شلتك من راسي .... )) روايه كويتيه ورومانسيه اجتماعيه ... { عبير & بدر } ..

[انمي ماركه]

هااي شلونكم

رواية شلتك من راسي للكاتبه : انمي ماركه

الي تبي تنقل روايتي بأي مكان واي منتدى تنشره بس لازم تذكر اسمي

انمي ماركه

اتمنى تعجبكم روايتي والحين اخليكم تعيشون احداث و ابطال القصه ...

البارت الاول

في بيت عبير

عبير : يبااااا مااابي
ابو عبير : بتروحين يعني تروحين
عبير : يبااا عمتي حناااانه تبط الجبد تسأل وااايد
ابو عبير : انتي شلون تقولين عن عمتج جذي ماتستحين على ويههج مااكوو احترام ولا ادب
عبير : اوووووه بروح بس عشااانك ولا اهيا ....
ابو عبير : اهياا شنووو
عبير : لا مااكوو
ابو عبير : يالله روحي لبسي
عبير : انشالله
ابو عبير : هنااك ابتسمي مو مكشره وماده البوز
عبير : اي اي اقصص ايدي اذا ما سألتني من وين شاريه هاذا وشنو نوع عطرج ووشنو ماركة جنطتج وو ... ؟؟؟؟؟؟؟ الف سؤال وسؤال
ابو عبير :ههههه يالله قومي بدلي انا بنطرج بالسياره

راحت البست وخلصت وراحت بيت عمتهاا

العمه : هاا عبير شلونج
عبير : تماام
العمه : الا اقوووول اي لون مكياجج وردي ولا بنفسجي
عبير بصووت خفييف : جاك الموت ياتارك الصلاه بدينا بالاسئله
العمه : هلا شتقوولين ما اسمعج
عبير : لا اقول لونه وردي وردي
العمه : اممم الا شنو غداكم اليوم ؟؟؟
عبير بصوت خفيف : ولييييه هاذي شيفكني منهاا اووه

عبير : مجبووس دياااي
العمه : اييييه


خل اعرفكم على عبير ) عبير بنت حلوه وعيونها عسليه وصابغه شعرها اشقر بني وعمرهاا 16ونص ساكنه مع ابوهاا في بيت كبييييير عليهم وقرروا انهم اييبوون عمتها تسكن معاهم لاكن عبير معارضه هالشي لانه عمتها حناااانه وتسووولف واايد وتحب كثرة الاسئله ووو عبير دلووووعه حييل ومو متحجبه وامهاا ماتت واهيا كان عمرهاا 4 سنين


بعد 4 ايام دقت عبير على رفيجتها مريم

مريم : صج عبوووووووووووور
عبير : اي والله صج
مريم : زين اهوا شسمه
عبير : اسمه بدر والله يهببببل ودمه خفيف
مريم : اي اهوا يحبج
عبير : مادري ... بس باجر بروح لبيتهم وبشوف نظراته لي
مريم : يارب تكون نظرات حب
عبير ذابت : يااارب
مريم : وييي مالي خلق للمدرسه بااجر
عبير : اي وابله نعمت يبووووووووووووي
مريم : اي عااد يصير فلم اكشن اذا زفت وحده من البنات
الاثنين : هههههههههههه
عبير : عيل باي بنااام
مريم : بايات

خل اعرفكم على مريم ) مريم رفيجة عبير الروح بالروح عيونها عسليه شعرها مسويته شوجي وسمره وشوي قصيره وعندها اخت اسمها ليان عمرها 23 واخو اسمه عادل عمره 19
واهيا عمرها 16 وشطوووره بالمدرسه


راحت مريم عند اختها ليان

مريم : هااي ليووون
ليان : هاي 2
مريم : شفيج شكلج زعلانه
ليان: خالد ادق عليه ادق عليه مايرد مادري شفيه ( زوجها )
مريم : يمكن مشغووول
ليان : ريلي واعرفه زين اذا صار مشغول يبلغني او يدزلي مسج
مريم : امممم اوك انا بروح انا تصبحين على خير
ليان : وانتي من اهله

خل اعرفكم على ليان ) ليان بنت عصبيه شويه لاكن قلبها ابيض عمرها 23 واهيا بجامعة هندسة بترول وتوها متزوجه وزوجها اسمه خالد وعمره 25 سنه واهيا متحجبه وبيضه وطويله


