شلون احط تقاربر فى الايميل؟

[أم عزة]

بنات الله يعافيكم أبى اتعلم شلون أحط تقارير طبيه فى الايميل وادزها على ايميل دكتورى بره الكويت ترى انا حدى عليميه فى هالشغلات

 

[CANDLES]

صوري التقرير الطبي الي عندج بالاسكنر
وبعدها حفظي صورة التقرير على سطح المكتب ودشي الايميل ضغطي على New وكتبلي ايميل لدكتورج عادي وفوق بنفس المكان في كلمة Attach وختاري منها Fil وبعدها روحي وبعدها روحي لسطح المكتب وضغطي ضغطه على صورة التقرير الي حفظتيه من خلال سيف اس وراح اتكون على شكل مرفقات وطرشي الايميل

 

[أم عزة]

جزاك الله خير يا أحلى حلاوه وأسفه تأخرت ما رديت عليك أمس رديت من السفر فهمت الخطوات الا الخطوه الأولى شلون أصور بالسكانر؟؟؟

 

[CANDLES]

الحمدلله على السلامه
والله ماعندي فكره بالضبط عن طريقة استخدام الاسكنر بس الي اعرفه اهوا جهاز طبعا تحطين واير الاسكنر بالبلاك وراح يشتغل بعدها اتحطين داخله الورقه وتضغطين طباعه بالاسكنر نفسها هذا الي اعرفه واذكره
اتمنى البنات يفيدونج اكثر

 

[أم عزة]

مشكوره با أحلى حلاوه على التواصل ويعطيك العافيه ويلا ناطره البنات يفيدونى!

 

[ذهـ الكويت ـب]

انسخيهم بسكنر

شنو السكنر اللي عندج؟؟

برب

 

[أم عزة]

اللى عندى hp سامحينى ترى أنا أتأخر فى الرد مشغوله وابد ومشكوره على المرور.

 

[BaTTy]

ركبي الوصله من السكنر على الكمبيوتر
بعدين روحي ماي كمبيوتر راح تلقين اسم السكنر طالع
دوسي كلك يمين عليه بعدين get picture using sccaner wizard
next
preview
بعدين تطلع الصوره ضبطي الصوره الي تبينها بالخطوط المتقطعه الي على الصوره او خليها اذا تبين مثل ما اهيا و دوسي
next و نقي وين بتسيفين الصوره
next و نطري السكان يخلص و بس

طبعا كل هذا تسوينه عقب ما تعرفين السكانر بالجهاز عن طريق السي دي الي ياي مع السكنر اذا انتي مو مسويه تعريف
و اي سؤال لا تترددين

 

[ذهـ الكويت ـب]

ليش مااتودينهم لمكتبه يسونها لج

لانه اضمن لج واسهل اذا انتي عليميه بسوالف النت

ومااتشوفين شر

برب

 

[أم عزة]

أنا ما نسيت هالشغله بس ودى أتعلم وليمته أعتمد على غيرى وبعددين مرت على هالشغله وأنا بره الكويت وكنا نراجع الدكتور ويطلب تقارير عشان ندزها الكويت أو العكس وعلى العموم مشكورة على المرور والشر ما بييك والله لا يخلينى منكم

 

[أم عزة]

حبيبتى باتى جزاك الله خير والله لا يحرمنا منك