شلون ابلغ ع ساحر بالكويت وانا بالسعودية؟؟؟؟

[@حنييين@]

بنااااات ياكويتيات الحقوووو علي
انا تواصلت مع شخص من البدايه كان ع بالي انه شيخ بس بعدين اكتشفت انه ساحر
خاااااااااااايفه يضرني هو عرف اسمي واسم امي شلون ابلغ عليه بليييز بنات ساعدوني
ابي الهيئه اللي عندكم تمسكه بليييييز وش اسوي وربي اكتب لكم وانا ابكي
وش اسوي ماكنت ادري انه ساحر طلع خبيييث يقول ياتعطيني ارقام بنات او اضرك
واسحرك خاااايفه هو حقير وخبييييث بنات انا عندي رقمه ابي وحده تساعدني
من الكويت تاخذ رقمه وتعطيه الهيئه بدون مايدري انو انا اللي بلغت عليه مابي يضرني
خاااااااااااااايفه حييييييل:eh_s(11)::eh_s(11)::eh_s(11)::eh_s(11)::eh_s(11)::eh_s(11):

 

[Tom ♥ Jerry]

,

طنشيييييييييه يبه هاذا واحد يستهبل و انتاي معطته وي !
ما راح يسوي شي و لا تردين عليه

 

[أم حسوون]

السلام عليكم ، ما عليج حبيبتي ما يقدر يسوي شي بس أهم شي تحصني بأذكار الصباح والمساء وأقري سورة البقرة لأنها تمنع عنج السحر والله يكفيج شره، ولا تردين على مكالماته.

 

[روح التعاون]

ماعليج من كلامه هو قالج اسويلج *** عشان ينشغل بالج وتخافين وتوسوسين هذا وسواس خناس لازم ماتفكرين فيه ولاتردين عليه وتحصني

 

[جهراويه مزيونه~]

ساحر يبي ارقام بنات؟ مغازلجي الله يهداج موساحر هذا
خيولي مابيده شي!
هالايام استخفت الناس وقعدت استغفرالله كل شي قاموا يسوونه
عشان يضبطون هه

 

[~ بنت الهدى ~]

ساحر مغازلجي شكله يستهبل و بيخوفج حسبي الله على بليسه

 

[فدوووش]

مايقدر يسحرك لان ماعنده شي لك

واذا هو بالكويت اتصلي على الهيئه بالسعوديه وهم راح ينسقون مع الكويتين ويقبضون عليه

بس يمكن القانون الكويتي يختلف عننا لان ماعندهم هيئه عندهم شرطه اداب

 

[رمادية الهوى]

حسبي الله فيه حيووان
كلمي الهيئه واعطيهم رقمه لا تخافين عادي كلمي وهم يتصرفون معه

 

[Patcholli]

يعني الساحر مايقدر يسحر البنات ويخليهم ايونله بدونج ؟
حبيبتي استهدي بالله هاذا قاعد يستعبط ولاتخافين منه الله حافظج كثري من سورة يس والبقره والكرسي والقران الكريم كله حفظ وتحصين لج ان شاء الله لاتخافين من شر الانسان الله اذا بيحفظج يحفظج ومحد يظرج لو كل الدنيا تجتمع ضدج
قوي ثقتج بالله

 

[كويتيه كول عطول]

لاحبيبتي ماعليج جذب لا ساحر ولا شي انزين اذا يقدر يضرج جن قدر يطلع ارقام البنات الي عندج ليش يقولج عطيني اياهم طنشي ولاتردين عليه او غيري رقمج وقاولي الاذكار ومافيكم إلا العافيه ان شاء الله وادعي ربج انه يبعدج عن الي موزينه

 

[مرتبة]

مره ثانيه لا تعطين احد اسمج واسم امج مفهووووووووووووووووووووم
ثانيا لازم تؤمنين انه ماراح تنسحرين الا اذا الله اراد
وهو لو يسوي مليون *** والله ما اراد فلا يتم سحره

اقري ايات السحر
‫آيات أبطال السحر- حملها من هنا MP3‬‎ - YouTube

واسمعيها


شيلي الصور من غرفتج ولا تحشين ولا تسمعين اغاني


داومي علي سوره البقره وكتاب الرقيه وادعيه الرقيه

ودزي بتويتر لنبيل العوضي عشان يحل الامر
ولاتمسحين كلامه خلي كدليل

 

[M!SS.LOBY]

لا حول ولا قوة الا بالله

 

[M!SS.LOBY]

ما يقدر يسوي شئ لا يحل ولا يربط استغفرالله شعوذه ومصخره
كلام فاضي يهدد هذا اللي شاطر فيه

صدقيني قرأة سورة البقرة والمعوذات كثري ماراح يقدر يضرج

 

[انصاريه قمره]

حسبي الله عليه
هذا بيخرعج لا تردين عليه وعلى اتصالاته الحقير

 

[لولو الكويت 88]

حبيبتي ماعليج منه
اذا اتصل مره ثانيه قوليله مو انت ساحر ؟ يلا طلع ارقام البنات اللي بجهازي وضحكيله ضحكه شريره ها ها ها لوووووول

الله يحفظج بحفظه

 

[مفعمه بالحيويه]

ممممم وين مخج ، كذاب يخوفج عشان تعطينه ارقام بنات هالوصخ

لا هو شيخ ولا ساحر مغازلجي وصخ

لا تخافين بس لا تردين عليه ولا على مسجاته بيطفش منج ولو بعد مده ... المهم طنشي،وهذا الي يبيه بنت خوافه تعطيه ارقام بنات


،يا حنين اخلصو المشايخ والرقاه الي عندكم فالسعوديه عشان تستعنين بصديق اقصد شيخ فالكويت ؟

عندج هالموقع

للرقيه الشرعيه الصوتيه

( تي في قرآن)

اسمعيه كل يوم

http://www.tvquran.com/rouqia.htm



بالرغم انه مو ساحر بعد كل يوم اقري المعوذات واذكار اصباح والمساء

وانتهى



---------------

 

[دلع24]

توكلي على الله ولا تخااافييين يبي يخرررعج بلغي عنه الهيئه وقولي هاذا ساااحر بالكوويت
وهم بيتصرفوون


المهم عليج بالاذكاار وسووره البقره شغليها داايماا

ۆ اللَّہ يحفظج

 

[قاهره عذالي]

عطي رقمه للهيئه اللي بالسعوديه وهم يتواصلون مع المسؤولين بالكويت ويصيدونه سهله

 

[هدوووشه]

اصلا الشيووخ ماتسأل عن اسم الام شدخل!! معروفة ماغير المشعوذيين ليش تعطينه !!!

حتى اسمك المفروض ماتعطينه اياه

ثاني مرة انتبهييي

 

[1001]

ماعندنا هيئه بالكويت عندنا شرطه
وشكله مغازلجي ولاهو ساحر ولا شئ
بس ماقلتي من وين عرفتي رقمه وإسمه الشيخ منو؟