في المدرسه

عبير : مريووم شفيج تأخرتي
مريم : والله انطر حظرة صاحب السمو عادل لما يخلص بللعه
عبير : ههههههه
مريم : والله صج
عبير : ياحليله
مريم : عبور عبوووووور
عبير :ch12: : هلا
مريم : شفيج شكلج داايخه
عبير : حدددي انزين شنو كنتي بتقولين ؟؟
مريم : شوفي شهد شلنوو حااطه بويهاا تاارسته مكيااج جنهاا بعرس مو بمدرسه
عبير : ههه دققي فيها ويها كله الوان جنها مهرج
مريم : ههههههه

بنفس اليوم الساعه 4 ونص العصر

ببيت ابو علي

علي : يباا يبااا
ابو علي يقرا جريده ويمه الجاي والقهوه : هلا
علي : يباا بدر طالع من الصبح ليما الحين مارجع
ابو علي هد الجريده : وينه ؟؟؟
علي : ماادري

دشت عليهم هديل

هديل : هاااي
ابو علي : هدييل دقي على اخووج بدر شوفيه وينه
هديل : انشالله يبااا

خل اعرفكم على بدر ) بدر انسان مححد يفهمه عايش عاالم برووحه ماهمه احد بس يحب اهله عنده اخو اكبر منه اسمه علي وعمره 19 ونص علي يحب الوناسه والعب ودمه خفيف مثل الريشه ويدرس بالجامعه وهم بدر عنده اخت اصغر منه اسمها هديل عمرها 14 هديل تحب السووالف والشطاانه وحدهاا شيطانه ومشااغبه بالمدرسه ومو متحجبه وحدهاا تهببببل جمالها ماينوصف و بدر عمره 18


اعتقد انكم تعرفتوا عالشخصيات واتمنى حبيتوهم واتمنى بعد ان يكون الباارت ناال اعجاابكم

ترى انا ما امشي الا بالتشجيييع

اذا تبوني اكتب البارت الثاني شجعووني لان البارت الثاني فيه احداث اكثررر

ابي ردوودكم

:ggdw::ggdw::ggdw:

 

[HaAaDoOol]

الباااااارت رووووووووووووعه جناااااااااااان

كممممممملي بليييييييييييز .......

 

[HaAaDoOol]

يسعدني اني اكون الفيرست

اب اب اب لعيوووونج

 

[احساس انثى !!!!]

مبين عليهاااا حلوه كممملي حبيبتي
بدايــــــــهـ موفــقـــهـ .؟.

 

[احساس انثى !!!!]

اب اب اب اب اب اب اب

نااااااااااااطريييييييييييييينج

 

[انمي ماركه]

مشكووووووووريييييييين عالردوووود ويعطيييكم العافيه

انشالله الحين بكتب البارت الثاني

 

[انمي ماركه]

البارت الثاني

هديل : بدر وينكم
بدر : انا عند ربعي شتبين
هديل : لا بس نتطمن
بدر : انا مو ياهل
هديل : شفيك انت بس نتطمن اف ( صكرته )
بدر معصب : الوووو الووو ...

ابو علي : ها وينه
هديل : عند ربعه
ابو علي : اييييه
هديل : قلت لك عند ربعه زين الحين خانقني جاكيشان
ابو علي : شنوو
هديل : لا ماكوو يالله انا بروح غرفتي
ابو علي : ........

في بيت عبير

عبير : يبااااا بنروح بيت عمي ابو علي من زماااان مايناهم بعد بقعد عند هديييل بسولف تكفى يباااا تكفى
ابو عبير : متى ودج تروحين لهم
عبير : الحين ابدل واخلص وانروح لهم
ابو عبير : ماشي خلاص
عبير : يااااهوووو ثاانكيوووو دااادي

راحت عبير عند بيت عمهاا وفي الطريج دقت مريم على عبير

عبير : هااا مريوووم
مريم : انتي وينج
عبير : انا في بيت حبيب القلب
مريم : هه صج
عبير : اي كانا وصلنا ياللله اكلمج بعدين باااي
مريم : باااي

ودخلت عبير داخل البيت

عبير : السلاااام
ابو علي وام علي : وعليكم السلام ورحمة الله وبركاته
ام علي : تعاالي عبووره قعدي هني
عبير : انشالله عمتي
ام علي : هااا منووو يااابج
عبير : ابوووي
ابو علي : ليش ماخليتي عمتج تيي معاااج
عبير : ها لا لا عمتي ماتبي
ابو علي : ايييه
عبير : عيل وين هديل
ام علي : روحي لهاا بغرفتهااا
عبير : يالله باي

