شلون ؟؟!!

[يارب توفيقك#]

سلام
بنات انا وايد تعبانه من التفكييييير والضيقه
بنات انا ماني متزوجه او مخطووبه بس كارهه فكرة الزواج وكل ما انخطب اخااف واظل
افكر واذا ماصار نصيب من هالخطبه ارتااح علشان ما صار نصيب؟!
راح تسسسسسسسسالون ليش؟؟
اعرف راح تقول كله خرافات بس وربي خااايفه
بنات انا و3 من بنات عمي .. كنا قاعدييين بالصالون
ويت وحدا هنديه قرت كف بنت عمي !!
عاد كلنا رحنا لها علشان تقرا كفنا ........
المهم قسسسم قالت كلام لبنات عمي كل كلامها طلع صصصصصصح صج لازم ما نصدقها
بس كل شي قالته صاااااار بالحرف الوااااااااااحد وهذا الي مخرعني

وانا الحييييين خاايفه من كلامها
قالت لي انتي اذا تزوجتي فترا صغيرا شهر شهرين يموت زوجج
وانا خاااايفه صج كل هذا خرافات وكونا مسلمين ما نصدقها بس من اشوف
الي صار مع بنات عمي اخااااااااااااااااااااف واقول يمكن يطلع حجيها صح
اكره الزواج اقول اظل ب بيت ابووي ابرك
تكفوووووووون بنات ادري تفكيري خطططططططططا بس اظل دووووووم خاايفه

​

 

[Tom ♥ Jerry]

,


الدعاء يغير القضاء و القدر حبيبتي ..
توكلي على الله و تزوجي اذا يالج شاب زين ؛*
و آدعي على طول آنه الله يحفظه لج
و كل شي بايد رب العالمين

 

[شـوق@]

واايد تفكرين وتوسوسين هذا الشيطان يلعب بعقلج ويسوس لج

تعوي من ابليس وكثرررري دعاااء واللي كاتبه ربي بيصيرر

الله يوفقج ويسهل طريقج

 

[غصون ق]

الله يكون معاج

 

[في غيبتك راحه]

بالضبط نفس اللي صار ويا بنت خالتي قالتلهم شغالتهم انتوا زواج بس مافي حمل! تزوجت وحده منهم والله ماكتب لها تحمل ! والثانيه تخرعت نفس قصتج وهذه اهيا صجه ولوويه ويا عيالها الله يحفظهم لها وانا حطت ايدها ع بطني ق قبل اشوف السونار قالت انتي حامل ولد بس بعدين موت تقصد اثناء الولاده هذا اهو بسم الله عليه شهر وبيكمل سنه وهذه كلها اقدار من رب العباد مو يعني تنبات وطلع صحيح خلاص ثبتي ان قدركم واحد

 

[(حكاية قلب )]

لآ اله الا الله
ليش بالاساس تخلونها تقراء لكم ؟؟؟!!!!
الله سبحانة هو يغير اقدار البشر ادعي ربج حبيبتي وتوكلي وتزوجي

 

[لمى الهاجري]

كذب المنجمون ولو صدقوا وترا قراءة الكف حرام وفيه شرك بالله حتى قراءة الفنجان المهم استغفري وادعي

 

[Patcholli]

تأليف واتوقع حتى الاشياء اللي قالتها لكم تشيير و صدفه

 

[المرتاحة]

حبيبتي انتي تصدقينها ولا تصدقين الرسول عليه الصلاة والسلام

قال بما معناه " كذب المنجمون ولو صدقوا" يعني خليج مقتنعه ان كل الكلام اللي قالته تشيير و تخمين و صادف انه طلع تخمينها موافق لمواقفكم يعني أهي كل اللي قالته مو صج أهي شايفته


انتي تعوذي من الشيطان و انسي كلامها ترا اللي يصدق العرافين يؤثم


و صلي و ادعي و خليج خالصه في دعائج و الله يوفقج

 

[ام زوغه]

كل شئ بيد ربج مفروووض ما تسمعينهااا

وربي يستر عليج ويوفقج

 

