شلون اسبح قطوتي ..

[Miss samora]

السلام عليكم بنات
بغيت اعرف شلون اسبح قطوتي
يعني لازم طريقه معينه او عادي
لان ريحتها صارت مو حلوه :cxxxp:

 

[.. Dior ..]

الله يعينج راحتعذبح نفس قطوي سبحته اليوم وبهدلني بس اقولج شلون سبحته

اخذت طشت متوسط وحطيت فيه ماي زين مو بارد ولا حار دافي وحطيت له لعبه << طبعا ماالتفت للعبه يبي النحشه ههههه

وحطيته بالطشت بهدوء الماي مو فول يعني يغطي نص جسمه ومع قلاص او مغرافه صغيره صبي على جسمه شوي شوي عشان لايخترع لحد مابللت جسمه ماعدى راسه

وحطيت له شامبو للقطاوه ماخذته من مركز سلطان ريحته تهبل وغسلته واخذت قطنه بماي دافي وعصرتها ومسحت عيونه واذونه طبعا تغيرينها من عين لعين ومن اذن للثانيه ومسحي راسه بيدج مبلوله

ونعيما

 

[حلاها بلاها]

Dior ما قصرت كفت ووفت

اهم شي طلي داخل اذونه من داخل .. اذا في نقط سوده لازم اتنظفينها .. لان اذا تكود يصير فيه فطريات و ينتشر ابجسمه و يطيح شعره

 

[مدام فاشن]

انا خالتي تحطها بالمغسله وتسكرها وتترس المغسله وتحطها
وطول مااهيا تسبحها تمسك ايدها وريلها عشان ماتتحرك

ويوم تطلع من الماي شكلها يضحك لفيها بفوطتها وخليها شوي
وبعدين نشفي شعرها بالستشوار

 

[lojeeen]

و حطي فوطه خاصه بالقطوه فوق الغساله مالت الملابس إذا كانت غسالتكم داخل الحمام و خلي يمج السشوار مع بروش خاص بالقطاوه حتى يسهل عليج تسريح شعر القطوه

و مثل ما قالت حلاها بلاها افتحي اذن القطوه طلي داخلها لو كان فيها شي اسود نظفيها بكلنكس أو عود القطن مال الأذن

و انصحج تنادين حد يساعدج ان كانت هاذي اول مره تسبحين فيها قطو يمكن القطوه تعافر بيدج و تنحاش و اهي مبلله هههههههههههه

 

[جوجو.]

مبروك القطه الجديده
وخوش اسم
ولاتنسين التطعيمات

 

[Miss samora]

مشكورين حبايب قلبــــــــــــــــــي
كفيتو و وفيتوا
.......

لوووووول جوجو
شرايج فيه !!
بنات سميته gucci
ان شاء الله ما انســـــى

 

[شهوده 2008]

موفقه

 

[رتبه دبلوماسيه]

موفقه

 

[رتبه دبلوماسيه]

.....

 

[لياليـ]

انا مع رد 2 بس سؤال ماتخافين تسبحينها يخرع ليمن كنا انسبح قطوه عمي تخز او صوتها بعد نسيت اسمه مياااااو لووول
اتقبلي مروري

 

[لياليـ]

اب
اب
لعيونج

 

[فلفل اسود]

عادي بالمغسله

 

[كويتاوية 15]

حبيبتي اذا سبحتيها وحطيتيها بطشت لاتترسين الماي يدوب لنص ريوله عشان مايخاف بعدين انتي تكون معاج شي عشان تصبين فوقه الماي ولازم تكون الغرفه مطفيه التكييف ومجهزه كل شي من قبل عشان مايدخله برد

 

[**selena**]

الله يعينج احنا قطوتنا تشمخ و تعض لما نسبحها بس شفتي صندوقها الي اهو حمامها اشتري نفسه واحد ثاني و غطيها بالفوطة مو كل جسمها بس من فوق و حطيها بالحوض شوي شوي و غسليها بالشامبو و لما تخلصين سشوريها و مشطيها بمشط القطاوة و لما تنشف عدل رشي عليها عطر راح تظل اسبوعين ريحتها حلوة.

 

[wesh jaah]

حبيبتي هذا موضوع مثبت راح يفيدج واايد
http://www.q8yat.com/t382498.html

وفية :


ملف شااااااااامل للعناية بنظافة القطط المنزلية بالصور!!
http://q8yat.net/showthread.php?t=218722

تعالي اعلمج شلون تسبحين قطوتج+ قص اظافرهاااا بالصور
http://q8yat.net/showthread.php?t=166191

وفي بعد واايد مواضيع ان شاء الله اتفيدج

طريقة اخذ القطه شاور بالصور
http://q8yat.net/showthread.php?t=390811