شلون أراضي زوجي مع انه هو غلطان !

[شـاهـه]

السلام عليكم ورحمة الله وبركاته


بنات انا مليت من المشاكل مع اهله يدخلون بحياتنا امه وابوه وخواته !!

في شكلي ولبسي واسلوبي !! باالاختصار ماقمت اقعد معاهم بعيد عن المشاكل صرت رسميه وايد معاهم


وكله ساكته ومطنشه سنين ! السنه الثالثه اذا نغزوني او سوولي حركه انفجر و اصرخ واستخف على ريلي المقرود


وفوق هذا بنفاسي خدامتي سافرت وعندي بيبين !!! الكبير سنه ونص !!!! خلااااص نفسيتي وايد تعبت

صرت

ما اقدر اسكت وأطوف مثل قبل !

ما اقدر اصبر !

تغيرت 180 درجه رحت عند استشاره نفسيه وقتلها عني قالت انتي الحين بمرحله انفجار خشيتي في قلبج لما انفجرتي

وهذا غلط لازم تفضقضين وريليج لازم يخفف عنج بس ريلي يزيدني ..

صرت مجنووووووونه لدرجه اني ابي افتك منهم كرهتهم وكرهت بيتهم حتى عيالي يتني فتره كرهتهم !!!!!!!

ضغط ضغط ضغط

روتين بحياتي

مليت .. زهقت

الحين صارلي شهر ونص نفسيتي الحمدالله وايد زينه وصرت اسكت اذا عصب واذا شفت حركه من حماتي او خالتي اطووف


بس المشكله اهوا !!!


صار عصبي يصرخ ! كله يقولي انتي مايبين بعينج .. شنو اسويلج ماتشكريني !

اذا موعاجبج اخذي اغراضج روحي بيت اهلج !

كرهتيني فيج !!

اقوله كل هذا من اهلك هو خربو حياتنا من كنا في قمة السعاده لحد التعاسه !

(( سبحان الله حماتي توها متزوجه ماصارلها شهرين كله مشاكل مع حمولتها ونفسسسس اللي سوته فيني صارت فيها ))

شفتو يابنات الدنيا دواره

شرايكم بنات ادزله مسج اعتذر له ؟؟؟

شنو اقووله ؟؟

سالفتي كلها ضغووووووط نفسيه واتمنى القى حل وتريحووني عسي ربي يريحكم في دنيا والاخره




​

 

[مرهونه]

يشرفني اني اول وحدة ارد علييييييج:nbvppw:حبيبتي انتي لازم تكلمينة وتصكرين امورج عدل والتفاهم معاه فقط ولاتنسين شوية دلع وغنج عشان تصلح الامور والله يسمح دربج:nbvppw:​

 

[سارووه الاموره]

حبيبتي انتي شكله كل ماقال شي ولا عصب قلتي من اهلك .. اهلك سوو جذي وجذاك لين كرهج الرياال

ع العمووم انتي ابدي معاه بمسج حبيبي انا اسفه ع الي صار وانا كنت مضغوطا نفسيا وكنت ابيك تحس فيني وانت قلبت الدنيا فوق
راسي مع ان راحتي وسعادتي قربك وحضنك ومن هالحجي لووول

يعني الحين لاتشيلين غل ولا شي بقلبج عن اهله وتعوذي من شيطان وصلي ادعي ربج .. وروحي فضفضي لريلج ع سنع مو تصبين ع الحريق غاز لووول خوش تشبيه يعني كلميه بهدوء ومو تزيدون مشاحنات اهلك وواهلك وريلج انتي ماتشكرين وانتي وانتي لااااااا حاولي تقولييين له شنو المضايقج وبعدين قوليله شنو مضايقك مني ؟؟ وانهي الموضوع واكيد راح يفهمج ..

 

[كلي ثقه و سنع]

رد : شلون أراضي زوجي مع انه هو غلطان !

الله يعينك حبيبتي و يريح بالك

روحي البحر وايد سبحان الله ترتاحين و شوفي افلام كوميدي <---- من صجي والله

بالنسبه لزوجك جربي ابعثي له من خط الاهداءات شعر رومانسي و حب مووو عتب

والله يسخره لك

قولي له ودي افتخ معاك صقحه جديده

 

[ام زاكي]

قوليله مهما صار هواش بينا انااا امووووووووت فيك يابو عيالي
ولا لي غيرك
وشويه كلام يخليه يجي الحين عندج ركككككض

 

[شـاهـه]

تكفوون ابي كلام حلووو انا ماعندي اسلووب

مشكووورين على كل اللي رد

 

[غمزه وإبتسامه]

الله يعينج ويسخركم لبعض

 

[الشهد كله]

من غير مسج اعتذار ولا شي ، إذا رجع بعد شوي قعدي معاه وتفاهمي

شوفي شنو يبي منج وشنو تبين منه ، من غير ما تييبين سيرة أهله

ديري بالج تحطين أهله بالموضوع ، حتى إذا أهو تكلم وقال أمي وأختي وأهلي

قولي له أمك مثل أمي والله الشاهد ، وهذا آنا كافة خيري شري عنهم عشان

لا أسمعهم كلام مني ولا أسمع منهم كلام !!!!!!!!!!!!!!!

