شلون أعرف

[المثقفة]

بنات شلونكم ودي أعرف في هالفترة شلون أعرف اذا ريلي يخوني ولا يحبني وتارك السوالف لاني برتاح وطمئن

 

[كويتية تهبل]

رد : شلون أعرف

لا تعليق ...

 

[goldy]

رد : شلون أعرف

الحمدالله والشكر

 

[وداعيه]

انا اقول تعوذي من ابليس

 

[احـ رومانسيـــه ـلا]

رد : شلون أعرف

شكلج توج عروس

شوفي حبيبتي دام انتي مو شايفه منه شي مو زين

لا تقعدين تنبشين وراه او تشكين فيه ترى راح تتعبين

وانتي اذا من البدايه مو مقصره معاه بشي وخليتيه يتعود عليج .. صدقيني راح يحبج

وماراح يفكر يخونج .. وشيلي هالافكار من راسج لأنها ما منها فايده

والله يوفقج انشالله

 

[رحيل المرافيء]

رد : شلون أعرف

مافهمت
ريلج يخوونج يعني من قبل وتبين تتأكدين ترك هالسوالف ولاا لااا
ولا انتي تشكين فيه

 

[سمبتيكا ~]

بسيطه ..
قعدي فتشي لابتوبه وتيلفونه وراقبيه ليل ونهار
واقلبي حياتج نكد وشك وغيره وبتعرفين يخونج او لا ...
لان آحنا مانعرفه عشان نقولج يخونج ولا لا :d
​

 

[احـ رومانسيـــه ـلا]

رد : شلون أعرف

وي حبيبتي

انا دخلت بروفايلج وقريت مشكلتج والله يعينج ويصبرج صراحه

خلاص من صج لا تنبشين والله بتزهقين حياتج

مالج غير الدعاء والصبر

 

[شقرديـه عالطل]

انا قريت مشكلتج وحبيت اقولج لا تنبشين وراه واسفهيه من ناحيه هالسوالف مصيره بيردلج انتي وبناتج
شلج بعوار الراس والتنبش لو كل وحده نبشت ورى زوجها جان كلهم تطلقوا
والله يعينج

 

[طرطعانه]

خليه يخوونج

لا اتعبين نفسج .. انتي ماتزوجتيه عشان اتربينه ؟؟

وصدقيني حقج ماراح يضيع اذا مو الحين بعدين واذا مو بعدين لامات

لان صعبه تحاسبين الرجل على غلط مثل هذا .. يقدر يقلبه عليج

 

[najla86]

الله يعينج صج

 

[للزين هيبه]

جيكي السجل مال فوونه شوووفي اطوول مده بأسم رجاال
مثلا<<سعد خالد مدة المكالمه 1:40
فيه شــكــه
هع هذي طريقتي مره كشفته بهالطريقه
لان مو معقوووله بيكلم رجاال اكثر من ساعه

 

[لجين]

رد : شلون أعرف

اوهميه .. انج عندج حاسه سادسه ..

بس لا تناجرينه قوليليه انا بصراحه فيني قمته ما ادري ليش احس بضيق

.. لمحي بس واذا هو فهم .ز عاد يا راح يحاول انه يثبتلج انه بريء

وما عنده هالخرابيط او يطنش ويكسر الشر ويحاول يراضيج ..

ام اذا عنده راح يتغير وجهه واسلوبه معاج ..

ما ودي انصحج غلط حبيبتي بس انا الحين امر بنفس ظروفج

والله يهديكم لبعض .. بس امانه انصحج لا تناجرينه

ولا تبتدين انتي بالهواش لانه ربج بيوقف معاك