شلون احذ خدامتي للسفر

[زعفرانة]

ساعدوني شلون اخذ خدامتي للسفر للدبي قوللي الطريقه من والي تكفون:eh_s(17):

 

[+بسبوسة+]

روحي السفارة وسويلها فيزا

او شوفي مكاتب تخليص المعاملات يمكن يسوون لج

 

[زعفرانة]

يعني فيه شروط معينة؟؟

 

[ناسكة]

اب اب اب اب اب لعيونج

 

[ياليل مااطولك]

الي اعرفه تدفعين رسوم الخروج والعوده من الجوازات وبابنسبه لفيزه يعطونها ايها عند المنافذ سوا رحتي با الطائره او بسياره ويعطونها فيزه زياره فقط لمده معينه اتوقع اسبوعين مجانا واذا زادت المده ياخذون فلوس انا هنا اتكلم عن البحرين والسعوديه بس دبي اكيد كذا

 

[زعفرانة]

جعله في ميزان حسناتج ان شاءالله ماقصرتي

 

[eman12]

هلا حبيبتى احنا تونا سالين حق خدامتي لدبي
بس توصلين هناك في مثل كاونتر مكتوب عليه الغير حاصلين علي تاشيره دخول
تروحين ويخاخذون منج اضن قال 120 درهم ويحطون لها فيزا لمده شهر
تروحين وترجعين بالسلامه

 

[اصايل الرياض]

والله انا مانصح بالخدامات فالسفرر بجد مدري وش تبون فيهممم استمتعي انتي وزوجك
وهي خليها تنثبرر بنت خالتي سافرت بخدامتها مررره تقول قسم بالله كرهت حياتي حاكرتنا حكره غير نظراتها لنا في كل حاجه نسويهاا
يعني ماتخيل نفسي اروح بشغاله حتىلو عيالي درزن اخليها هي وياهم انا طبعا مادري عن ظروفك يمكن تكونين فعلا محتاجه لوجودها
بس حبيت اقول وجهة نظري يكفي ان الخدامه تغثك فالبيت كيف بتقابلينها بعد فالسفرررر

 

[زعفرانة]

يعطيج العافيه اختي ايمان ماقصرتي

 

[زعفرانة]

اصايل الرياض كلامج كله صح


بس للضرورة احكام

 

[بنت النوخذا]

اصايل الرياض كلامج كله صح


بس للضرورة احكام

اايد كلام اصايل الرياض :rerrerek:

وهذي فرصه انج تكونين قريبه من زوجج و عيالج

اشدعوا كلها جم يوم

بالعكس خلي للعيال فرصه يجتمعون مع امهم و ابوهم
و عندج عربانات الاطفال اخذيها معاج
و العيال ربي يحفظهم من كثر الطلعات
و روحات الالعاب بيجون داخين
يعني اغلب الوقت نايمين :eh_s(2):
وربي سهل امرج يا رب

:eh_s(7)::eh_s(7):

و تغلبي علي ....( للضرورة احكام )

 

[بنت النوخذا]

اسفه :eh_s(7):
يمكن يكون عندج وضع خاص

فالخادمه بتكون افضل و ربي يوفقج يا الغاليه
علي فكره بعد فيه بصمه للعين للاسيويين
كنا عن طريق البر 2003 و اخذونها بصمه للعين اليسار
مع رسوم التاشــيره

موفقه يا الغاليه :eh_s(7):

 

[Q8tya_GirL]

عادي انا جم مره خذيتها دبي سهاله
لما توصلين مطار دبي يسوون لها بصمه للعين
وتدفعين لها 180 درهم تقريبا

 

[غـيوض]

يا زين الخدامه بالسفر اذا معاج يهال

يعني غصبن عليج تاخذينها ع الاقل تمسك اليهال لما تسوقين