شلونكم مع دوام اول يوم لأولى ابتدائي؟؟

[الملالة]

:

0bee2e8d89:السلام عليكم​

بنات شلونكم مع عيالكم اللي داومو اليوم بأولى ابتدائي؟؟
أنا عن نفسي ما نمت امس طول الليل احاتيه ..شلون بياكل .. شلون بيروح الحمام عزكم الله
وما قدرت اروح معاه المدرسة الصبح خليت ابوه يوديه أخاف يكسر خاطري وأرد فيه البيت:dddds:
انتو شسويتو مع عيالكم وشلون كانت ردود أفعالهم؟ ابي أسمع رايكم؟؟

 

[b.m.f.j]

وعليكم السلام
وااااي ضاق خلقي اليوم الله يسامحها الناظره ماخلتنا ندخل مع عيالنا
انتو شلون مدرستكم دخلتوا مع عيالكم؟

 

[الملالة]

أنا ابوه اللي راح معاه وما خلوهم يدخلون استلموهم المدرسات عند الباب.. بس في مدارس دخلو أولياء الامور مع اعيالهم يعني على حسب الناظرة

 

[الريماوي]

فديته حبيبي اللهم بارك حده متحمس وسولهم استقبال وحفله وشخصيات تنكريه وخدع بصريه العاب وهدايه جزاهم الله الف خير

 

[b.m.f.j]

ماشالله خوش مدرسه الظاهر احنا عيالنا كلوها من اول يوم شدعوه عليهم سالت الاخصائية تقول مايصير تجمعات
واليوم مسوين اجتماع تنويري حق انفلونزا الخنازير شوفي التناقض توكم تقولون ماتبون اختلاط اي شي بصراحه موكل يوم عيالنا يدخلون الابتدائي

 

[om-shaheeno]

انا عنن نفسي اليوم ولدي ماداوام..لاني امسويتله عمليه
انشالله انشالله يوم الثلاثاء بخليه يداوم...بس ريلي راح استلم الكتب اليوم ودرسته اشويه (ادري شاده حيلي)..
كتاب العربي الوحيد اللي ما عطوه اياه....
الله يوففق اعيالكم جميعا .....ويوفق رووحي وقلبي شوني

 

[anona79]

لا والله عادي انا اليوم قعدت مع بنتي ساعة تقريبا وكان في مسايقات في الصف مع الأمهات ووزعوا عليهم هدايا
بس وبعدين رحت عنها والساعة 1 خذيتها

 

[dob106]

بداية المدرسة حلوة حفلة وتوزيع الهدايا وتشجيع وبعدين عطوهم الكتب وراحوا الصف و طبعا عيال المدرسات المنطقة سبشل دخلوا مع عيالهم وعيالنا لهم اللة

 

[@ الرسامة @]

انا بعد من امس وانا احاتي وما نمت

حاطين شخصيتين يم الباب اتحسين انهم ملبسين الفراشات
اول ما قربت صوبهم جان تقولي ازلونج ماما ؟؟؟؟؟؟؟؟

هههههههههههههههههههههههههههههههههه


لا والصوت هندي بعد

المهم دخلونا المسرح علشان يجيكون على الاسامي

وبعدين اطردونا
حتى ما خلونا ندخل مع عيالنا
وقالولنا الطلعة 1 ونص الا خمس ؟؟؟؟؟؟

ولما يينا على الموعد كشتو فينا وما طلعو عيالنا




وااااااااااااااي قهر



اي استعداد اي بلوط !!!!!!!!!!!!!!!!!!

 

[أم عبووووود]

ان شالله ربي يبلغكم فيهم ان شالله وتشوفونهم بالجامعه يارب :eh_s(6):

ربي يوفق عيالي وعيالكم ان شالله

 

[الريماوي]

اميييييييييييييين يالغاليه

 

[بوران]

انا اليوم اول يوم اوديه

مسوين مسابقات و يايبين شخصيات و عطوهم هدايا اول ما يدشون المدرسة بس بعدين ما رضوا نروح معاهم الصف وولدي بعد عمري يوم

قلتله قوم روح صفك معاهم قالي تعالي معاي قلتله ما يصير عاد بعدين استسلم و قام يسحب روحه تسحب و كل شوي يلتفت علي وااااي حبيبي

