شلت اغراضي وتطلقت

[دموع ألماس]

نصيحه قالوها لي الناس بس ماطبقتها
قالوا اان تهاوشتي مع زوجج لاتشيلين اغراضج وتروحين بيت اهلج
لان هالشي بيوصل للطلاق ولايمكن يحل المشكله
بس ماسمعت النصيحه
زةجي عصبي واقشر وااكثر من مره نتهاوش
وكل ماتهاوشت ركبت سيارتي وشلت اغراضي ورحت بيت اهلي
حسبالي ان هالطريقه والبعد يخلي الرجال يطخ وينفذ الي ابي.
مادريت ان اي رجال ماتنفع معاه هالطريقه الي تزيد من عتاد الرجال
طبعا قعدت عند اهلي فتره وكانت المشكله تافهه بس هو الي خلاها مشكله بعصبيتها
رفضت ارجع الا لما يتسامح مني ويرجعني بنفسه
وهو طبعا رفض قال مثل ماطلغتي بنفسج ترجعين بنفسج
وفي الاخر لما طولت ومارجعت لقيته ارسل زرقة الطلاق لبيتنا
طبعا صدمه قويه
وما اهتميت بالطلاق في البدايه لان كنت كارهه زوحي
لاشكل لا شخصيه وبخيييل
وبعد مرور فتره زاد الاكتئاب فيني ومدري شنو الي خلاني احس بكل هالحزن والضيقه مع ان الحريه في بست اهلي وطلعات مع رفيحاتي على العكس من بيت زوجي مايخليني اطلع الا بمزاحه
اكتشفت اني كنت احس براحه لما كنت متزوجه
وقلت لتفسي انا شنو ابي من الزوح
كلهم حقيرين وبخل و البنت هالزمن هي الي تشيل نفسها وتدفع كل شي سايق سياره خدامه
قلت انا ما ابي منه الا العيال واسمي متزوجه وعندي شقه
واقتنغت بالهالفكره
فعلا الرجاجيل هالزمن ذكور وليس رجال
وبعد محاولات من اهلي واعله وافق انه يرجعني
وكان سعيد اني رجعت ؟؟وقال انه يحبني وو
مع اني ما احبه .شلون احب واحد بخييل ولا يطلع معاي ولا يهتم فيني ولايصرف وكله يغطي اوامر ولازم انفذ ولا اذلفي بيت اهلج

المهم رجعت لزوجي وعاد لي احساس الراحه
لكن عادت المشاكل وكل ماتهاوشنا تذكرت النصيحه
وماشلت اغراضي
كان يرجع للشقه ويستغرب اني قاعده
بس الي يقهر انه هو الي يقول لي ياللله يالله شيلي اغراضج ومابي اشوفج لانه معصب
ومايبي يشوفني
قلت له شوف انا تعبت. كل ماتهاوشنا شلتت اغراضي .مو حاسه باستقرار.واهلي ما ابي اضايقهم بمشاكلي معاك.واحنا كبار نحل مشاكبنا .وكنت اقعد على قلبه والله
وقلت له انت ماتبي بكيفك انزل لاهلك تحت ونام بالديوانيع ان كنت ماتبي تشوفني
وطبعا كان ينزل وينام تحت وما يصعد الا علشان ياخذ ملابسه ويبدل
ويستمر على هالحاله اسبوع اسبوعين ومرات شهر
لان قلبه اسود وحقود مع ان المشكله ماتسوا
وكنت لما يصعد البس واكشخ بس ما اكلمه
للن
اخليه يموت حره
وبعدها يطخ ويرد يكلمتي
طبعا انا االي ابدا اكلمه بس بعد مرور اسبوع علشان يكون هدا
وطول عالاسبوع استغفار وسورة البقره
والحمدلله انرجع لبعض
صدقوني يا بنات احنا الي خسرانين بالطلاق لازوج ولا بيت ولاعيال
ولاراحه.
شنو نبي من الرجاجيل الا العيال والبيت
ولا الرجاجسل مافيه ماعليهم حسوفه
اصلا اغلبنا ماتشوف زوجها الا اخر اللليل
يكون طالع للديوانيه وما يجوت الا اخر الليل
وهذا حال اغلب الحريم
يعني مانشوفهم ونرتاح من مشاكلهم

 

[دموع ألماس]

ما اقول الا حسبي الله على الرجاجيل الي يذلون بالطلاق
مافيه تفاهم اما تنفذين الي اقوله ولا تروحين بيت اهلج

