شلون ادز فلوس حق حساب ببيت التمويل ضروري

[سوزانو]

قوه بنات مادري وين احط الموضوع

بس بغيت اسالكم

شلون ادز فلوس عندي مبلغ كاش وبدزه حق احساب موجود ببنك بيت التمويل والله يجزيها كل خير الي ترد علي

مابي اروح البنك , يصير عن طريق المزيني وشنو المطلوب مني غير رقم الحساب والله يوفقكم

 

[candeya]

ختي يصير عن طريق اي جهاز ايداع اللي بالبنوك اتحطين المبلغ بعدين رقم الحساب او بس ليش المزيني او لوية

 

[candeya]

دقي على اي بنك يعلمج او دقي على المزيني ويعلمج قبل لا اتروحين انا اول اروح احط بجهاز البنك مبلغ واحوله حق الحساب اللي ابيه وابنفس الوقت يوصل

 

[سوزانو]

رد : شلون ادز فلوس حق حساب ببيت التمويل ضروري

مشكوره حبيبتي وايد ماقصرتي والله
بس لان المبلغ عندي كاش مو بالبنك

 

[candeya]

اي فاهمتج انتي اتروحين اي بنك عنده جهاز ايداع واتحطين المبلغ بالمكينه يحسبا لج بعدين اتحطين رقم الحساب اهوا يعلمج خطوة ابخطوة انا اول جذي اسحب مبلغ كاش بيدي واحطه ابماكينه الايداع بحساب ثاني

 

[candeya]

انا فاهمتج يصير كاش تودعينه ادخلين الفلوس بالفتحة مالت الماكينه او يحسبلج المبلغ واتكملين الخطوات فاهمتج يصير عادي
والعفو اشدعوا ما سويت شي

 

[سوزانو]

رد : شلون ادز فلوس حق حساب ببيت التمويل ضروري

مشكوره والله ماقصرتي والله يوفقج ان شاءالله ويزاج الف خير

 

[bambena]

رد : شلون ادز فلوس حق حساب ببيت التمويل ضروري

ما انصحج بمكينه الايداع كذا مره تسحب الفلوس ومايدشون الحساب ولا يطلع وصل وتعالي يومين ولا ثلاثه على ما يحطونهم بالحساب عقب ماتقدمين طلب وصارت اكثر من مره

 

[سوزانو]

رد : شلون ادز فلوس حق حساب ببيت التمويل ضروري

مشكوره بمبينا بس شنو تنصحيني فيه ؟

 

[سوزانو]

رد : شلون ادز فلوس حق حساب ببيت التمويل ضروري

بليز واللي يعافيكم بغيت طريقه سهله ومضمونه
تنصحوني بالمزيني ؟ وشنو الطريقه يعني اهما بس يبون رقم لحساب

 

[سوزانو]

رد : شلون ادز فلوس حق حساب ببيت التمويل ضروري

بليز بنات ابي ضروري والي ترد عليها ان شاءالله الله يجازيها كل خير

 

[bambena]

رد : شلون ادز فلوس حق حساب ببيت التمويل ضروري

راجعي البنك ودخليهم بالحساب او حولي بالانترنت
واذا كلش كلش بالمكينه ولو اني تعقدت منها

 

[سوزانو]

رد : شلون ادز فلوس حق حساب ببيت التمويل ضروري

مشكوره حبيبتي وايد وسوري على لطواله

 

[candeya]

امبي السالفة سهلة مايبيلها شي ماكينة الايداع مو يالصورة اللي قالتها اختي يبا ترا اسهل منها ماكو انا كله اسوي ايداع فيها عمرها ما ابلعت صراحه او سهله ما يبيلها شي الخطوات مكتوبة او عمرها ما ابلعت جان شالو هالاختراع من عرجه انا طول عمري استعملهم ما صار مثل ما قلتي اختي

 

[candeya]

انا صراحه عمرها ما ابلعت فلوسي
او اسهل منها ماكو

 

[ام خالد 78]

ان شاءالله البنات يفيدونج

 

[bambena]

رد : شلون ادز فلوس حق حساب ببيت التمويل ضروري

ادري سهله محد قال صعبه ! وانا موظفه بنك !! اعرف اتصرف

انا على طول استعملها بلعت الفلوس مرتين ومره بلعت عيادي وما سوولي المعامله الا بعد العيد تخيلي هذا الوطني

والتمويل صارت معاي بالشيك

مو معناة انها ماصارتلج ماتصير لغيرج

ندري سهله ومن سنة يدي موجوده بس لها عيوب احيانا تعلق