شلون أخلى زوجى يشتاق للطلعه معاى ؟

[أم أحمد كول]

شلونكم خواتى العزيزات ..ان شاء الله بخير .. بنات شلون أخلى زوجى يحب يطلع معى ؟؟ شلون أخليه اهو اللى يقولى قومى خلا نطلع ؟؟ انا لمن أطلع مع زوجى نظل ساكتين واذا تكلمت احس ان مواضيعى ما تجذبه .. طبعا انا ما اتكلم معاه عن الدوام نهائياااا لان اهو ما يحب وانا بعد ما احب .. ما قمت أحس بالوناسه لى طلعنا نتعشى بره .. بنات فيدونى شلون أجذب زوجى ؟؟ مع العلم ان من هوايات زوجى الرياضه و دايما بالياخور .. ناطرتكم ؟؟ لا تبخلون على حبايبى ..

 

[NoWay2know]

شاركيه باللي يحبه،، عشان يحس كله يبي يسولف وياج عن الاشياء اللي يحبها

 

[ام فطوووم]

كل ريال مواضيع الحريم بالنسبه له تافهه
حاولي تجذبينه بالكلام والسوالف اللي تعجبه مثل ها اشسويتو بالياخور او شنو صار على مباراة اليوم
او اي سؤال اتخلينه يتحرك ويتكلم
وحاولي هم اتصارحينه بلي اتحسين فيه
يمكن اهو مومنتبه على نفسه
خليه ايحس انج لمن اتبطلين موضوع اهو ايحبه موعشانه
لاخليج جنه الموضوع هامج انتي بعد
والله يهدي ارياييلنا علينا

 

[waevi]

الصراحة أنا أعاني من نفس الشي من فترة ما قام يحب يطلع كل ما قلتله خل نطلع قالي مالي خلق مشغول و أتم شوي ألقاه طالع بيتعشى مع رفيجه و صارحته أن هل شي مضايقني أخذها على غشمرة و قالي الله يعينج .
أنا أعرف شلون أتحاور معاه أبيكم بس تساعدوني إني شلون أحاول أجذبه للطلعة معاي بدال ربعه

 

[أم أحمد كول]

شاركيه باللي يحبه،، عشان يحس كله يبي يسولف وياج عن الاشياء اللي يحبها

مشكورره حبيبتى .. مع انى ما احب اسولف معاه عن الرياضه والمباراة بس راح اسويها واسولف وياه

 

[أم أحمد كول]

كل ريال مواضيع الحريم بالنسبه له تافهه
حاولي تجذبينه بالكلام والسوالف اللي تعجبه مثل ها اشسويتو بالياخور او شنو صار على مباراة اليوم
او اي سؤال اتخلينه يتحرك ويتكلم
وحاولي هم اتصارحينه بلي اتحسين فيه
يمكن اهو مومنتبه على نفسه
خليه ايحس انج لمن اتبطلين موضوع اهو ايحبه موعشانه
لاخليج جنه الموضوع هامج انتي بعد
والله يهدي ارياييلنا علينا

مره سولفت معاه عن المباراة اهو استانس وانا من داخلى حسيت بملل

 

[ريمه الكويت]

هالايام اغلب الرياييل جذي وناستهم بالطلعه مع ربعهم غشمره وظحك ومع حريمهم جنه تاديه واجب لااكثر ولا اقل شوفي البحر كله زلمات طالعين مع اهلهم عوايل يشوون ويلعبون وان شفتي كويتيات كله مع خواتها ولا رفيجاتها

 

[مرت ريلي]

أكره مناظر أشوفها :

1- اللي يمشي ومرته ماشية وراه جنها جاريته.
2- اللي يتناجرون ريال ومرته جدام العالم فشلة.
3- اللي يزف عياله جدام الناس ويحرجهم حرام.
4- اللي متزوجين وطالعين وقاعدين كل واحد ماد
البوز شبرين أو مبلمين وما يسولفون مع بعض.

 

[أم أحمد كول]

هالايام اغلب الرياييل جذي وناستهم بالطلعه مع ربعهم غشمره وظحك ومع حريمهم جنه تاديه واجب لااكثر ولا اقل شوفي البحر كله زلمات طالعين مع اهلهم عوايل يشوون ويلعبون وان شفتي كويتيات كله مع خواتها ولا رفيجاتها

اى والله كلامج عدل .. شوفى المصريين شلون يدلعون حريمهم والله مره شفت بعينى مصرى مع زوجته فى سنتر بوينت زعلت منه ما ادرى على شنو امبيييييييه تعالى شوفى شلون يدلعها ويساحلها جدام الناس عشان بس ترضى .. ما ادرى ليش ريايلنا جذى جامدين

 

[NoWay2know]