مايدري انه باسلوبه هذا خسر شريكه عمره
تستمر معاه انسانه بالجسد فقط
اما الروح لا
تعامله بما يرضي الله
لكن خسر شريكه عمره الي لو اهتم فيها وعاملها باحترام
تغامله باهتمام اكثر واكثر
مايفكر باجر ان كبر بالعمر منو بيهتم فيه وبصحته
بس للاسف انا عن نفسي راح اهتم فيه بنايرضي الله لكن ماراح اعطيه اهتمامي الحقيقي
بمعاملته وتهديده المستمر بالطلاق حرمني من شعور الامان وحسسني اني مجرد قطعه اثاثا يبدلها باي وقت
الي يقهرني بالرجاجيل انهم يبون كل شي من الزوجه مقابل ولا شي
لازم يتعلم انه حتى ياخذ لازم يعطي
تدرون اني ادقع السفر من حسابي والكل حاسدني اسافر من دوله للثانيه ومايدرون انع من فلوسي
ومن داخلي احتقرررر زوجي

حتى مرات اقول لنفسي اعتبريه جنطه سفر من جناطج
على فكره مو اناىبس هذي حالتي
هذي حالات الكثير من بنات الكويت

 

[كاملة الدسم]

الله يكملج بعقلج الصبر زين والله يهديلج ريلج

 

[الجادل الخشف]

الله يعطيج الصبر ويزيدج تحملي ومالج الا الجنه دام عندج عيالادعيله بالهدايه دايم بصلاتج وبقيامج

 

[قطرية كشخة]

مو بس الازواج عصبيين ويذلون حتى الاخوان انا اخوي نفس زوجج عصبي ويهاوش ويعصب وطقني صج لين قلتي هالزمن الرجال ذكر مو رجل

 

[اهذريبك~]

الله يكلمج بعقلج و على قولة احد الاستشاريين الرجال بهالزمن ليسو رجال و لكن زوجج الحقيقي هو ولدج اللي بتربينه و يعيش معاج طول العمر و تشوفين ثمرة تعبج فيه
اما الرجل اعتبريه الة للانجاب فقط لاغير

 

[-فلانة-]

مو بروحج تعيشين هالحالة، أغلب المتزوجات هذا حالهم مع الأسف، مادري شنو اللي تغير، مادري وين الرجال اللي كنا نسمع عنهم و عن شهامتهم؟ شنو صاير بالدنيا و ليش صارت المرأة رجل و الرجل امرأة؟ مرت علي قصص تشيب الراس، والحمدلله تعلمت من يوم اني بنت اني أعيش حق نفسي و راحتي و أشيل نفسي بنفسي و كنت دايما أقول لنفسي اذا في خاطرج شي سويه ولا تنطرين الزوج يتعطف عليج و يسويه لج، و فعلا مثل ما قلتي الأغلبية الحين خصوصا البنات المتعلمات يقولون الزوج وسيلة للإنجاب لا أكثر، أصلا أعرف بنات جمال و أخلاق و شهادة و وظيفة رافضين الزواج، منهم ثنتين أعرفهم متبنين أطفال من دار الأيتام و عايشين حياتهم طول بعرض بما يرضي الله، سيارتها عندها و راتبها بإيدها و طلعات و وناسة و سفر و طفل مالي عليها حياتها و يناديها ماما، للأسف الذكور وصلوا نفسهم لي مرحلة صار وجودهم و عدمه واحد..عسى الله يرزقنا الإكتفاء الذاتي و لا يحوجنا لأحد يارب.

 

[مزيونة الخبر]

انا ميته على الزواج ليش اني أحس بالوحدة ابي استقرار وعيال وابية يشبعني عاطفيا وحتى جنسيا سوري على كلمه بس هذا الصدق صرت أكثر من 28 بس لما اسمع كلامكم تتغير نظرتي بس هاذي سنه الحياه ولازم الواحد يطوف

 

[ملح الكون]

شيلي قشج روحي لاهلج !!!
عفوا حبيبتي بس شهالراحه دام بخييل وماتحبينه ومايهتم ولا يطلع معاج !! لا والله اشتري راحتي ووناستي موكل ماصار شي البيت كله انكم متهاوشين وخامد بالديوانيه ..وغاثني وويتامر بعد .. الله يعينج ويصبر قلبج ويسخره لج مكانج مااتحمل ولا اقعد عنده والطلاق مونهاية الدنيااا ..