[english muffin]

مع البنات

ووووو
لاااايرد القضاء الا الدعااااء

 

[#laloo]

حبيبتي ليش من الاساس تخلونها تقرا لكم وبعدين كل كلامها تخمينات من عندها وانتم قمتو تفكرون فيه وايد
وتحللونه لين بدون احساس نسبتوه لها
تعوذي من ابليس ولتقدم لج واحد وافقي وداومي على ذكر ربج وادعيه
لا يرد القضاء الا الدعاء وخلي ايمانج بالله قولي
من جم سنه وحده قرت لاخت رفيجتي وقالت لها ان مابتتزوجين كلش وبينقطع رزقج
وماشاء الله تبارك الرحمن الحين متزوجه وعندها عيال وباحسن وظيفه
لانها توكلت على الله وقطت كل كلامها وراء ظهرها

 

[دلال و غلا]

الله يهديج قراءة الكف و الفنجال و سوالف الشعوذه اول شي شرك بالله و ثاني شي ما تقبل صلاتج ٤٠ يوم

ليش سمحتي لنفسج تصدق هالكلام و ليش من الاساس خليتيها تقرا كفج

الله يهديج

 

[منيرة خالد]

هذا الشيطان متمكن منج ، كل ما ياج خاطب ذكرج بكلام الكف ويخليج تؤمنين فيه وهذا يعتبر شرك والعياذ بالله


اكثري من الاستغفار واتركي عنج خرابيط الكف والفنجان وآمني بالله الواحد الاحد ولا تشركين معاه الكف


والله يوفقج

 

[جذابه بنت ذيابه]

حبيبتي مو كل شي يقولونه لازم نصدقه !


نصيحه استخيري و دايم ادعي وماعليج من احد والله يوفقج

 

[VET-Nour]

استغفر الله

عاد بنت خالتي قبل كانت جايبه وحده و قرت قلاصها و تقولها بتتزوجين واحد اسمه جذييه و صج الحين اهيا مالجه و زوجها مثل ما قالت اسمه /:


عموماً انتي لا تصدقين هالسوالف " كذب المنجمون ولو صدقوا " , توكلي ع الله و لي جا واحد زين وافقي
و الله يرزقج بالزوج الصالح

 

[هناء - Hana]

قلتيها هندية يعني شنو مسيحيه..مو كل شيء تقوله من هالخرافات جذبxجذب..
وتزوجي والله الي بيده يسويه توكلي على الله الله يوفقج؛*

 

[وش تبي]

والله كلام فاااضي ينقال وانتم تصدقونهم وحراااااااااااااام هذا شراك بالله
لاتصدقين كله كلام وخرابيط مافي احد يدري شيبيصير بالمستقبل غير الله سبحانه لاتخلين وحده نصابه تخرب حياتج وكل الي صار مع بنات عمج صدفه والله يعلم توكلي ع ربج وتزوحي قبل لايطوفج القطار وتندمين ^_^
استغفري ربج هذا كله شرك بالله قومي صلي واستخيري وتوكلي ع الله

 

[يارب توفيقك#]

مشكورين بنات
الله يعطييييييكم العاااااااااااافيه
صج ريحتوا باااااااالي
​

 

[دلوعة أبوهآ]

سبحآن آلله ..
آلله مآحرّم شي إلا لحكمه هو يعلم فيهآ !!


ماراح نتكلم عن الغلط اللي سويتوه
بس مدري شقولك ..
الخوف والقلق اللي انتي فيه شي طبيعي من الكلام اللي صار ..

كلآمك يناقض بعضه
انتي تقولي المفروض مانصدقهآ بس انتي صدقتيها بدليل اثبات كلامك ع اللي صار لبنات عمك
وبدليل خوفك من آلزواج ..@


اذا مو مصدقتهآ ف آنسي الكلام اللي قالته
وتوكلي ع الله وتزوجي
وادعيه انه يغفر لك ع اللي سويتيه ويرزقك السعاده مع زوجك

,