شلون اتصرف مع مرة خالي

[عاشقة ليلى مراد]

قوه بنات شلونكم شخباركم

ادش بالموضوع على طول

انا مشكلتي اني فاقده الحنان من ابوي يعله ......... استغفر الله استغفر الله ماني مكمله

والحمدلله ما عندي سوالف و خرابيط ولا عمري فكرت اني ادور الحنان من واحد ثاني لان نفسي غاليه علي ولايمكن ارخص نفسي

والحمدلله الله سبحانه معوضني بخالي الي عمره 32 سنه واااااااااااااااااااي يا بنات شقول شاخلي عن خالي مدلعني ويحبني ويقول لي كلام حلو و يسوي لي اشياء الابو ما يسويها لبنته

المهم المشكله مو مع خالي المشكله مع مرته هالمعقده الي قامت تغار مني

من تشوف خالي يسولف معاي تقاطعنا وتقول له ابيك بموضوع

وحتى تخزني ساعات وتطالعني بنظرات غريبه وحتى مره مشت جدامي ونظرة لي بنظرة احتقار الله لا يحطكم بهالموقف
حتى كنت ابي الحقها وامجع شعرها لكن احتراما لنفسي وللموجودين ما سويت شي

حتى هالايام ما قمت اروح بيت يدي والسبب اهي مابيها تشوفني هالنسره هذي

عفيه بنات ابي حل مع هالبقره وانتو بكرامه وعطوني رايكم السالفه تستاهل كل هذا

يعني هذا خالي ماراح ابوقه منها ولا اصير شريجتها

ولو انتو بمكانها تسوون الي سوته؟؟؟؟؟؟؟؟؟؟

 

[در الـبحـور]

السلام عليكم و رحمة الله و بركاته

الله يعينج حبيبتي

احقريها يا عمري و ترى طبيعي الزوجة تغار على زوجها ساعات توصل تغار عليه من عيالها بعد ليش يحبهم وايد لا تستغربين

الحريم درجة الغيرة تختلف عندهم و مبين على مرة خالج وايد غيورة الله يهديها و يصلحها

فإنتي يا قلبي لا تقطعين زيارتج لبيت جدج و إن شفتيها قاعدة تحاشي المشاكل معاها حبيبتي

لأن خالج أكيد بيزعل إذا تمشكلتي مع زوجته اللي بالنهاية اهيا أم عياله عرفتي

أنصحج بالحقران و عامليها بما يرضي الله و الله سبحانه بيرضيج بإذن الرحمن

و يالله يرزقج الزوج الصالح اللي يعوضج الحنان هذا كله و تعيشين معاه أحلى حياة حبوبة اللهم آمين

 

[gogona]

شوفي حبيبتي ترى شعورها طبيعي اذا كان مايعاملها زين ويعاملج زين
بعدين حبيبتي انتي تلفظتي عليها بالفاظ مايجوز اتلفظين فيها حتى لو كانت شنو
فانتي حاولي اتعرفين على هالاسباب
وربي ييسر لج امورج ويهدي مرة خالج

 

[لوازم العائلة]

حطي نفسج مكانها

 

[عجيبه1]

اشدعوه عليج شهالالفاظ تتدعين على ابوج مهما كان

وتسبين مرت خالج


الله يهديج بس

مرت خالج احترميها بتحترمج

ويمكن خالج مصخها شوي و طبيعي المره تغار على زوجها حتى من اهله

انتي عاد اعذريها و خفي شوي

 

[طرطعانه]

احس انج تغاريين منها :/

يعني توقعت القى كاتبه مشكله تبلت عليج فيها او تقصير حصل منها تجااهج

..

عشان نظره !! اكيد انتي مومقصره معاها بالنظرات والنقزاات .. والا شلون جاج احساس النظره ووصل لج :/

,,,,

خلي المره بحالها .. ودام خالج وتحبينه ومومقصر معاج .. لاتسببين له مشاكل ولا تغثينه وتغثيين مرته لانه يحبها ..
وانتي حبيها مثل ماتحبين خالج ..

وعسى الله يرزقج بالزوج اللي يحب بنت اخته ويموت فيها ويدلعها

 

[المكسيكيه]

حبيبتي ما عليه تخيلي انتي مكانها شيصسير فيج
يعني لا تكبرين السالفه وخلج ايزي سهالات ياقلبي

 

[عاشقة ليلى مراد]

اشدعوه عليج شهالالفاظ تتدعين على ابوج مهما كان

وتسبين مرت خالج


الله يهديج بس

مرت خالج احترميها بتحترمج

ويمكن خالج مصخها شوي و طبيعي المره تغار على زوجها حتى من اهله

انتي عاد اعذريها و خفي شوي

لو انتي بمكاني صدقيني بتدعين على ابوي اكثر واكثر ومرة خالي ما سبيتها مني والطريج
وصدقيني انا محترمتها ولا لي شغل فيها لكن اهي مادري شفيها علي شدعوه تغار على زوجها من بنت اخته

 

[قمر2009]

عاادي شعورها طبيعي والزمن الحين يخرررع حتى لو بنت اخته

 

[عاشقة ليلى مراد]

احس انج تغاريين منها :/

يعني توقعت القى كاتبه مشكله تبلت عليج فيها او تقصير حصل منها تجااهج

..