 

[الله يجازيك]

اصبري فان الله مع الصابرين
يمكن يرد لج ويتسنع وتكون حياتكم احسن من قلب بس بقولج شي ﻻتنطرين من الرجال شي
غير العيال وشيلي نفسج بنفسج وهو عليه واجب ﻻزم يسويه
واستمري ع قيام اللي وسورت البقره
وربي اساليني وش صار معاي يوم استمريت عليها حسيت براححه مو طبيعيه
وربي كل شي ابيه صار مع اني مطلقه بس ماحسيت باحساس اللاكتائب والعزله الا اول ايام طلاقي
ويوم استمريت الصلاه والاستغفار راحت الضيقه
المهههههم

انتي سوي اللي يرضي ربج مع هاالادمي وربي ييسر امورج
ان شاءالله

 

[sharshora80]

حبيبتي الله يهدي سركم بس نظريتج عن الزواج اسمحيلي جدا غلط

شنو انتي ماتبين من الزواج غير شقه ويهال واسم متزوجة؟؟؟؟؟؟؟؟؟
شنو هذا التفكير اسمحيلي اقولج عقلج مومال الحين مال ايام بس يابحر انتي انسانه ولج مشاعر واحاسيس تبين واحد يحتويج ويقدرج ويحترمج هذا الحين مابينكم شيء قال هاينه عليه العشرة اشلون بعد اليهال اللي بتييبينهم ؟!

راح تتطلقين والله ليش ﻻنج كنتي تبين بس عيال وشقه واسم ماتفكرين مسؤوليه اليهال باجر راح تشيلينها انتي بروحج وراح تلوع جبدج وتتطلقين

منو قالج اغلب المتزوجات جذي ﻻياماما المتزوجه اللي هي تبي حياتها تكون جذي بس هي اللي عايشه جذي بنات الحين ماشاء الله هم يقعدونا احنا ويعلمونه السوالف واشلون تفر الريال

موبالهواش وﻻ بالزعل تنحل المشاكل حبيبتي المشكله فيج انتي شوفي طبايعج وشوفي اسلوبج وغيري فيه انتي بروحج تقولين على اشياء تافهه ازعل واروح بيت اهلي والحين لما تقعدين تتناجرين معها وتقوليله مشاكلنا محد يتحملها واهلي مالهم شغل
عيل غيري روحج تحكمي بلسانج وباسلوبج هو عصبي انتي خلج دلوعه واسحبي عصبيته كلمة دايما امي تقولها الريال يبي ريج نظيف وفراش نظيف ويصير خوش واحد

ومن الحين ﻻتعودينه ان كل شيء عليج خليه يشاركج وقولي ما اعرف صيري غبيه اشفيها عادي ولما يزعل منج وياخذ اغراضه وينام تحت واي يالفشيله اقفي ورا الباب وتدلعي عليه وﻻتخلينه ينزل ينام تحت عادي ترى كلنا نراضي رياييلنا ماكوكرامه بين المرا وريلها ولما ينزل طرشي له كلام حب حتى لو زعلانه لما يصعد تدلعي عليه وتغلي بدلع ﻻتكونين ناشفه بالتعامل معاه بزعلين من كلامي براحتج بس هذا كله لمصلحتج علشان باجر ﻻتتندمين وتمسكنين اليهال معاج

 

[sharshora80]

حبيبتي الله يهدي سركم بس نظريتج عن الزواج اسمحيلي جدا غلط

شنو انتي ماتبين من الزواج غير شقه ويهال واسم متزوجة؟؟؟؟؟؟؟؟؟
شنو هذا التفكير اسمحيلي اقولج عقلج مومال الحين مال ايام بس يابحر انتي انسانه ولج مشاعر واحاسيس تبين واحد يحتويج ويقدرج ويحترمج هذا الحين مابينكم شيء قال هاينه عليه العشرة اشلون بعد اليهال اللي بتييبينهم ؟!

