شلون ابني الثقه والدفاع عن النفس

[فديت عيالي 3]

شلونكم بنات ياليت الكل يتكلم عن الموضوع هذا بنات اناتعبت من اللي بداخلي ثقه معدومه ومااقدر ادافع عن نفسي يعني اقل شي بيت زوجي تعبت وايد وايد لما يقطون نقزات اتكلم بس موعارفه اجمع الاحرف ارتبك اضحك معهم بس اهم جارحيني بالكلام حتي عيالي اخاف يصيرون نفسي انا زوجي يقول دافعي عن نفسج بس امي وابوي لاتتكلمين معاهم بس انا اقوله امك وابوك اهم اللي يجرحوني وانا ساكنه معاهم مرت حماي فيها ثقه واتمني اصير نفسها حتي لاحضت انه ماكو احد يكلمها او يضايقها بكلمه لانه اهي تتكلم وعندها حلال وعلي فكره انا قبلها متزوجه يعني اسنين بس والله يابنات قلبي ناااار يشب لما يتعاملون مع حريم حمواني جذي وانا لما اتكلم اتعب مااقدر اركب الكلمات ممكن مساعده:yaaaaaarb:

 

[فديت عيالي 3]

ليش ماتردون علي

 

[روانتي 12]

تدرين الثقه بالنفس من وين تجي !
تجي من الصغر . . يعني لما كنتي صغيره اهلج عطوج الحريه بتعبير عن نفسج او تدافعين عن نفسج ؟
المفروض اهلج يعودونج من وانتي صغيره تاخذين حقج .. مثلآ ( الي يطقج اطقينه .. الي يتكلم عليج تردين عليه ...ألخ )
وفي اشيئاء كثيره .. ونقص او قلة ثقه بالشخص يكون في سبب و سبب ( التحطيم و الزف و الهواش و طق )
يعني المفروض من يوم كنتي صغيره اهلج عودوج على هالشي . . لان اذا ماتعودتي و انتي صغيره راح يكون من داخلج قلق و خوف و توتر . . وهالشي يخليج غصبن عنج تسكتين و ان سكتي تجيج غصه و بعد هالغصه تظطرين تبجين . .

انا كتبت لج شلون شخص ياخذ ثقه من البدايه و شنو اسباب قلة ثقه بالنفس و وين توديج !

انا حبيت اقولج هالكلام عشان تراجعين نفسج . . و تتذكرين نفسج يوم كنتي صغيره

اما الي بقولج عليه الحين حاولي قد ماتقدرين ماتسكتين عن حقج الحق حق ومايزعل
ممكن تكون صعبه الحين عليج لكن حاولي لو على شي بسيط ترا كثرة الاستمرار تتعودين وحطي عهد بينج وبين نفسج ان مهما مايصير ماتنزل دمعه من عينج كل ماجيتي تبين تبجين قولي لنفسج على شنو ابجي ؟ وعشان منو ؟ ومنو يستاهل هالدمعه ؟ هالدمعه غاليه ؟ >>> خخخخخ . . بس ترا صج هالشي وبجذي بينسخ بعقلج الباطن و من بعدها راح تنبني الثقه من داخل تدريجيآ
وادخل قسم مهارات التعلم . . وفي كثير مواضيع عن ثقه بالنفس . . اقري كتب مجالات فيديوهات عن الثقه بالنفس والله راح تلاقين راحه عجييييييييييبه صدقيني هالشي اقوله لج وانا واثقه 100% . . لاتخلين احد يهزج خليج جبل . .

والله يوفقج ياقلبي

 

[نهى الأحمد]

هلا حبيبتي

طبعا اختي روانتي ماقصرت بالرد عليج


وفعلا كلامها صحيح


دشي قسم تنمية المهارات وتطوير الذات رح تستفيدين من مواضيع كثيرة تتعلق بالثقة بالنفس


وودي منج تلقين نظرة على هذا الموضوع بعد

http://www.q8yat.com/t1086404.html

 

[manoooram]

يعطيكم العافيه
فديت عيالي عدل كلام اختي نهى الأحمد ألقي نظرة على مواضيع البنات
بقسم تنمية المهارات وتطوير الذات باذن الله بتفيدج حبيبتي

 

[هنا22]

موضوعج ذكرني بمواقف كانت اتصير ليه بدايه زواجي لاني ماعندي احتكاك بالحريم قبل الزواج ومامسموح او عيب تردين وانت بنيه هذا المجتمع المهم كانو الحريم يلمحوا ويقطو نقزات المهم انه كنت محترمه وايد وايد ومؤدبه لدرجه ماذي وحده بس كنت ابكي لما اروح البيت لاني كنت اسوي نفسي موفاهمه المهم حاولت وحاولت اخلص من هلمشكله لحد لما سمعت محاضره وحده اعتقد كويتيه على اقراء قالت فيه انك موزين تحقد على الناس لما يسوون لك موقف هذا شي سلبي لازم يكون عندك ثلاث حلول يما ترد بنفس الوقت على الشخص او تسامح الثالثه ماذكرها ههههه المهم انا اخذت الطريقه الاولى بس بالبدايه كان ماعندي اسلوب يعني ردي كانه خناقه بعدييييين لما احتكين اكثر بالحريم تغير اسلوبي صرت وسط يعني ارد وماسكت الا بمزاجي بس لما ارد ارد باسلوب يمصخر القدامي وينحرج قدام الناس بس مو معركه ههههههههههههه

 

[ديانا سبنسر]

اب اب

 

[كويت الاناقه]

●
●
●

up

up


●
●
●



صراحه البنات ماقصرو وياج والكل ان شا الله يفيدج

 

[الله كرريم]

اااااه انتي نفس حالتي بس انا قااعده احااول واحااول اني ارد بنفس الوقت واتخيل مواقف واجهز الردود وللحيني اعاني
وفعلاا كله من التربيه الله يهداهم امي وابوي كله يقولون عيب عيب اسكتو ماتستحون ليش المشاكل ليما انخرسناا