مشكورره حبيبتى .. مع انى ما احب اسولف معاه عن الرياضه والمباراة بس راح اسويها واسولف وياه

مو شنو تسوين، لازم تتحملين عشان تمشين حياتج وتسوين اللي تبينه وبعدين شوي شوي يتغير

 

[bint ilq8]

هلاا والله حبيبتي ام احمد سولفي معاه عن الياخور او الأشياء اللي يحب يسويها او حسسيه انج مهتمة بكلامه مو بس سؤال او تسكتين كملي قولي له قولي قصه او حدث صارلك هناك او كله سولفي بالأشياء اللي تجذبه ضحكي او تغشمري او سويله جو ضحك او سوالف بالطلعة رااح يستانس او اهوا اللي راح ايي بنفسه يطلب منج الطلعة او اذا صارت قوليله ها اليوم راح نسولف عن شنو الياخور ولا النادي مثلا او ابتسمي راح يستانس صدقيني هههههههههه او انشالله افدتج بمعلوماتي

 

[شموخ العجمية]

اي والله حتي انا بعد نفس مشكلة معارف مواضيع الي تناسبه

 

[sereen]

والله شوفوا يابنات انا زوجى كان لايمكن يطلع بعد مايرجع من مكتبه يعنى الساعه 9 بالليل خلاص عشى ويطالع التلفزيون وينام انا عكسه مايحلى السهر الا افتر اشوى على البحر او مركز سلطان يحلواااابالليل وبدون العيال ......

اللى صار مرة على مرة كله عيزان بس اذا وصل البيت البس واكون جاهزة الظاهر اكسر خاطرة عاد تونى راجعه من براااااا

حتى عشا مافى برا البيت عشان اووونس والله ومن يومها يابنات انا اللى ابتلشت حتى يوم عندى امتحان صار يتصل ها ماتبين نطلع بس بدووون العيال والله ونطلع ومرات نستخف يعلى على حس المسجل ويشخط على البحر والدرايش مبطله

بصراحه اعتقد ان شخصية الرجل تلعب دوووور اذا اهو زوجج عندا ربع مكفيناااااااا من سهر وطلعات طبيعى يمل بقول وين اروووح القعدة فى البيت معاج اونس

عسى الله يسخر لكم ريااااايلكم بالخير يارب

 

[TeAcHeR_BeZaRiN]

تبين اتحبين سوالف زوجج شاركية فيها يعني قعدي تابعي مباراة وياه وسويله جو

يعني جهزي العصاير والنفيش والساندوش وانتي نطري المبارة على نار وقعدي كل شوي تحرشي فيه وضحكي او مسحي على شعرة ... وقتها خلج كاشخة ومتعطرة

تالي اذا طلعتو مع بعض سولفو عن المباريات وعن اداء اللاعبين وخليه يعلمج قوانين المباريات وتدرجي معاها

وإذا اهو يحب اليواخير اجري ياخور مفاجئة حقة ويكون الياخور حلو ومرتب وجهزي الاغراض (( ملابسة _ اغراض الشوي_ كرة وجنجفة.... ))

قظو احلى يوم

 

[@Miss Dio@]

صار لي 10 سنين اذا عرفتي قولي لي

 

[ام فطوووم]

موشرط انج تستانسين بالموضوع اللي قاعده اتحجين عنه
شوفي انتي قلتي بلسانج انه استانس
انتي المهم عندج ان ايحب القعده معاج وانه يطلع معاج
انتي مومشكلتج نفسج
صدقيني والله انه ريلي كان ايغثني بالمباريات
بس من بعدها اتعودت وقمت انه اشاركه واعصب معاه
فحس ان هالشي موتمثيل مني
لا مشاركه جاده
لازم ايحس ان في وقت ممكن اتصيريله الصديقه والحبيبه والزوجه
عشان لاتملون من بعض وان مايكون في سوالف

 

[جوك احلى جو]

اقري بتلفونج اذا في مسجات نكت وجذي ههههههههه

 

[قوية الباس]

حاولي تشوفين شنو إهتماماته وتكيفين نفسج عليه .. يعني مباريات ورياضة وايد أبرك من قنوات وشات وقز بالمجمعات صح والا لأ؟؟؟؟؟؟؟؟؟؟؟؟؟
الله يوفقج ويهديه لج

 

[ابلة رسم كتكوته]

شاركيه باللي يحبه،، عشان يحس كله يبي يسولف وياج عن الاشياء اللي يحبها

الحال من بعضه:krkrkr:
جنه طرمان
ناكل ونرد

 

[زينة2008]

مرت ريلي صاجه كل مانطلع ماكو سوالف كل واحد ماد البوز حتي أنا أتلوع جبدي مادري شنو أسوي وأنا ريلي ماعنده هوايات ولا اهتمامات شنو أسوي