وروح بعيد وتعال سالم ، مهما كان هذيل أهله ما يرضى عليهم ، وإذا تكلم ولا ياب سيرة أهله قولي

له آنا أبي حل حق هالمشاكل ولا أبي تييب سيرة أهلك بالموضوع وبعدين أهلك مالهم شغل باللي قاعد

يصير بيني وبينك .........​

 

[كنوشة 2009]

كتبي مسج باسلوبك ويكون طالع من قلبك احسن من احد يملي عليك كلام ثاني
وفي نهاية الرسالة قولي له خلنا ننسى اللي طاف ونبدي صفحة جديدة والله يهديه

 

[شـاهـه]

ابي بعد راي البنات

 

[ArEEj]

رد : شلون أراضي زوجي مع انه هو غلطان !

لا لا انتي غلطانه لا تخلين مشاكلج مع اهله تاثير ع نفسيتج معاه
والله حرام راح تكرهين الرجال فيج

حبيبتي انتى لازم تسوين كنترول ع نفسج
اول شي حاولى تبتعدين عن اي شي ممكن يسبب مشكله بينج وبين اهله
والافضل اخذيهم بالطيب والحسنى

ثانيا حاولى ما تشتكين لزوجج شكله مل مسكين ترى اهو في صراع بينج وبين اهله

ثالثا تعلمى تسوين تمارين ريلاكس ترى صج لها تأثير مفيد على ردة الفعل وابحثي بالنت بقوقل وكتبي تمارين ريلاكس وشوفيهم

رابعا حبي نفسج وحبي عيالج وحبي زوجج وخلي نظرتج للحياة متفاله لا تخلين صغائر الامور تأثر فيج

ودائما تذكري مميزات زوجج والاشياء الحلوة اللى بينكم

تعلمى تراضينه لا تخلينه يزعل واجد وخصوصا اذا كنتى السبب ترى الرجال بسرعه ينحرف هههههه الله يستر

في ساعات الصفا بينج وبينه قولي له كلام حلو وانك حبيبي وما استغني عنك

وقوليله خل نتفق انا وياك اللى يزعل الثاني بسرعه يراضيه وما يخليه يطول بالزعل

واسهل شي المسجات ما فيها مواجهه

والله يوفقج يا رب ويصلح ما بينكم

 

[ولهااااانه]

لا تقولين له انه اهله سبب المشاكل وضحيلـه عن الضغوط ايلي تمرين فيها
والله يهداه

 

[monmon12]

شاهه حبوبه
هذا اكتئاب ما بعد الولاده
روحي الطبيبه حبيبتي ))))
واذا على الحموله طاااااااااااف ماكو احد مرتاح

 

[املى كبير]

احقريه حبيبتى وترتاحين طااااااااااف

زوجج يتقوى عليج

 

[LA TROO7]

حاولي تنسين اللي قبل ولا تجيبين طاري اهله نهائياا ترا طاقه الرجال وتحمله مو نفس المرة بسرعه يزهق ويكرهج

اقري قران داايماا لانه يهدي بالج ويوسع صدرج واستغفري داايم وابتسمي بوجهه بسج لووم ونكد تلاحقي عمرج

برأي لو تدزين له كلمه وحده تكفي دزي له (( احبك )) او ذكريه بسالفه سبشل بينكم بايام حلوووووة واتركي اللوم والعتب

الله يسعدكم دوووووووم

 

[( مي )]

احس الظروف اللي مريتي فيها ،، وضغوط زوجج
محتاج منج أكثر من مسج

المسج مقارنة بالفترة الطويلة اللي مريتوا فيها بالمشاكل ،، ماراح يكون له ذاك التأثير

يبيلكم قعده طويلة مع بعض تتكلمون وتتناقشون وتوصلون لحلول بكل شي معلق
او
تسافرون جم يوم ،، عالأقل فندق

تغيير المكان وايد يغير المزاج ،، غيروا مكانكم بالويك اند مثلا وتكلموا

أهم شي شوفيه شنو يبي ،، وانتي شنو تبين ،، أهله لا تييبين طاريهم الا اذا اهو اللي ياب طاريهم

خليج رسمية مع حمولتج ،، انا مريت بحالة كآبة بفترة من الفترات كثر ما تقربت منهم وما شفت منهم التقدير اللي اتمناه ،، صرت رسمية عالآخر

مثل ما اهم رسميين معاي ،، وهذا الأفضل عشان ما تحسين انج تعطينهم وايد بدون مردود منهم يريحج

 

[غنج اهلها]

الله يهدي مابينكم

ومدامج عارفة بس مجرد ضغط وتقدرين تحلين مشاكل بهالمسج

دزي وربي يصفي النفوس