شلون اسوي الخاثر (الزبادي )في المنزل

[براونيز]

شخباركم بنات عساكم ع القوه
ريبنات بليز ساعدوني لا عدمتكم طقنا الفقر من كثر مانشتري الروب والمشكله مانقدر نستغني عنه
امي كانت تظبطه وحنا صغار بس مادري شتغير
حاولنا بحليب التموين الكويتي بعد مافيه فايده
ياليت تعطونا تجاربكم يمكن وحده تفيد
مع الشكر الجزيل[/php]​

 

[براونيز]

وينكم يابنات

 

[العـــائده]

اهلا اختي ... بس ما ادري يالغاليه ... ايش تقصدي ....
.......... يعني بالنسبه لنا شخصيا .. اللي اعرفه ودائما نسويه ... بلبن البقر او الماعز ....!!!!
طبعا الموجود بمزرعتنا .......
يطلع ولا اروع ..... هذي رغبت الوالده الله يحفظها .. ما تحب تشتري من السوق ... تبي كل شي طبيعي ...
وتوزع ع الجيران ......
الا وبعد تسوي الجبنه منها والزبادي اللي يختلف عن الروب والحليب .......

يعني ما نشتري مثل ما ذكرتي حليب او لبن من السوق .. ونسويه فيه ....
يعني ما ستفدنا شي .........نبي كل شئ طبيعي ومن مزرعتنا ......

اذا تبين افيدك قوليلي ... وبأذن المولى بكرا بسأل الوالده ... واجيبلك الطريقه ......

 

[أريج الشوق]

ياهلا بـــ الغلا

حبيبتي سألت امي لعيونج..... وتقولج.....

حليب((احنا نستخدم التموين))+ماء+روب


الطريقه.........

اضيفي الحليب...على حسب الجدر الي رااح تستخدمينه...امي سوت بجدر صغير..وحطت قلاصين ونص حليب...ضيفي الماااي عليه

وحطيه على الناااار يطبخ.....وبعدين خليه ليمن يبرد...أوكي...واذا برد الحليب حطي الروووب عليه...وحركيه ليمن الروب يسيح مع الحليب



وبعدين غطيه بقطعه اقماااااااش وخليه على صوب ونطريه ليمن يخثر......ويصير رووب واحلى من مااااال الجمعياات واطعم....


اتمنى اني اكووون افدتج .......‘‘‘

 

[براونيز]

=مشكوره حبيبه داعيه سعوديه ياليت عندنا حلال مثلكم
ماشالله\\\\\ عندكم

اختي اريج الشوق حنا نسوي مثلكم بس يطلع ماي مدري شسالفه اكيد في سر
اي والله صدقتي احسن من الجمعيه ويجييج ثقيل لحاله تغصين فيه ياليت تقولون السر اللي عندكم

 

[جارة القمر]

تفضلي طلبك


http://www.q8yat.net/showthread.php?t=232289&highlight=%C7%E1%DA%E4%D2%ED%C7%CA


http://www.q8yat.net/showthread.php?t=404514&highlight=%C7%E1%E1%C8%E4

 

[nona-moon]

افا عليج انا اعرف اسويه بحليب التموين خليه شوي ثقيل بعدين دفيه بالنار مو تخلينه يغلي بس دفيه من تخلصين حطي عليه روب خالي الدسم وحركيه وغطيه ولحفيييييييه وخليه يوم كامل وراح تشوفين النتيجه وحطيه بالثلاجه يبرد

 

[omzoozoo]

جيبي الجدر الي بتسوين في الروب وحطي ثلاث ارباعه ماي بعدين جيبي حليب الماليه وحطي بالجدر بس خليه ثقيل حيل بعدين جيبي المشخال واشخلي الحليب وخليه يصير دافي بعدين جيبي 3روب المراعي +لبنه كويتيه عشان الروب يصير حامض واخلطيهم مع بعظ وصبيه علي الحليب وحركيه ليما يذوب بعدين غطي الجدر وحطي عليه فوطه وحطي الجدر في مكان دافئ مثل الفرن وخليه يوم كامل يتخمر بعدين حطيه بالثلاجه.انا طولت ليمن عرفت اسويه كان يطلع معاي مثل العسل بس الحمد لله

 

[اسيرة زوجها]

4 اكواب ماي وكوبين حليب بودره التموين حطيهم بجدر الين يحتر قبل مايفوح طفي او اول مايفوح لاتخلينه وايد عالنار وعقب خلي يهدا مو حار ولا دافي وحطي عليه علبه روب كي دي دي وخلي 18 ساع بالجدر راح يتماسك عقب حطي بمطبقه او حافضه وحطي بالثلاجه يتم اسبوع واذا تبين تروبين منه يطلع اطعم