راح تتطلقين والله ليش ﻻنج كنتي تبين بس عيال وشقه واسم ماتفكرين مسؤوليه اليهال باجر راح تشيلينها انتي بروحج وراح تلوع جبدج وتتطلقين

منو قالج اغلب المتزوجات جذي ﻻياماما المتزوجه اللي هي تبي حياتها تكون جذي بس هي اللي عايشه جذي بنات الحين ماشاء الله هم يقعدونا احنا ويعلمونه السوالف واشلون تفر الريال

موبالهواش وﻻ بالزعل تنحل المشاكل حبيبتي المشكله فيج انتي شوفي طبايعج وشوفي اسلوبج وغيري فيه انتي بروحج تقولين على اشياء تافهه ازعل واروح بيت اهلي والحين لما تقعدين تتناجرين معها وتقوليله مشاكلنا محد يتحملها واهلي مالهم شغل
عيل غيري روحج تحكمي بلسانج وباسلوبج هو عصبي انتي خلج دلوعه واسحبي عصبيته كلمة دايما امي تقولها الريال يبي ريج نظيف وفراش نظيف ويصير خوش واحد

ومن الحين ﻻتعودينه ان كل شيء عليج خليه يشاركج وقولي ما اعرف صيري غبيه اشفيها عادي ولما يزعل منج وياخذ اغراضه وينام تحت واي يالفشيله اقفي ورا الباب وتدلعي عليه وﻻتخلينه ينزل ينام تحت عادي ترى كلنا نراضي رياييلنا ماكوكرامه بين المرا وريلها ولما ينزل طرشي له كلام حب حتى لو زعلانه لما يصعد تدلعي عليه وتغلي بدلع ﻻتكونين ناشفه بالتعامل معاه بزعلين من كلامي براحتج بس هذا كله لمصلحتج علشان باجر ﻻتتندمين وتمسكنين اليهال معاج
او من الحين كل واحد بطريجه احسن وان شاء الله ربي يعوضج باللي احسن منه انا ما اقول دوسي على كرامتج وصيري قرقاشه حقه ﻻء بس خلج لينه زعلي بس بدلع وتغلي بس بدلع موهواش

 

[رشا الهواء]

والله انج بنت أصول تبارك الرحمن الصبر زين وادعي له الهدايه أعتبري ريلج بفترة مراهقة

 

[kAmMoOnH]

ماشاء الله .. الله يسخر لك رجلك تفكيرك جميل بس حاولي تطورين من علاقتك معه الين ما يتعدل وطولي بالك عليه ترا الرجال يبي له فتره الين ما يصير لك

 

[المحاميه ن]

الله يعينك على مواصفات هل زوج
وبعد تكولين حسيت براحة لما رديت ؟؟
اي راحة
الله يصلح حاله عشان باين انت طيبه

 

[بودي حبيبي]

أه أه
الله يعينا احنا الحريم قسم بالله المشاكل كثرت وفعلا كلامج صح اصلا نبيهم بس بالاسم اننا متزوجين واذا ناقشتيه بشي قال شيلي اغراضج وانقلعي
لا مسؤوليه لا احترام ولا شخصيه
انا اعرف الاب هو المسؤول واللي له شخصيه ويكون وزنه بوزن البيت اما الحين انسي انسي تلقين نفس ابوي وابوج اللي كانو شايلين البيت شيل.. انا اللي عندي مايبي يدفع وكل شي ماعندي ما ادري وين يروح معاشه انا اللي اصرف طبعا انا موظفه ..الله وكيلج صارلي سنه ونص اطر منه يغير لي الجلسه مالتي والله سنه ونص وبالاخير انا اللي فصلتها من فلوسي كفايه ذل
ترا والله قاعده اكتب وانا مقهوره وانا من النوع اللي اصبر لين انفجر
ادري طلعت برا الموضوع سامحيني بس والله من اللي فيني

 

[بودي حبيبي]

أه أه
الله يعينا احنا الحريم قسم بالله المشاكل كثرت وفعلا كلامج صح اصلا نبيهم بس بالاسم اننا متزوجين واذا ناقشتيه بشي قال شيلي اغراضج وانقلعي
لا مسؤوليه لا احترام ولا شخصيه
انا اعرف الاب هو المسؤول واللي له شخصيه ويكون وزنه بوزن البيت اما الحين انسي انسي تلقين نفس ابوي وابوج اللي كانو شايلين البيت شيل.. انا اللي عندي مايبي يدفع وكل شي ماعندي ما ادري وين يروح معاشه انا اللي اصرف طبعا انا موظفه ..الله وكيلج صارلي سنه ونص اطر منه يغير لي الجلسه مالتي والله سنه ونص وبالاخير انا اللي فصلتها من فلوسي كفايه ذل
ترا والله قاعده اكتب وانا مقهوره وانا من النوع اللي اصبر لين انفجر
ادري طلعت برا الموضوع سامحيني بس والله من اللي فيني

 

[e7sasi]

حبيبتي الله يهدي سركم بس نظريتج عن الزواج اسمحيلي جدا غلط

شنو انتي ماتبين من الزواج غير شقه ويهال واسم متزوجة؟؟؟؟؟؟؟؟؟
شنو هذا التفكير اسمحيلي اقولج عقلج مومال الحين مال ايام بس يابحر انتي انسانه ولج مشاعر واحاسيس تبين واحد يحتويج ويقدرج ويحترمج هذا الحين مابينكم شيء قال هاينه عليه العشرة اشلون بعد اليهال اللي بتييبينهم ؟!

