شلون اتصرف بوجود خطيبي !!

[كندوره]

السلام عليكم ورحمة الله وبركاته

بنات شالحل مع الخجل لي زاد عن حده :\\\

لي تقريبا سننننة مخطوبة لكن مشكلتي اني حييييل انحرج من خطيبي وللحين اصلا ما نسلم على بعض الااااا ما ندر ..

اهو يصيرلي من قريب

ومرات لمن يكون قاعد ويشوفني منحرجه ومو ماخذه راحتي وقاعده على اعصابي احسه يتضااايق ويطلع :\\

اهوو جريء وعادي حده ياخذ راحته بالسوالف والضحك والغشمره والقعده ولا كأني

موجوده بس أنا ما اقدرر اكون على طبيعتي

(
واشارك بالسوالف ..

احس نظرات الموجودين كلها تخترقني و أي كلمه وحرطه محسوبه عليي :eh_s(1):



:\\ وهالشي يضايقني وايد .. اني ما اكون على طبيعتي وتلقائيتي

وحتى لمن يسلم يا دوب ارد عليه السلام

مرات احس اني ما عندي ثقه بنفسي واهو ماشاءالله حد الثقه

:eh_s(16):

شلون اتصرف لمن يكون موجود

شنو السوالف اللي ممكن تسولفونها

 

[Tom ♥ Jerry]

.


حياتي خلج على طبيعتج .. :$
و تصرفي بذرابه

 

[روانتي 12]

سلام عليكم . .

كل شي على طبيعه حلو . . لا تتصنعين ولا هم يحزنون . . وبالعكس رياييل يحبون الحياويه . .
يعني مو حلوه توج ماتزوجتي و تسولفين وتضحكين وتغشمرين جدامه . . بيقول هذي قطة الميانه قبل لا أتزوجها . .
لا خليج هاديه وابتسمي ولا تكركرين وايد . . ومو لازم بعد تسسولفين . . ومن قال ان ماعندج ثقه بالعكس الي ماعندها ثقه هي الي ماتحب نفسها لكن انتي مو جذي . . موفقه حبوبه

 

[حلوه بس هبله]

حبوبه
اذا سلم عليج عادي ردي السلام وقول شخبارك شمسوي ؟! عادي جدا
وبصراحه اكيد راح يتظايق لان انتي طول وقتج ساكته
اذا فتح مثلا موضوع العرس او موعد العرس عاادي شاركيه قوليله هالشي يعجبني ابي اسويه وهالشي مايعجبني مابيه
او مثلا كان لابس بنطلون جينز وتيشيرت وشفتي فيها بقعه لا تستحين جيبي منديل فيه ماي وسوي روحج تنظفينه حسسيه باهتمامج له
او يوم من الايام جاي البيت يزورج سوي عشا من صنع يدج صنفين او ثلاثه مثلا ( سلطه ومكرونه وصنف يحبه ) وجهزي الطاوله وشموع ولبسي لبس ناعم واكليه بيدج وقوليله كلام حلو مثلا حبيبي شرايك بالاكل عجبك !؟ وتدلعي عليه شوي بس انتبهي لا تتصنعين ترا الرجال يعرفون الي تتصنع
او مثلا اشتري له ساعه عاجبتج قولي شفتها وعجبتني وتستاهلك او قوليله ودي اطلع معاك المحل الفلاني في شي عاجبني فيه ابي رايك
وانتي حطي في بالج اي محل في بالج عشان صج تروحين له يعني جهزي للطلعه
كل هالامور حبيبتي ترا تكسر الحاجز الي انتي مسويته
شوفي حبيبتي انتي فيج خجل بزياااده لازم تكسرينه حتى لو امج ولا خواتج حاولو ماييقدرون لازم هالشي يجي منج انتي
لازم تقتنعين ان هالشخص خلاص بيعشي معاج علطول ان شاء الله
جربي مره تعيشين على طبيعتج اكثر يعني مثل ماتسوين مع اهلج سوي معاه اظحكي وسولفي
شفتي يسولف عن دوامه اسالي واستفسري عن اي شي بخاطرج حاولي تعرفين اسامي ربعه او طبيعه عمله حتى لو تعرفين بس بيني انج مهتمه
جذي على حالج بيفكر انج ماتبينه او مغصوبه عشان جذي هو يطلع وهو زعلان
لا تعودينه على سكوتج بعدين هو بيتغير عليج ويكون طبعه ساكت وجامد , انتبهي حبيبتي انتبهي ححححححيل
الله يوفقج ياغناتي
دعواتج لي بالزوج الصالح ، وسوري على الاطاله حبوبه حبيت اساعدج قد ماقدر

 

[Boston girl]

امممممم

مالج شغل بنظرات الناس اللي حولينج

خلج على طبيعتج مثل ما انتي راضيه على طبعه اهوا لازم يرضى على طبعج مهما يكون انتي بنيه ولازم تكونين حياويه

واجمل صفه بالبنيه حياءها




فرضي شخصيتج من الحين لاتكونين تابعه له وتسطنعين حركات عشان ترضينه
والله يوفقج

 

[لمى الهاجري]

لووووووووول للحين ما تعودتي عليه حاولي تردين على سوالفه وتضحكين بس على خفيف

 

[دلوعة أبوهآ]

مع الوقت بيروح الخجل شوي شوي ..
آهم شي تصرفي ع طبيعتك واعتبري انه مو موجود أحد معاكم ..
خليكِ عفويه ..

