شلون اجهز مطبخي

[مس كرز]

مرحبا بنات ابي مساعد منكم شلون اجهز للمطبخ يعني كم جدر وكم طقم خصوصن ان رمضان بخير قرب ومن وين اشتري لانه ما اعرف وايد بالمطبخ وعندي عيالي ودي اطبخ لهم وما تقصرون:eh_s(22):

 

[sunshine22]

اشتري تيفال
احلى شي
1-جدر خاص لطبخ اللحوم
2-جدر خاص للعيش وممكن تفوحين فيه المعكرونيات
3- مقلايه كبيره بغطى للحمسات والستيكات وحمسات الكريما والحمسات الحمرا والمعكرونيا
4-مقلايه صغيره للبيض
5-مقلايه كبيره لشوي الكباب والهمبرجر
6-أطقم بايريكس للكيكات والمعكرونيا بالبشاميل الحجم اللي يناسب عائلتك
7-طقم صحون واكواب ملكي انا يعجبني سوالف تروفاليو حيل عائليه وفي بسنتر بوينت بعد روعه
8-طقم للشوربه ااانا عندي شاريته من فياصل رووعه مع اقفاشته
9- كرتون اطقم شوك وقفاش ست كامل هم من فياصل نوعيه ممتازه كد ومد من 6 سنوات عندي
10- صحون لبنانيه تلاقينهم عند بوميه للسلطات التبوله الفتوش روعه وبميه فلس صج واااو البني مخطط ببني فاتح عرفتيه باغلب المطاعم
11- اطقم للتقديم بيضاا تحصلينهم بسنتر بوينت روعه اذا بتنزلين لخالتج او تاخذين لبيت اهلج وايد يشرفون لونهم ابيض ساده واصليات لا تاخذينهم من بو ميه لانه في تقليد لهم مو زينيين ترا
12- استكانات وفناجين للبيت من االاسواق الشعبيه ياكثرهم على ذوقج وللعزايم اشتري منهم اذا انتي ذويقه واذا لج بيت اشتريهم من مبروك
13-اطقم صواني من مبروك للضيوف
14- اطقم صواني للبيت واليهال





وسلامتج
ادعيلي اضعف بصحه وعافيه

 

[مس كرز]

بعد عمري ما قصرتي والله يوفقج بالدنيا ولاخر بس حبيت اعرف وين فياصل ومبروك ويسلم راسك

 

[نفـــائس]

كانج حاسه فيني حتي انا ابي قاعد اجهز شقتي ولا عارفه شنو باخذ

 

[fatoomm]

اشتري جدور ماركة تيفال او بريستيج

 

[كاجـــو]

اشتري قدور ستيل...اسهل بالتنظيف

اكواب...مويه ..عصير...حليب وشاي وكوفي

كاسات شاي

صحون تقديم(طقم يكفيك)<<راح تملين بعد فتره وتغيرين

دلال وبراريد<<اذا تستخدمينها

طقم سفره <<يفضل يكون ابيض ساده<<موضته ماتروح

قدر ضغط على قدكم..<<يفيدك اذا انزنقتي بالوقت

خلاط..طحانه قهوه..مضرب كيك..فرن غاز..مايكرويف..

طقم ملاعق وشوك وسكاكين

وصواني ..غلايه...غوري قهوه..

تقريبا هاذي الاشياء الاساسيه...وانصحك لاتكثرين لانك بعد فتره بتملين وتغيرين

 

[طووم]

انصحج بالجدور الاستيل صحي ويدوم عمر تلقينهم بايكيا او روحي صادق بحولي وبعد يبيلج عصاره فواكه وفرن كهربائي صغير وعجانه وخلي مواعين الضيوف غير عن البيت ولاتكثرين ويبيلج حافظات اكل احجام والله يوفقج