ماما فله
New member
- إنضم
- 20 سبتمبر 2005
- المشاركات
- 1,209
- مستوى التفاعل
- 0
- النقاط
- 0
شلونكم بنات أنا متضايقه حدي وودي أفضفض لكم وسبب ضيقتي بنات الدوام آنا الحمدلله مرتاحه بدوامي والكل يشهد لي بالتفوق والحمدلله ترقيت لين صرت مسؤوله وأنا طول عمري ما أحب شي اسمه غرور ولا أحب أترفع عن الناس وأتعامل معاهم بطبيعتي بس للأسف هذا سبب مشكلتي ، في موظفات يدد توهم متعينين عندنا بالقسم وطبعاً آنا اللي أشرف عليهم المهم آنا أعاملهم ببساطه وعلى السجي ودايماً أقولهم آنا مثل إختكم الكبيره ودايماً أساعدهم وأعلمه عاشغل ويا كثر ما يسألوني وأرد علة استفساراتهم بس اللي قاعده أشوفه إنهم وايد طيحوا الميانه طبعاً مو الكل هم ثنتين قاموا يدخلون بشغلي وانتي شقاعده تسوين ويدرعمون على بالمكتب ويقعدون يسولفون وما يهمهم مشغوله ومومشغوله ولسانهم طال ووحده منهم قامت إتفكر لبعيد آ\نا صارلي خبره 10 سنين والاخت قامت اتحيلق وتقلقس حق المدير وتقوله فلانه ما تعطيني شغل وتحاول تبن له إنها أحسن مني ، آنا طبيعتي مع الرياييل شويش عطيه يعني سلام عليكم السلام وسين جيم ماعندي سوالف ولا عندي روح وتعال ولا أعطي مجال لهم يسألوني عن أي شي حتى خصوصياتي أما هالبنيه لأ تسولف مع المدير وآ|نا شفتك بالمكان الفلاني وعيالي يسوون جذي وآ|نا جذي والنصابه ذاك اليوم آنا معطتها عنوان موقع يساعده بشغلها راحت قالت حق المدير إن الشغل اللي كلفتني فيه فلانه آنا دورت عليه بالموقع الفلاني والله سمع إذني ولا اللي كرهني فيها زيادة إنها اتعبث بأوراقي الخاصة اللي بمكتبي لما أكون إجازة يعني مثلاً ذاك اليوم طالب منها المدير شغله وآنا ما كنت موجودة فالاخت ما تبي اتعب روحها وادور بالملفات راحت دورت بأوراقي اللي بمكتبي ولقت اللي تبيه وعطته حق المدير ولا بعد اللي زاد الطين بله إنها تقعد بمكتب وترد على تلفوناتي والله منبطه منها آنا ألحين إجازة وكارهتها كره العمى مسويه روحها رفيجتي وتحبني وهي تطعني بظهري إنزين فكري إني أقدم منج شلون تبين تصعدين علة أكتافي آسفه طولت عليكم والله من حر ما فيني اللي صارلي هذا خلاني أعيد حساباتي وأفكر إني أغير أسلوبي وشخصيتي وياهم بس المشكله إني وايد طيبه بكلمه وحده أنسى كل شي يارب أقدر أتغير عليهم والله شايله عليهم وايد مو شويه وأول إجراء حابه أسويه إني أمنعهم يدشون عندي بالمكتب ويضيعون وقتي بس شلون أبدي ساعدوني بليز .