عشان نظره !! اكيد انتي مومقصره معاها بالنظرات والنقزاات .. والا شلون جاج احساس النظره ووصل لج :/

,,,,

خلي المره بحالها .. ودام خالج وتحبينه ومومقصر معاج .. لاتسببين له مشاكل ولا تغثينه وتغثيين مرته لانه يحبها ..
وانتي حبيها مثل ماتحبين خالج ..

وعسى الله يرزقج بالزوج اللي يحب بنت اخته ويموت فيها ويدلعها

ههههههههه شدعوه اغار منها الحمدلله مو ناقصني شي

وصدقيني انا مخليتها بحالها ولا لي شغل فيها اهي الله يهداها طايحتلي خز فيني تقولين بومه وكله تقاطعني وانا اتكلم

ههههههههه اي والله عسى الله يرزقني بالزوج الي يدلع بنت اخته على شان اجرب مكانها
لا والله بالعكس هالشي يفرحني

مشكوره حبيبتي على مرورج

 

[Um Turki]

الفاظج تدل انج ناقصه تربيه مو حنان حتى ابوج ماسلم منج وين وبا لوالدين احسانا اين كان تصرف ابوج شكلج متماديه مع خلج زيادة عن الزوم البنت تكون قريبه من امها مو خالها ابعدي عن الراجل ومرته وبسج حركات مراهقين وتلصق برجال

 

[كويتي كيووت]

رد : شلون اتصرف مع مرة خالي

مهما يسوي أبووج يظل له قدر وأحترااام عندج

ومكاان المفرووض تتكلمين عنه جذي

ومحد يحس بنعمة الوالدين ألاا ألي فااقدهم

 

[lovely jojo]

مايصير تقولين عن ابوج جذي ..
وشكلج انتي اللي مطفرة مرت خالج ..
الله يعينها ..

 

[عاشقة ليلى مراد]

الفاظج تدل انج ناقصه تربيه مو حنان حتى ابوج ماسلم منج وين وبا لوالدين احسانا اين كان تصرف ابوج شكلج متماديه مع خلج زيادة عن الزوم البنت تكون قريبه من امها مو خالها ابعدي عن الراجل ومرته وبسج حركات مراهقين وتلصق برجال

لا والله حبيبتي انا متربيه ولله الحمد وعارفه نفسي عدل ولو سمحتي تكلمي عدل واحترمي نفسج
وهالابو هذا ما يستحق انه يكون ابو ما عنده غير السب والاهانات والتجريح والتقليل من قيمتي انا واخواني
وعلى فكره انا مو متماديه مع خالي ولا قطيت روحي عليه اهو الي اييني ويحبني ويسولف معاي لاني كاسره خاطره امي وابوي منفصلين وامي متزوجه واحد ثاني وعايشه بره الكويت
الحمدلله ربي خلقني عزيزة نفس ومو انا الي اتلزق فيه اهو الي اييني ومحسستني اني اتلزق بريال غريب مو خالي

 

[عاشقة ليلى مراد]

رد: رد : شلون اتصرف مع مرة خالي

مهما يسوي أبووج يظل له قدر وأحترااام عندج

ومكاان المفرووض تتكلمين عنه جذي

ومحد يحس بنعمة الوالدين ألاا ألي فااقدهم

اااااااااااااااااااااااااااااخ بس لو ابوي يكون ابوج وتحسين شويه

وصدقيني وجوده مثل عدمه

 

[الجوهرة777]

استغفر الله


الخال والد , بس بعض الحريم عقلها ناقص

حاولي تبينين هالشي لها ان خالج نفس معزة ابوج وقوليلها معزتج من معزة خالي اللي احسه ابوي

يمكن تصحى وتفهم

ولا روحي اشتريلها هديه علشان رمضان وقولي له اعزج من معزة خالي <<< ( تهادوا تحابوا )

 

[طموحة ولكن !]

عطيها طنااش ولا تخلينها تقدر تجي بينك وبين خالك وسلفي معاها وتغشمري اتقي شرها ترى الحريم كيييييييييييد ومكر يممه منهن لا كرهنك

اعرف وحده تكره بنتها لان زوجها يحبها صدق ذا مو قصة مسلسل ترى

 

[طموحة ولكن !]

الفاظج تدل انج ناقصه تربيه مو حنان حتى ابوج ماسلم منج وين وبا لوالدين احسانا اين كان تصرف ابوج شكلج متماديه مع خلج زيادة عن الزوم البنت تكون قريبه من امها مو خالها ابعدي عن الراجل ومرته وبسج حركات مراهقين وتلصق برجال

استغفر الله ياربي ,, شتبين كليتي البنيه ؟؟؟

ياردي بادب يا لا تنورينا بردك ابد الله يعافيك !

 

[انا كويتية]

رد : شلون اتصرف مع مرة خالي

شوفي حبيبتي الحل حسني علاقتج معاها ولما تكلمين خالج وجهي الكلام لها بعد حسسيها انها مهمة بحياتج مثل خالج والله يهدي النفوس

 

[عاشقة ليلى مراد]

استغفر الله


الخال والد , بس بعض الحريم عقلها ناقص

حاولي تبينين هالشي لها ان خالج نفس معزة ابوج وقوليلها معزتج من معزة خالي اللي احسه ابوي

يمكن تصحى وتفهم

ولا روحي اشتريلها هديه علشان رمضان وقولي له اعزج من معزة خالي <<< ( تهادوا تحابوا )

مشكوره حبيبتي ويعطيج العافيه وانشاالله اسوي الي قلتي لي عليه