راحت عبير فوق عند هديل لقت هديل قاعده عالنت ومطوله عالتلفزيون

عبير : شلونج يالحلوه
هديل مستانسه : هااااي عبوووره شلونج انتي
عبير : انا تمام ... واااي قصري عصوت الـ t.v.
هديل : انشالله ....... كاانا قصرنا
عبير : اي جذي زين
هديل : وييينج من زماان ماييتينه
عبير : شسوووي مشغوله
هديل : امممم اوك قعدي قعدي توني اعرف موقع يهبببببل طحت فيه تعالي اوريج اياه


بدر رجع البيت وحددده زعلااااااااااان

ام علي : بدر يمممممه شفيك
بدر : لا يمه مافيني شي
ام علي : تخش عني انا امك
بدر : يمممه قلت لج مافيني شي
ام علي : خلاص خلاص على رااحتك
ابو علي : ليش اليوم مارحت المدرسه
بدر : كنت تعبااان مالي خلق شي
ام علي : عسى ماااشر شفيييك ؟؟؟
بدر : يممما لاص خلاص قلت مافيني شي اف

راح غرفته وصكر الباب حيييييل

ام علي : مادري شفيه هالايام كله زعلان


في بيت مريم

مريم طلعت برا البيت عشان كانت طالبه مطعم وانزلت عشان تاخذ المطعم ولقت خالد زوج اختهاا ياي

خالد وهو بالسياره مبطل الدريشه : مريم مريم
مريم : هلا
خالد : تعالي ابيج شوي
مريم بقلبهاا : هاذا شيبي ؟؟
راحت يم السياره : ها شتبي
خالد : اختج ام نست تليفونهاا عندكم روحي ييبيه
مريم : اوك

راحت مريم فوق عن غرفة اختهاا عشان تيييب تلفونهااا ويابته تحت عند ريلهاا

مريم تتنفس بسررعه : هاك
خالد : يالله مشكوره
مريم : صبر صبر صبر سلم عليهااا اوك
خالد : يصير خير يالله مع السلامه
مريم : باي باي

راح زوج اختهاا

مريم تكم عالسياره : مالت عليك وعلى ويهك مادري شتحب فيك اختي قطع عووع


بنفس اليوم الساعه 11

عبير : وااي تأأخررت لازم ارووح
هديل : لالالالا تو الناس
عبير : شنوو تو الناس الساعه الحين 11 تقولين تو الناس
هديل : انزين لا ينط لج عرج روحي روحي
عبير : نعم ؟؟؟
هديل : لا ماكوووو
عبير : يالله بيباااي
هديل : باااي

وطلعت عبير برا الغرفه واهيا قام اتطالع تحت دعمت بدر

عبير : يؤيؤ سوووري
بدر يخزها : لا عادي
عبير : آآآسفه
بدر : لا عادي شدعوا انا الي ماشفت
عبير ويهاا احمر جنه طماطه : مع السلامه
بدر : مع السلااامه

ويخزهااا ليما انزلت لي تحت

عبير : يالله انا بروح
ام علي : يالله الله معااج
عبير : مشكوره عمتي
ام علي : عفووو

عبير بالطريج دقت على مريم

مريم : هااا شصاار
عبيير : امبيييه دعمته بالغلط
مريم : بالغلط
عبير تقلدهاا : اي بالغلط
مريم : هاا بعدين شصاار
عبير : اعتذرت منه وقالي انه اهواا الي ماكان يشووف وظل يخزززني امبييه ويهي صار احمررر
مريم : هههههههههههههههه
عبير : لا تضحكين
مريم : والله انج مينوونه
عبير : ليش ؟؟!
مريم : لانه ...

اذا شفت تفاااعل واايد وتشجييع رااح انزززل الباارت الثااالث

يالله بنااات لاتزعلوووني حتى لو ماعجبكم البااارت قولوا بس لا تسكتووون عفيه

يالله ناطره الرد الجميل

 

[يافديت الدلع]

كملي تكفييييييييييييييييييييين وناااااااااااااااااسه القصه شكلها روعه وانا حساسه احب هالسوالف

 

[يافديت الدلع]

يلا نزلي البارت الثاااااااااااااااااااااااااااااااااااااااااااااااااالث وربي شوقتيني لااااااااااااااااااااااااا عاجبني يهبل بس كملي

 

[HaAaDoOol]

وييييييييييييييييينج ؟؟؟​