وايييد احاتي اخاف الصبيان يطقونه لانه ولدي خواف

بس شوي تتطمنت لما قالوا انه فرصة اولى و ثانية بروح

و قالوا راح ينهدون الساعة 1 بشوف وقتها راي ولدي و شسوا

الله يحفظ عيالكم و عيالنا و يبلغنا فيهم معاريس و داشين الجامعة و ماسكين احسن الوظايف قولوا آمين

 

[الملالة]

​

آآآآآآآآآآآآآآآآآآآمين يارب العالمين

 

[كلى امل]

فديته حبيب قلبي اول يوم سوو لهم حفله ووزعو عليهم هدايا عند الباب وقعدت معاه تقريبا لي الساعه 9 لي اهنيه كل شى اوكى بس لما اخذوهم لصفوفهم اشتغلنا انا وياه بجي اهو يبجى وانا ارد عليه واقنعته يالله بعد الموت راح الصف سكت اهو وانا اشتغلت بجى وساعه قاعده بالسياره اقول يمكن يطلع00 يمكن اقولون اخذوهم 00وبعدين ياست ورديت البيت وكملو الدوام لى وحده وخمس ورد مستانس بالكتب
بس الصدمه انه ما كو اي تجهيزات من اللي يقولون عليها حتى كلينكس ماكو وكراسى الصف اليوم دشيت معاه الصف تفشل ومو مريح تقولون ما كلتها فيران مكسره حتى تجرحهم 00مالت عليهم والصف يغمت يجيب المرض للصاحى​

 

[حلوة الروح]

واي حبيبي ولدي يوم وديته صفه وقعدته قتله بلا باي انا بروح بعدين اييك قام يخزني ان لا تروحين وتخليني
وانا وقفت يم باب الصف كاسر خاطري واطالعه



صار فلم هندي
ههههههههههههههههههههههههه
يلا الله يوفقة

 

[<<لمار>>]

انا ولدى كان خايف شوى بس لما رحنا المدرسة ولامزينينها بالونات ويايبيلهم شخصيات وهدايا فستانس بس موعارف انة لازم ينتبة ويسمع الابلة ماخذها لعب

 

[رفرف]

امهااات لا تسوون جذي جدام اليهال ترا يبجوووون ..
احسن انكم ما تدخلون معاهم ماله داعي .. خلوهم يعتمدون على نفسهم ..

انا مدرسة .. ترا اليهال يسوون شوووو جدام اهلهم (وأولهم بناتي يعني حالي من حالكم) وبجي وصراخ ويتعلقون فيها وينسدحون بالقاع .. بس من يمشون اهلهم يسكتون .. ناااادر اللي تظل تبجي .. نااااادر .. يعني بالمدرسة كلها حالتين 3 ..
ويبجون بس بين الحصص مع تبديل المدرسات لي قعدو بروحهم .. ومن اتييهم مدرسة يديدة يأمنون شوي ..
ونلممهم وندلعهم لا تحاتووون ..

انشالله ماكو الا العافية وعيالكم مستانسين ويلعبون ويضحكون مو مادين البوز طول اليوم .. (وكل شوي يسألون ابله بقى جم حصة ونرد البيت هههه )

 

[b.m.f.j]

انزين بنات يعني عيالنا على طول السنه راح يطلعون 1 ولا بس اول اسبوع؟
انا ماسالت المدرسه احد فيكم سال

 

[om_zezo]

بنتي داومت من اول يوم ودخلت معاها شفت اسمها وصلتها الصف وقعدتها والوضع اوكي بس انا وايد احاتيها لوعت جبدها بالتوصيات لاتروحين ولا تاخذين شي من احد وتكرمون الحمام دشي بروحج اخاف عليها بس لازم تتعلم تعتمد على نفسها ولم طلعت جان ادق على امي ابجي اقول لها مايصير تدرس منازل راهيه ولا اييب لها خدامتها ادير بالها عليها ويطلعونها 1وعشر والله يخليهم ويحفظهم لنا وعسى الله يعين الامهات على المنهج اليديد وسلامتكم

 

[3afifa]

واي ياكرهم صارلي اسبوع يقولون يطلعونهم 1 و عشر وبعدين مايطلعونهم من لصفوف إلا 1 و 18 دقيقه بالله اشبقى عالثلث !