شلون اخلي عيالي شخصيتهم قويه ؟؟؟

[~ ورد الجوري ~]

مرحبااااااااااااااااااا



خواتي انا وحده عصبيه وبسرعه اي شي يرفع ضغطي وعلي طول صراخ واهواش اذا شفت شي من عيالي ماعجبني مثل اذا وصخوا غرفتهم او صار لعبهم كله اصوات عاليه بس لاحظت ماعندهم شخصيه يستحون ماعندهم جراه لرد اذا احد غلط عليهم


لاحظت بصراحه اللي امها هاديه وعادي عندها عيالها يزعجون مايزعجون شخصيتهم قويه خصوصا بنات اللي مدلعات زيااااده انا اذا بدلع بحدود البنات الي اشوفهم طلعاتهم وتسوقهم بكيفهم مو كيف امهم واتوقع الام عاجبها وراضيه ...انا طلعاتي وتسوقي بكيفي ولا مره شفت وحده من بناتي قالت يمه بنروح السوق او ليش ماطلعونا احتتتتر

انا بنظري الدلع يخرب البنت وتمرد علي امها وشافه ماعندها رقيب ممكن عادي تغازل وهذا اكثر شي اخافه علي بناتي حتي النت ناااااااادر اخليهم يمسكونه لكن اللي اعرفها 24 ساعه بناتها نت مادري شلون ماتخالف عليهم وفي نقطه لاحظت بناتي مو نفس هالبنات اللي تطلب من مطعم او بقاله ليش هل اهو خوف مني او ضعف منهم ؟؟؟

ابي تساعدوني شلون اقوي شخصيتهم بنفس اللحظه لو يبون يخربوط وراهم رادع وخوف مني !!!!​

 

[شيهانه شماليه]

ماشاء الله عليج

بصراحه اهنيج ع تربيتهم .. الله يحفظهم لج ويبارك فيهم


انا شخصيا ما اايد العصبيه كللللش لانها يمكن تجي عكسيه خصوصا وقت المراهقه مايفهم المراهق انج تحبينه وتبين مصلحته ..

احتويهم احضنيهم امدحيهم تغزلي فيهم وخلي ابوهم يسوي نفس الشي غطيهم اللي تحسين انهن محتاجينه موضروري يطلبونه

بس لا تكسرين الحيا فيهم بالعكس الحيا صفه حلوه وانا حيييييل احب للبنت الحياويه واللي مو جريئه وتسولف وترادد حلاة البنت تستحي ويكون مع الحيا ثقه بالنفس والثقه ماتجي الا بالمدح غالبا

ادخلي النت وابحثي اكثر احسن يس انا حبيت ابين لج نقطه مهمه واهي لاتتضايقين من حياهم ( اقصد البنات خاصه) لان بهالزمن والله ناااادر البنات اللي يستحون اشوف بنات بخامس وبرابع تقعد عند الحريم وتسولف لا وتنكت بعد وبعضهم تقعد تشرب شاي وقهوه معانا !!!
وبعضهم تسولف مغ السايق او البائع ميااااانه اشره ع امها والله والا بعضهم لا قعدت فوحجت بروجها هذا الشي يضااايقني حيل والا تبطح جدامنا وقاحه بصراحه

والله الشرهه ع الام اول وتالي


المهم ربي يبارك لج ابناتج ويحفظهم ويخليهم لج ويحميهم من شياطين الانس والجن

 

[~ ورد الجوري ~]

اللهم أأأأأأأأأمين يارب واشكرج عالنصيحه بس ودي انهم يدافعون عن نفسهم مو يخافون ما اقصد التمرد والوقاحه لا ابي لي تكلمت الا بوقته وترد بوقته مو تنح او تبجي علشانها ماعرفت شلون ترد او علشان خافت اصلا

 

[Alias]

طريقه تربيتج هدمت ثقتهم بالنفس. نصيحه اهم شي الثقه بالنفس هي مثل فيتامين سي يقي من الامراض النفسيه

 

[om al ghaleen]

حبيبتي انتي مثل شخصيتي بالضبط
وهالشي وايد مريحيني للاسباب انه عيالي يسمعون الكلام ومؤدبين يم الناس
مايعاندوني لانه يعرفون اني بعصب عليهم
وهالشي انا معلمتهم من الصغر بسم الله عليهم

انا وعيالي ندش المكتبه
واختي وبنتها الوحيده يدشون نفس المكتبه

انا اطلع بـ 100 واهي تظلع بـ 200
ليش لانه ماتقدر تقول لها لأ
وان قالت لا اختي بجت بنتها وسبتها واعفرت بالمكتبه ؟! تدرين ليش لانه علمتها ع الدلال ومااكسرت كلمتها


الفرق انه ثقه بالنفس -تدافع عن نفسها
بس الاخلاق اكس

عكس اللي يخاف منه اهله يخاف حتى من ربه
ومستعد انه يندقر ولا يفشل اهله !!

عرفتي الفرق بين الاثنين انا عندي يكونون مؤدبين
ولا ترفع صوتها وتفرض شخصيتها علي وصدقيني مو عيب انه مايدافعون عن نفسهم العيب يردون ع اللي اكبر منهم

 

[~ ورد الجوري ~]

مشكورين بس القهر مو رفع الصوت اللي يقهر لباقه والرد زياده حيا عن اللزوم وتردد ومنحرجين مو لهدرجه ابي يوم يقولون نبي السوق نبي المكتبه نبي نطلع كلش مايقولون انا اللي اخطط وانفذ اهم سكاتين صم مالهم راي