السلام عليكم
خواتي الغاليات أبي اشكيلكم همي اسمعوني وتخيلوا انكم مكاني وعطوني حلول حق مشكلتي
أنا عمري 24 مطلقة وعندي ولد عمره 3 سنين ونص تطلقت عقب الولادة عايشة عند أهلي اني وابوي واخوان2
بتكلم شوي عن نفسي واهلي
أنا للحين مو موظفة وبتوظف إنشالله قريب،لنطوائية منعزلة ماعندي علاقات اجتماعيه ماعرف أتكلم مع الناس شخصيتي ضعيفة لدرجة اني آحاتي الوظيفة وشلون راح اتعامل مع زميلاتي و الناس، وبما ان ماعندنا خدامه فانا الي شايلة البيت وانظف
طليقي: ما سال عن ولدة ولا مرة ولا شافة بس ينفق عليه وولدي مايعرف ابوه عباله ان أبوي اهو ابوه
امي: ماعندي اي شعور اتجاهها، وايد قاسية علي وزواجي كان مهرب منها، ماتحبيني أبوي او يعطف علي، عصبية جداً كلمتها اهي المسموعة بالبيت وتمشي علينا وحتي علي أبوي، تحب الصبيان وتكره البنات وربتني اني اكون منصاعة لهم ولو مهما يسوون لازم اخضع
أبوي: اهو الوحيد الي يحبني بالبيت بس مايقدر يبين هالشي جدام امي لانها تعصب
إخواني : الصغير متفهم بس الكبير ماكلمه لان مشكلجي وشراني وهو حبيب امه
طبيعة بيتنا كله مشاكل يوميا مشاكل يا أنا وامي يا أبوي وامي يا امي والخدامة او اخوي مع عيال الناس
صارلنا فترة ماعندنا خدم لان يا ماصارت مشاكل بسبة ان امي تطق الخدامات وكل مانييب وحدة تخاف من وضع بيتنا وامي و تقول ودوني
الجو بالبيت دائماً صراخ وطق وبجي
الي بوصله يابنات شغلتين: الاولي اني تعبت وموقادرة اربي ولدي بروحي،ادري وايد حريم ربو طفل و2 و3 بروحهم بس أنا موقادرة علي هالمسؤولية الكبيرة، خاصه اني ماعندي احد يساعدني كلش، حتي خدامة ماعندي واصلا بيتنا ماكو خدامه
الشغلة الثانية الي بوصلها ان البيئة الي عايشين فيها أنا وولدي ماتساعد ولدي علي ان يتربي عدل ولا تساعدني أنا اصلا علي اني اربيه عدل
بقولكم عن ولدي
اهو فيه فرط حركة يعني مايقعد نهائيا لا ع تلفزيون ولا ع شي
كل من يشوفه يشتكي من قلة ادبه
يطق اليهال ويطق الي اكبر منه ويطقني أنا ويتفل ويعض وولا مرة سمع كلامي او كلام الي اكبر منه دخلته حضانة ويشتكون منه ومن عدوانيته
وديته جلسات تعديل سلوك بس المشكله ان الاستشارية لازم تقعد معاي جلسه
بروحي بدون مايكون ولدي موجود فخليت الجلسات بسبة ان ماعندي احد اخلي ولدي عنده
بنات تدرون شنو الي اليوم ضايقني
اليوم ولدي كان مريض وديته الطبيبوولدي مشالله عليه مابقي شي ماسواه من تخريب وعناد موراضي يسمع كلامنا أنا والدكتور واحنا نناديه والدكتور عصب وقالي الولد هذا مو مأدب ليش تكلمينه مايسمع الكلام وتاركته ع راحته لازم يتعاقب وبتربى تربيه صحيحة
ادري تكلمت وشكيت وايد بس علي الرغم من كل الي قلته عن الجو المشحون الي عايشين فيه وانا بروحي ماعندي احد يساعدني شلون اربي ولد عسر جدا مثل ولدي ساعدوني الله يخليكم