راح تتطلقين والله ليش ﻻنج كنتي تبين بس عيال وشقه واسم ماتفكرين مسؤوليه اليهال باجر راح تشيلينها انتي بروحج وراح تلوع جبدج وتتطلقين

منو قالج اغلب المتزوجات جذي ﻻياماما المتزوجه اللي هي تبي حياتها تكون جذي بس هي اللي عايشه جذي بنات الحين ماشاء الله هم يقعدونا احنا ويعلمونه السوالف واشلون تفر الريال

موبالهواش وﻻ بالزعل تنحل المشاكل حبيبتي المشكله فيج انتي شوفي طبايعج وشوفي اسلوبج وغيري فيه انتي بروحج تقولين على اشياء تافهه ازعل واروح بيت اهلي والحين لما تقعدين تتناجرين معها وتقوليله مشاكلنا محد يتحملها واهلي مالهم شغل
عيل غيري روحج تحكمي بلسانج وباسلوبج هو عصبي انتي خلج دلوعه واسحبي عصبيته كلمة دايما امي تقولها الريال يبي ريج نظيف وفراش نظيف ويصير خوش واحد

ومن الحين ﻻتعودينه ان كل شيء عليج خليه يشاركج وقولي ما اعرف صيري غبيه اشفيها عادي ولما يزعل منج وياخذ اغراضه وينام تحت واي يالفشيله اقفي ورا الباب وتدلعي عليه وﻻتخلينه ينزل ينام تحت عادي ترى كلنا نراضي رياييلنا ماكوكرامه بين المرا وريلها ولما ينزل طرشي له كلام حب حتى لو زعلانه لما يصعد تدلعي عليه وتغلي بدلع ﻻتكونين ناشفه بالتعامل معاه بزعلين من كلامي براحتج بس هذا كله لمصلحتج علشان باجر ﻻتتندمين وتمسكنين اليهال معاج
او من الحين كل واحد بطريجه احسن وان شاء الله ربي يعوضج باللي احسن منه انا ما اقول دوسي على كرامتج وصيري قرقاشه حقه ﻻء بس خلج لينه زعلي بس بدلع وتغلي بس بدلع موهواش

الله يجعل ماكتبتي بميزان أعمالج الصالحة، فعلآ هالرأي حسيته رأي موزون .. خلج منصفة يا إختي مثل ما زوجج فيه عيوب حتى إنتي بشر بالنهاية ويمكن لو عطيناه فرصة يكتب موضوع بالقسم جان الله العالم بنظرته لج . طبيعي بيقولج لا تزاعلتوا روحي بيت اهلج انتي من اول مرة زعلتي ورحتي بيت اهلج زرعتي بذرة الحقد بقلبه لان ماتركتيله مجال يعتذر منج والحين يبيلج تتعبين لين ماتصفى نفوسكم ونصيحتي لج تغيرين بنفسج الأول وصدقيني رح يتغير بس يشوفج تتغيرين ، اختي استثمري وقت فراغج واقري وتثقفي بالحياة الزوجية لان الزواج لو بس عملية إنجاب عيل محد تزوج والأيتام ترس الدنيا اكفل لي يتيمة وانتهينا! الزواج سكن وهذا كلام ربي، يبيلج تتعبين شوي على عمرج عشان تعيشين بجنة الحياة الزوجية مو هامشها!

