شلون أخليه ينساه؟؟؟؟؟؟

[*شمعة وفا*]

السلام عليكم ورحمة الله وبركاته
بارك الله فيكم أخواتي
على عجالة من أمري أطرح استشارتي
علّني أن أجد عندكن الجواب

هناك مشكلة بيني وبين زوجي
وأنا عند أهلي لفترة قد تطول,,
ومشكلتي ابني ذو الثلاث سنين
دايم يذكر أباه ويسأل عنه,, وأبوه لم يسأل عنه ولو لمرة..
وكثرة ذكره لأبيه تحرق قلبي,, فكيف أجعله ينساه؟؟
بشرط ألا يسئ ذلك لصورة أبيه في عينه

بارك الله في الجميع​

 

[تـــاج الـــعز]

رد : شلون أخليه ينساه؟؟؟؟؟؟

سبحان الله حبيبتي الولد يحن ل ابوه
ابوه يمكن ما يبادله نفس الاهتمام
بس اذا تقدرين تواصلين مع ابوه عن طريق ابوج او اخوانج وتخلونه يشوف ولده
لان حرام وما يجوز وانتي لو حاولتي توصلين الولد بأبوه ربي بيسهل امورج لانج وصلتي رحم
ادري صعبه الامور عليج والله يعينج ويفرج ضيقتج
بس حاولي الولد صغير ومو زين عليه هالفراق
احنا كبار لو نفارق امهاتنا او اباءنا شنو يصير فينا ؟مجرد التفكير يذبحنا

ان شاء الله اكون عطيتج نصيحه او فدتج
واتمنى من الخوات يفيدونج اكثر

 

[ORKDI]

رد : شلون أخليه ينساه؟؟؟؟؟؟

ما ادري شنو اقول لج

بس الله يعينج

قولي له مسافر

والله يعينج

 

[ToOoTi]

لاحول ولا قوة الا بالله

صعبة تخلينه ينساه
وانا مع تاج العز شوفي اخوانج عشانه ولدج مو عشانه اهو

 

[^وجد قلبي^]

اشلون ينسى ابوه

 

[الغاليه ام احمد]

لا حول ولا قوه الا بالله

حاولي احد يودي الولد لابوه عشان يشوفه

 

[Tom ♥ Jerry]

رد : شلون أخليه ينساه؟؟؟؟؟؟

.


لا حول و لا قوة الا بالله العلي العظيمـ !
قولي حق ابوه ولدك يبيك و دآيم يسأل عنك اصلا ليش تبينه ينساه
هاذا ابوه و الظفر مآ يطلع من اللحم !
الي فهمته من كلآمج انج ليلحين مآ آنفصلتي عن ابوه
ليش تبينه ينساه .. .؟؟؟؟
الله يهديكمـ يارب و يهدي الكل و يسخرلج زوجج و يخليلج ولدج يارب !

 

[كنوشة 2009]

اكيد ما راح ينساه هذا ابوه ولازم انتي تحرصين انه ما ينسى ابوه
ومهما صار بينكم انت وابوه بس الولد م له دخل بالمشاكل بينكم

 

[كويتيه و اافتخر]

رد : شلون أخليه ينساه؟؟؟؟؟؟

قولي له مساافر

 

[نور مغليها]

رد : شلون أخليه ينساه؟؟؟؟؟؟

الله يهديج بدآل ما تخلينه يحب ابوه تبينه ينسااه !

 

[واحد على واحد]

رد : شلون أخليه ينساه؟؟؟؟؟؟

الاطفال هم الضحيه اناشاء الله تنحل المشاكل واذا ماشاف ابوه الايام تنسيه

 

[al3sooola]

خل يشوف ابوه كل فتره وفتره

 

[روحـــ تحبك ــي]

لاتحرمينه من ابوه ويخليه يشوفه
تذكري شلون كنتي محتاجه لابوج لمن كنتي بعمر ولدج
حاولي تجمعين ولدج بأبوه

 

[((نبض الغلا))]

رد : شلون أخليه ينساه؟؟؟؟؟؟


حـــاولي تخلين أحد يوصل لأبوه أن ولده مشتاق له >> يمكن ربي يحنن قلبه وتطغى فيه روح الابوة
صعبة تخلين الولد يبعد عن ابوه وينساه ,,, عسى الله يصلح حالكم ويكتب اللي فيه الخير يارب

 

[عثوله دبي]

قوليله مسـآفر ، حاولي تلهينه لاتخلينه يفكـر و يحن ويتذكــر ..
مع ان صعبه ينسـآه بس تقدرين تخلينه يتنـآسى ..

الله يحنن قلب ابوه عليه يارب ويفرح قلبج

 

[! هُوْ وِينِه !]

آلآبو مآ ينسى

 

[Tutti-Frutti]

رد : شلون أخليه ينساه؟؟؟؟؟؟



شلون تبينه ينساه هذا ابوه
وبعدين اذا بتقطعين بينه وبين ابوه حرام
اذا انتي ما تبين زوجج فـ هذا شي راجعلج وكيفج بس الولد ما يصير تحرمينه من ابوه ولا تقطعين صله الرحم اللي بينهم

 

[فتاة الإبتسامة]

رد : شلون أخليه ينساه؟؟؟؟؟؟

بالعكسسسس مفرووووووض تفرحين انه مانسى ابووه
لولا سمح الله اهو كان عند ابوه اكيييييد بيذكرك مابينساك

الله يصلح مابينكم انشالله

 

[ضماي هو وهناي]

انت اخطيتي اكيد بالتعبير
تبين الولد مايطري ابوه مو ينساه .........................صح
طيب انت تركتي ابوه للابد يعني لاسمح الله بتنفصلين عنه .......؟؟؟؟؟؟
ان شالله لا ..
لا يعني تعطين الولد فكره ان ابوه بالدوام كم يوم او مسافر وان شالله بيرد وبس انتهى ....
مو الولد اللي ودج ينسى ابوه الا امه ..... حبيبتي ليش ما تردون وتلمون شملكم .... يااختى مهما كانت المشكله والله حرام انت وحرام ولدج ..........
انا ماادري شنو طبيعه مشكلتكم بس دام الولد يحب ابوه لهالدرجه اكيد ابوه طيب قلبه واكيد اكيد تنصلح بينكم الاحوال ترا مافيها شي لو الوحده تقدم شويه تنازلات والله ربنا بيعوضها الخير كله .
رجعولي ورا وشوفوا امهاتنا شكثر تحملو من الاهل والحموله والتربيه والريال ..... والحين شوفوهم كل التقدير والمكانه بين عوايلهم ....ما تصعب الحياة الا مع الكافر واللي مايخاف ربه السكير المدمن وبس ترا باجي المشاكل بحيل الله تنحل ....
ربي يخليكم لبعض ويردكم لبعضكم ان شالله

 

[classicyah]

رد : شلون أخليه ينساه؟؟؟؟؟؟


مستحيل في يوم ينسى أبوه . . .

و انتي كوني أحسن عن زوجج ،

و بين فتره و فتره ، ودي الولد عند أبوه ،

،

و آلله يصلح من بينكم . . .