خواتي الغاليات أبي اشكيلكم همي اسمعوني وتخيلوا انكم مكاني وعطوني حلول حق مشكلتي
أنا عمري 24 مطلقة وعندي ولد عمره 3 سنين ونص تطلقت عقب الولادة عايشة عند أهلي اني وابوي واخوان2
بتكلم شوي عن نفسي واهلي
أنا للحين مو موظفة وبتوظف إنشالله قريب،لنطوائية منعزلة ماعندي علاقات اجتماعيه ماعرف أتكلم مع الناس شخصيتي ضعيفة لدرجة اني آحاتي الوظيفة وشلون راح اتعامل مع زميلاتي و الناس، وبما ان ماعندنا خدامه فانا الي شايلة البيت وانظف
طليقي: ما سال عن ولدة ولا مرة ولا شافة بس ينفق عليه وولدي مايعرف ابوه عباله ان أبوي اهو ابوه
امي: ماعندي اي شعور اتجاهها، وايد قاسية علي وزواجي كان مهرب منها، ماتحبيني أبوي او يعطف علي، عصبية جداً كلمتها اهي المسموعة بالبيت وتمشي علينا وحتي علي أبوي، تحب الصبيان وتكره البنات وربتني اني اكون منصاعة لهم ولو مهما يسوون لازم اخضع
أبوي: اهو الوحيد الي يحبني بالبيت بس مايقدر يبين هالشي جدام امي لانها تعصب
إخواني : الصغير متفهم بس الكبير ماكلمه لان مشكلجي وشراني وهو حبيب امه
طبيعة بيتنا كله مشاكل يوميا مشاكل يا أنا وامي يا أبوي وامي يا امي والخدامة او اخوي مع عيال الناس
صارلنا فترة ماعندنا خدم لان يا ماصارت مشاكل بسبة ان امي تطق الخدامات وكل مانييب وحدة تخاف من وضع بيتنا وامي و تقول ودوني
الجو بالبيت دائماً صراخ وطق وبجي
الي بوصله يابنات شغلتين: الاولي اني تعبت وموقادرة اربي ولدي بروحي،ادري وايد حريم ربو طفل و2 و3 بروحهم بس أنا موقادرة علي هالمسؤولية الكبيرة، خاصه اني ماعندي احد يساعدني كلش، حتي خدامة ماعندي واصلا بيتنا ماكو خدامه
الشغلة الثانية الي بوصلها ان البيئة الي عايشين فيها أنا وولدي ماتساعد ولدي علي ان يتربي عدل ولا تساعدني أنا اصلا علي اني اربيه عدل
بقولكم عن ولدي
اهو فيه فرط حركة يعني مايقعد نهائيا لا ع تلفزيون ولا ع شي
كل من يشوفه يشتكي من قلة ادبه
يطق اليهال ويطق الي اكبر منه ويطقني أنا ويتفل ويعض وولا مرة سمع كلامي او كلام الي اكبر منه دخلته حضانة ويشتكون منه ومن عدوانيته
وديته جلسات تعديل سلوك بس المشكله ان الاستشارية لازم تقعد معاي جلسه
بروحي بدون مايكون ولدي موجود فخليت الجلسات بسبة ان ماعندي احد اخلي ولدي عنده
بنات تدرون شنو الي اليوم ضايقني
اليوم ولدي كان مريض وديته الطبيبوولدي مشالله عليه مابقي شي ماسواه من تخريب وعناد موراضي يسمع كلامنا أنا والدكتور واحنا نناديه والدكتور عصب وقالي الولد هذا مو مأدب ليش تكلمينه مايسمع الكلام وتاركته ع راحته لازم يتعاقب وبتربى تربيه صحيحة
ادري تكلمت وشكيت وايد بس علي الرغم من كل الي قلته عن الجو المشحون الي عايشين فيه وانا بروحي ماعندي احد يساعدني شلون اربي ولد عسر جدا مثل ولدي ساعدوني الله يخليكم
