدوني

 

[momoqatar]

أختى بأختصار شديد
الخلع معناه أن الزوجة تفتدي نفسها
وعادة يكون أن الزوجة ترجع كل اللي عطاها اياه الزوج من مقدم صداق
وفي حالات أنها تتنازل عن حقوقها كلها لدى الزوج من نفقة عدة ومتعه ومؤخر صداق
هو على حسب الأتفاق بين الزوج والزوجة أمام القضاء
وأجراءاتها أنج تتقدمين بدعوى خلع ينظر فيها القاضي ويحاول يوصل لأتفاق يرضي الطرفين
عادة الخلع مايحتاج لأبداء الأسباب فقط يكفي أن تقول الزوجة للقاضي أنها كارهه للزوج وعشرته ولا تستطيع أن تقيم حدود الله في العلاقة الزوجية
ولكن الزوجة لا تستطيع التنازل عن حضانة الأبناء أو عن أي حق من حقوقهم مقابل الخلع
والزوجة في حالة الخلع لا تستحق مؤخر صداقها لأن هي من ترفض الزوج
وتستطيع الزوجة ان تحتفظ بالأبناء بحضانتها طالما هم في سن حضانة الأم ويستحقون كامل حقوقهم من نفقه وتوفير مسكن والخ
الأفضل أختى أنج تستعينين بمحامي أكيد لأن يعرف أكثر الأجراءات وممكن يصيغ لج الدعوى بالشكل الصحيح
والزوجة تسطيع الرجوع للزوج بعد الخلع على ان لا تكون أنجزت عدد طلقاتها وترجع له بعقد جديد ومهر جديد

هذا بالنسبة للخلع أختى
لكن عموما أتمنى أنج قبل أتخاذ القرار انج تفكرين وتعطين نفسج فرصة أو تحاولين تستشيرين مركز أستشارات عائلية يمكن تتوصلون لصلح بينكم وربي يوفقج

 

[كتكات احمر]

الله يفرج هممممممممممممج

 

[قطوة@@]

الله يفرج همج حووبي

 

[بنت الثانوية]

يعطيكم العافيه

زين عندي بعد سؤال هل لازم يكون عندي محامي ووين اروح ترى انا كلش ما افهم بهالمواضيع ..

 

[girl0lisheis]

الله يفرج همج حبيبتي روحي عند اي محامي او محاميه سوي عندهم استشارة واهم راح يجابون عن كل اسألتج ..

 

[ليان]

الله يهديه لج ويهديج له

كثري من الاستغفار​

 

[فلبينية عبدة]

الله يفرج همج

 

[بنت الثانوية]

زين بنات تعرفون رقم محامي اقدر استشيره بالتليفون؟؟

 

[التاجره الامينه]

اتصلي على 1807000
وقوليلهم ابي محامي يحولونج للاستشاره
بس اسال الله العظيم رب العرش العظيم وهذهِ ليالي شهر رجب المبارك ان يصلح بينكم ويجمعكم من جديد
ويدوم الود بينكم عشان راحتكم وراحة هلـ يهال

 

[بنت الثانوية]

يعطيكم العافيه

 

[ام كوشه منكووشه]

اختي استشيري محامي يفيدج بهالامور اكثر ويبين لج كل اللى لج واللى عليج

 

[الـــريـــم]

اختي الخلق ما تحتاج محامي
يعني راح ياخذ منج 500 او 600 عالفاضي
روحي قصر العدل عند ضباط الدعاوي وقولي برفع قضيه خلع
تسقط كل حقوقج كنفقة زوجيه ونفقة عده ومتعه ومؤخر صداق

بس ابدا ما تسقط لا حضانج لاولادج ولا نفقتهم
يعني من حقج بعد الطلاق ترفعين قضيه نفقة اولاد واثبات حضانه وهني وكلي محامي عليها يكون شاطر
علشان يطلعلج حق عيالج لأن مالهم ذنب
انصحج بنيفين معرفي

والله يهدي سركم يارب