شلون اخلى قطوتى اتقز بالبيت وماتنحاش ؟؟؟

[kuwaitya_zoGaa]

شلون اخلى قطوتى اتقز بالبيت وماتنحاش ؟؟؟ وليش قطوتى ماتقول مياوو ؟؟

شلونكم بنات ؟؟؟

انا عندى قطوه عمرها الحين 6 شهور ... وتقريبا صار لها عندى 3 شهور ...

وانا دايما حاكرتها بدارها ما اطلعها كله اخاف عليها تنحاش وماترد ........

بس لازم اطلعها كل يوم اخليها تتمشا فى الصاله والدور ومرات اطلعها بالحوش ... بس لازم اكون انا والخدام

شسوى اخاف عليها وهم اخاف عليها من هالعتاويه واحد منهم يطقها والا يخدش حيائها

وبعدين الكل ملاحظ انه قطوتى ماتقول مياوو كلش مالها صوت !!! يمكن اطلع صوت عنونو مثل ونه

فالسؤال اللى يطرح نفسه ........

شلون اخلى قطوتى اتقز بالبيت وماتنحاش ؟؟؟؟؟؟؟؟؟؟؟؟؟؟ وليش قطوتى ماتقول مياوووووو :001:

 

[xXBountyXx]

للرفع


^
^
^

 

[أوركيدااا]

يمكن مستغربه المكان عشان كذا ماتقول ميااااو
ولازم تطعيها كل يوم تمشي بالبيت لين تتعود على الوضع

ليتك حاطه صورتها > اموت بالقطاوووه

 

[سكارف.فوشي]

مممممممممممم نفس مشكلتي الي ليحد الحين ماني لاقيه حل حقها تخاف من اهلي وخصوصا اليهال
وكله محكوره بداري مثلج بالضبط

 

[عاشت أم أليكس]

ايه عليها والله ابي قطوة ضروري اشتريلي وحدة لين عرست لأن امي بتقطني برع البيت اذا يبت وحدة الحين
والله تعلمنا وايد اشيا منكم !!!​

 

[AmOoNa-]

حبيبتي كويتيه زوغه السالفه بشكل كبير تعتمد الشخصيه في وايد قطاوه مايقولون مياو انتي دايما حاولي تكلمينها ثاني شي خليها تتمشى بالبيت بس سكري كل البيبان وعلميها على اسمها حتى لونخشت بمكان بالبيت من تسمع صووتج تنادينها بتيلج

بس ديريباااااااااااالج تطلعينها بالحوش حتى لوانتي معاها تره القطوه ان تعودت على الهياته كل يوم بتحاول تنحاش وحتى لوسكرتي عليها الباب بتحن تحن تحن ويمكن تتوحش بس عشان تطلع ولاتقولين تخاف لمه اطلعها اي صج تخاف بس فجاه تشوفينها تتعود وتبي تطلع


سكاف فوشي يمكن لانج حاكرتها وماتشوف الناس وهم في قطاوه شخصيتهم جذي تشوفينهم يتعودون على شخص واحد بس بالبيت ويحبونه والباجي مايعطونهم ويه عادي

 

[sweet barbi]

لازم تحتك بقطاوه جيلها عشان ترطن لوووووول

 

[catwiti]

هههههههههههههههههههههههههههههههههههههههههههههههههههههههههههه

قطوتج قطوه ذربه انا قطوتي جذي ماتقول مياااو هههههههههه الا اذا اذيتهاااااااا اتقول مياااااو او اذا تبي تدخل الصاله وانا صاكه الباب تقول مياو بس اذا مافي شي ماتقول ميااو لووووووووول
وبعديييييييين السؤاااال الي يطرح نفسه
ليش تخافين عليها اهو بيتكم مو مصكر؟؟؟؟؟؟؟؟؟؟ يعني عادي اذا مصكر وين تنحاااااااش؟؟؟؟؟
وترا القطوه طبيعتها فظوليه يعني اذا تبينها تتفسح وتقز بالبييت فتحي باب الغرفه وخلييها راح تمشي وتشمشم بالبيت عشان تستكشفه وبس عقب عادي تتعود

 

[kuwaitya_zoGaa]

هلا والله بنات ......

مشكورين وايد وايد وااااااااااايد على ردودكم

بس انا اشوف وايد ناس عادى يخلون قطوتهم تتمشى بالبيت وباب الشارع مبطلع وماتطلع من البيت وحتى اذا تمشت ترجع البيت

وانا مالتى فيها بلاغة شف كله رازه بوزها


واخاف عليها تنحاش وماتعرف ترد

 

[تمنيتك]

انا كنت مشتريه قطوه من واحد .. مربيها لدرجه لما يطلع يتمشي اهي تمشي عنده ماتروح مكان وهم لمااخذتها تمشي وراي ماتروح يمين ولا يسار يحليلها .. بس ماتت

فأنا اقول خليها علي راحتها وحتي لو اطلعت لا سمح الله صدقيني بترد .. هم قطوه قبل 5 سنين جذي كانت عندي من اهي صغيره لما كبرت طلعتها >> اكتشفت انه قطو مو قطوه لوول .. والله والله تروح وترد بس انا كنت حاقرتهاا بس هم ترد ..


لاتخافين بس هم ديري بالج لاتبطلون باب البيت ..

 

[ياعشيري جعلك السلال]

مسكييييييينه الله يعينهااا

انا قطاوتي يقزوووون بالبيت قز مو طبعي المطبخ والحوش والمرر الي على جنب البيت لاعبين لعب ومابقى دار ما يدخلووونهااا

لا تخافين ماتنحاااش بس هي حرام حتى البيت ماتدله

انا اول كنت اخااف خصوصا اني شاريتهم صغار اعمارهم شهر ونص

والحين اعمارهم 4 اشهر جني احس انهم يبون ينحاااشون انطر عليهم شهر وبزوجهم

نصيحه خلي قطوتج تتزوج عشان لا تنحاااش وتحمل من العتاويه واذا حملت ماراح تنحااش واذا على الولادة وديها الطبيب توولد هناك ورجعيها البيت عادي

 

[^بورصه^]

الله يذكر ايام القطاوه رجعتوني 5 سنوات ورا
كان عندي قطوه ربيتها واهيه صغيرونه وكبرت وتروح تسير على الجيران تلعب مع اليهال وترد اخر الليل تنام بالبيت
--
بالنسبه لقطوتج تخافين انها تطلع وماترد للبيت
تعودينها تاكل بمكان معين مو توكلينها بعده امكنه
علشان كل ماتجوع تروح للمكان الي دايمن تاكل فيه وتلاقينها حاطه بالها منج تييبين لها الاكل
ثانيا عندي كتاب حق تربيه الحيوانات الاليفه اذا تبينه اطرشه لج