شلون اسفر قطوتي معاي..ساعدوني

[نانو الشيطانه]

السلام عليكم

مسا الخير بناتوووووووووووو

الموضوع مبين من العنوان

في احد جرب مره يسافر مع قطوته؟؟؟؟؟؟؟

انا بسافر سوريا بطيران الجزيرة وابي اخذ معاي قطوتي

منو يعرف الاجراءات او سامع عنها

ولاهنتو ابي احد متأكد من المعلومات مابي تكهنات (تتشرط) :dddds:

 

[om mariam]

لووووووووووووووووووووول
اشوه رديتي على روحج
حبي جان سالتي طيران الجزيره
اهيه لازم تذكرة بس من وين لا اعلم

 

[Me Myself & i]

مثل ما قالت ام مريم .. دقي عليهم وخلي يعطونج التفاصيل
انا سامعه ان لازم يكون للقطوة دفتر صحي و تكون ماخذه كل التطعيمات المطلوبه

 

[نانو الشيطانه]

ميرسيييييييي حبايبي على الرد
طيران الجزيرة مقدور عليه
بس ابي احد جرب يوديها سوريا

لأنه قالولي انه المطار يسوونلج سوالف وحجر صجي
فأبي وحده مجربه

والمشكلة لكبيرة انه دفترها الصحي ضايع وطلعت ثاني بداله بس التطعيمات مو مسجله فيه


والله وهقه

 

[قلم رصاص]

وانا بعد نفس الشي بسافر سوريا وودي اخذ قطاوتي معاي ومادري شلون الطريقه

جان زين احد يفيدنا

 

[dndn22]

حبيبتي لازم تكلمين الطيران وتسالينه عن وضع المطار بسوريا

اهمه يكلمونهم هناك ويقولولج

لانه في دول مايرضون يدخلونها وخصوصا انتي تقولين انه دفترها ضايع واللي عندج مافيه تطعيمات

سألي وترى الطيران اهمه يفيدونج اكثر

 

[حنان84]

بالنسبه حق الخطوط الكويتيه عادي القطوه تدش لكن لازم كرت صحي وداخل علبتها مو كرتون بلاستك ولا فلين ولا غيره مع دفع 10 دنانير وتدش عااادي ويحطونها بمكان مكيف واتوقع باجي الخطوط عادي بعد باجر اداوم واشوف باجي الخطوط ​

 

[Q8stylle]

انا سفرت قطاوتي مرتين ودرجه اولي بعد عشتو
بس يحطونهم مع لجناط بس كلمت اللي اهناك وقتلهم
تموت اذا خليهم عناك قالي اوكي ويبتهم يمي
مافي احد مالعب معاهم ههههههههههههههه
بس لازم كرت صحي وتدفعين 10دنانير اخذي معاج الدفتر الصحي
واذا تبين تسئلين اكثر روحي عيادتهم وسئلي وسئلي هم بعد لخطوط اللي مسافرة عليها

 

[نانو الشيطانه]

امبي ونااااااااااااااااااااااااااسه يلييييييت يصير
الله يطمنكم يارب
امبي ماتخيل تقعد يمي حبيبتي

انا مستحيل اخليها بالشحن ساعتين
اهي بالسياره 10 دقايق بس طريج البيطري تصارخ وتسوي فضايح

بليز حنان شوفيلي إذا دوامج في طيران الجزيره

مشكوريييييييييييييييييييييييييييييييييين

 

[حنان84]

انا ضابط حركه بكاونترات الكويتيه حبيبتي نووووووووووو وييييييييييييه تصعدينها معاج بالطياره ولا خطوط طيران ثانيه ترضى اهم ماراح يحطونها مع الاغراض لا مكان مخصص لها بارد ​

 

[نانو الشيطانه]

مشكوووووووووووووووووووورة حنان تسلمين

بس حتى طيران الجزيرة عندهم نقل حيوانات؟؟؟؟
امبي قطوتي ماتستحمل حبسه

 

[MODA COLLECTION]

بصراحة يعني بروحة سوريا وصخ بعد تودين قطوتج

 

[نانو الشيطانه]

عفوا يعني شنو سوريا وصخ؟؟

احتمال انتي رحتي مناطق وصخة

احنا عندنا فلا هناك والمنطقة اكثر من نظيفة:tek:

 

[Stylist]

دقي عالجزيرة واستسفري اضمن لج

 

[نانو الشيطانه]

ميرسييي ستايل

بس هونت ماني مسفرتها معاي
مادري وين يحطونها بالطيارة

وبعدين انا مره قريت بالجريدة انه وحده بريطانيا مات (تكرمين)جلبها بالطيارة اول ماوصلت الكويت

اخااااااف على قطوتي

 

[daloO3a]

اهلا اهلا
انا عندي الرد
انا عندي حيوانات وطيور
واسافر واخذهم معاي طبعا يعتمد عالوزن اول شي..

المطلوب منج
1 Helth sertificate اي شهاده صحيه
والشهاده صحيه بالبدايه تاخذينها من منو ؟؟؟
من الدكتور اللي يغز الحيوان الابر وانها صحتها زينه وماتعادي حيوانات الدوله اللي انتي رايحه لها
2 لازم كورس مايقل عن شهر قبل ماتسافرين عشان يتأكدون من صحتها
واكو بالكويت مكان بالشويخ بس والله ضيعت رقمهم ومكانهم
وهذا ملجأ للحيوانات ومن خلالهم تقدرين تسألين اي سؤال
لكن ماعندي اياه دقي عالبداله وسأليهم عن ملجأ الحيوانات الصحي ودقي واستفسري
واحسن انج تدقين عليهم لأن اكو دول ممنوع تستقبل حيوانات من بعض الدول..
واتمني اكون نفعت اللي يسأل شكرا
واتمني بعد ما اكون تأخرت

 

[daloO3a]

مشكوووووووووووووووووووورة حنان تسلمين

بس حتى طيران الجزيرة عندهم نقل حيوانات؟؟؟؟
امبي قطوتي ماتستحمل حبسه

ههههههههههههههه والله ضحكتيني علي كلمة حبسه
انا حكرت جلبتي 15 ساعه بالقفص مالها
لكن ان كانت قطوتج اقل من 6باوند وزنها عادي تدش معاج وتحطينها تحت كشنج ولها قفص خاص
لكن عادي حكريها بالبيت وبس خخخخخخخخخ

 

[نانو الشيطانه]

دلوووووووووووعه حراااااااااااام عليج حيييل متأخره بسافر عقب 6 ايام

ويييييييييييييينج من زمااااااااااااان:0bee2e8d89:

انزين في وحده بالمطار قالت ممنوع مناعا بااااااااااااتا ادخال الحيوانات الطياره .. شلوون؟

انزين البطاقة الصحية نفسها كرت البيطري إلي يختمون فيه الابر؟
وشنو تقصدين بكورس شهر؟
كورس ادوية يعني؟

انزين المكان إلي بالشويخ اهو نفسه بيطري الدهماء او الري؟؟

ولا المكان إلي على امتداد سنتربوينت يم وكالة مرسيدس بتقاطع الغزالي مع الدائري الرابع؟؟؟

 

[نانو الشيطانه]

لوووووووووووووووول ادري حدي سويتلج تحقيق
بس معلش استحمليني:dddds:

 

[نجمة الجوزاء]

والله انا ما ادري عن شي بس اشوف لما اسافر اوربا دايم الاجانب معاهم حيواناتهم بالطيارة بس مو معاهم بالكراسي لا بالشحن