الله يصلح أموركم

 

[باتشي99]

والله ياختي نسيتي شي واحد بس اللي كل انسان يدور عليه ويلاقيه

ولو بيدنا شريناها اللي هي (( الراحة )) شنو يعني اعيش عشان اجيب عيال !! والعذاب النفسي اللي ملاقيته وبتلاقينه ومع العيال بيزيد

ﻻتظلمين نفسك وﻻ تحملين نفسك بكرة ﻻ قدر الله صار اي شي واي سبب من الاسباب محد بيشيلك الا نفسك ومحد بيحس وبعيش اللي عايشة فيه الا انتي واللي مروا بتجربتك اساليني انا فكري كثييييير

الحياة ماهي عيال وبس

موفقه

 

[جامعيه طموحه]

اسمحيلي واخذي كلامي من اخت لاختها بس انتي السبب وطبعآ انتي تعرفين هالشي بس للاسف متأخر عرفتي وتعلمتي

لانج عودتي ريلج على انج تشيلين اغراضج وتمشين ليما طلقج لانه تعود على غيابج وحزتها انتي الي خسرتي لانج تعودتي عليه بدون لا تحسين وصرتي تحسين انج ماتعيشين بلاه

ولما رديتي هوكان متعود على غيابج حتى لو حبج والدليل انه لما تهاوشتوا وماطلعتي استغرب لانه كانناطرج تطلعين انتي من البيت ولما شافج غيرتي مفهومج قام يقولج اطلعي ذلفيبيت اهلج وهالشي لسببين 1- لانه تعود عليج تطلعين بيت اهلج بكل مشكله وصعب يتأقلم انج تقعدين معاه عقب المهاوش
2- السبب الثاني لانه واثق 100% انج ماراح تهدين بيتج مره ثانيه عقب ما طلقج يعني بإختصار عطاج قرصة اذن

يعني انتي من الاساس كنتي تبين تأذبينه بمعاناة وروحه ورده وقعده ببيت اهلج وهو بمكانه وبكل بساطه علمج الادب


كل الي بيدج تسوينه اذا تبين تكلمين معاه تجنبيـــــــه مو انه تعطينه قفاج وتنطشينه لا مثلآ تهاوشتوا على شي شوفيه مننظرته وسايريه وهالشي مومعناه تلغين شخصيتج مثلآ قوليله انامن ناحيتي اشوف هالشي جذي او بهالطريقه بس اذا هاللشي يريحكعادي مومشكله ماصار شي ! وبس امتصي غضبه خلي يطلع من عندج ويقول هذي قام تمتص غضبي صيري الماي الي يطفي ناره بجذي تكسرين عينه

ولا تحقرينه اسبوع ولاشهر ما تكلمينه عوديه انكم ما لازم المشاكل تأثر على كلامكم مع بعض الزعل اقصاه ساعه ساعتين يوم بالكثير اقصى شي وعقبها تقربي منه وبادري انتي بالكلام وسويلهمثلآعصير ليمونقوليلهعشان تهدي اعصابكويروق دمك مافي داعي للمشاكل واهو هني بيبقق عيونه وبيستانس حتى اذا ماشرب العصير وعاند وقال مابي قوليله على راحتك اهم شي لا تتضايق مره ومرتين وثلاث بتلاقينه يمشي معاج عددددل

الزواج تضحيات ولازم واحد يتنازل واذا انتي حابه تحافظين على بيتج وزواجج تنازل وضحي عقبها بيتعلم منج وفي مثل يقول ( ابنج على ماتربينه وريلج على ماتعودينه) الريال طفل كبير ويتعلم من مرته وانتي الي تعليمنه شلون يتصرف معاج ويتعلم منج شيسوي بهالمواقف بينكم ولكل فعل رد فعل لما يشوفج تسايرينه وتفهمينه انه مو لازم يطول الزعل وانج ماتقدرين على زعله اهو بعد بيسوي نفس الشي ! وماراح يقدر على زعلج وعقب ساعه من الهوشه ولا ساعتين بيرد الوضع طبيعي !

اذا خلصتي من موضوع الهواش بتقدرين على سالفة البخل ساعتها بتفهمين اطباع ريلج وتعرفين من اي ناحيه تكونيه وتشكلينه مثل الصلصال بيدج على كيف ما تحبين

انتي جربتي الزعل والهواش وهدة البيت والحقران ومايابلج غير الزعلوزيادة المشاكل وكره ريلج لج

منتي خسرانه اذا جربتي المساير والكلام الحلو وانج ترضينه بنفس اليوم عقب المشكله وشوفي الفرق

لانه موكل مره بيطلق ويرد من مل عاف خطواتج الحين محسوبه اكثر من قبل بأضعاف فكري مليون مره قبل لاتقولين الكلمه ولا تتصرفين اي تصرف وفكري بالعواقب واذا بتتحملينها ولا لا


والله يسخركم حق بعض واعتذر عالقرقه