 

[كندوره]

يعطيكم العافيه كويتيات والله ينولكم الخير كله ودعوه خاصه للاخت حلوة :eh_s(7):

توم&جيري - روانتي - بوسطن جيرل - لمى الهاجري - دلوعة أبوها

:eh_s(22):

بنات انا خطططبه مو ملجة

يعني شلون اسولف معاه :\

واللي تقول حلاة البنت تكون حياويه .. صح بس مو حلو لي زاااااد عن حده

تخيلو انحط عالسايلنت احس حلجي ينربط كل الكلمات والسوالف تضيع مني :eh_s(2):

ما اقدر اكون على طبيعتي وانا منحرجه اصير انسانه ثقيلة طينه ومليييقه وسايلنت

مرات انا اتضايق ليش اتصرف جذي :\\

اهو جرررريء حيل ماشاءالله احسه بيسولف معاي بس لمن يشوفني جذي منحرجه يخاف من ردة فعلي او يخاف يحرجني بزياده فما يكلمني

اخته تقولي والله بتطيرينه منج بتصرفاتج العبيطه شاااركي معانا بالسوالف لا تقعدين ساكته

بنات شسوووي :\\ شلون اكسسسر هالحاجز

 

[حلوه بس هبله]

يمه منج نسيتي اسمي

 

[اميره بكلمتي]

شوفي اهو الخجل موجود بكل الحالات بس حلووو الواحد لمى يتصرف على طبيعته بس بطريقه ذربه وتكانه

 

[سفييره الكويت]

اطمنج الريال يحب البنت المستحيه والخجوله لما يتكلم نزلي راسج وابتسمي وانتي تسمعين كلامه وشوفي الاثر..

 

[كندوره]

حلوة بس هبله فديتج حطيتج اول اسم

ودعوه خاصه للاخت حلوة

الله ينولج نوالج ياربي ويرزقج اجمممممممل من كل ما تتمنين ومن حيث لا تحتسبين ويفتحها عليج من اوسع ابوابه

يعطيكم العافيه كويتيات
سفيرة الكويت - اميره بكلمتي

ما قصرتو عالردود الطيبه

 

[اوبالز]

طبيعي ماتاخدين راحتج ادا الكل عيونهم عليج وانتي محط الانظار لانكم مولحالكم الي يخليج تتصرفين بخجل يمكن يكون ان بعض الشخصيات بعيلتكم انتقاديه يعني تنتقد على اقل موقف وانتي تخافين تكونين على طبيعتج او تقولين او تسوين شي يكون في محل انتقادهم لدلك اتوقع انج فضلتي تسكتين والدليل لما قلتي نظراتهم تخترقني

 

[برستيجي مآركة]

أنا اوافق أوبالز الراي انج محط أنظار الكل لهاالشي انتي تخجلين بزيادة يمكن بعد الملجة ولاصرتو بلحالكم بيخف الخجل وتبدى تطيح الميانه لووووول

وربي يوفقج ويسعدج ياقلبي..

 

[Patcholli]

لو كنت مكانج جان صار فيني اخس واصلا جان ماتواجدت بالمكان اللي اهو فيه من الحيا

 

[كندوره]

اوبالز
ايي حدددهم ويضغطوون بعد :\
حتى لو مو منحرجه يحرجوني بتعليقاتهم


patcholli
:~
اشووة اني اهون من غيري يعني
وعالتواجد .. مو بكيفي يصيرلي من قريب حيييل فاشوفه وايد وعادي نوعه يقعد ويسولف

 

[كندوره]

برستيجي ماركة
حبيبتي تسلمين ويوفقج يااااااربي والجميع
واتمنى ما يطول هالشي :\ لان نوعي استحي حييل وهالشي ميزه وبنفس الوقت عيب فيني

 

[*آسوومه*]

مشكلتج بسيطه هههههههههههه
انتي انسي انه موجود و عادي تكلمي مع البنات و اضحكي بس انتبهي مب بدفاشه ههههههههه عشان ما يخترب البرستيج xD
و لو كلمج قالج شلونج فلانه ؟ قولي بخير الله يسلمك و عقب قولي له انت شخبارك ؟ ..
و لا تخلين يصير بينكم eye contact وايد عشان ما يقول تخزخز ههههههههههه
عادي
و لما يسولف ردي عليه ولا تحسسينه انج متوتره و متوهقه و افضل ان ما تطيحون الميانه وايد
ولا يشوفج وايد الا لما تصير الصجيه " تملجون " الله يوفقج يا رب

 

[كندوره]

احاول واحاول اصير شوي ثقيله هالفتره
ويوفقج حبيبتي والجميع ياربي ما قصرتي فديتج

 

[Alias]

عالجي الخجل عند مستشار. زوجج. مايحب. الخجولة. مبين.