شلون أعود بنتيق

[دلوعه ززوجي]

قوه بنات شخباركم اختي تسال شلون تعود بنتها عمره 2ع انها تقط الحفاظه والحليب
نبي تجربكم

 

[دلوعه ززوجي]

توقفاتها رد

 

[روح مغليها]

الحليب لا تقطعه تو الناس خلي يفيدها
بس تعودها ع القلاص مو الرضاعه
الحماام
طوول النهر تخليهاا بدون حفاظه وكل خمس دقايق
توديهاا وتقولها يالله يالله بووله حمااام خليها تقولها بلغه الجهال
وبليل تلبسها لاجت تنام
اول الايام اتوهق
بس بعدين تضبط
دعواتج

 

[دلوعه ززوجي]

الله يوفقج يارب يسلموااا

 

[Om fhoood]

حبيبتي الحليب خل تخليه ع الاقل لي سنتين ونص وخل تقلل رضعاتها تخليها وحدة بس لاتخليها بالليل قبل النوم لانها لما تبي تقطعها راح تتأذى وتستعسر ماتنام

والحفاظة مثل ماقالت اختي روح مغليها خل تخليها طول اليوم بدون بامبرز وتقولها انتي صرتي كبيرة ماما ولازم تروحين الحمام ترى الطفل من عمر سنتين يبدا يفهم الصح والغلط

وتخلي الحفاظة بس بالليل لا نامت

وتدخلها الحمام وترش ماي عليها اقصد على المنطقة عشان عزج الله تبول اول مرة وتتعود وعقب شوي شوي راح تتعلم بس يبيلها صبر وطولة بال

 

[أم الليالي]

اب اب اب

 

[دلوعه ززوجي]

يالله بنات

 

[الأميرة جوري]

سنتين ونص تبتدي تعلمها افضل سلن لتعليم ...واذا تاكل عادي تقطع الحليب وتعطيها بديل اجبان قيمر حليب طازج

 

[felfelah]

مشكورة "دلوعه ززوجي" على الموضوع انا بعد عندي نفس المشكلة
انا جربت هذه الطريقة بس المشكلة اني الصبح اكون في الدوام و البشكارة ما تقدر توديها كل خمس دقايق لان عندها شغل البيت
فترجع مرة ثانية
و لانها اخر العنقود واااايد تغار من كل اليهال و تشوف بنت عمتها صغيرة عمرها سنة تلبس الحفاظ و كله تقولي ان هي بيبي
و صارت الحين لما توصخ ما تتكلم لانها خايفة لما اغسلها ما ارجع البسها الحفاظ بس انا بنتي الحين بتكمل 3 سنوات
اخوانها ما عذبوني ما شاء الله عليهم على طول تعلموا لاني كنت في البيت ما اشتغل فكنت اقدر عليهم.