شلبس خدامتي للمزرعه؟؟؟

[لذه السكر]

السلام عليكم

بنات اذا بروح مزرعه شنو البس خدامتي ؟؟؟ لان البست بنجابي كشخه سكت عنها تالي ما اشوفها الا بدلت من كيفها والبست يوني فورم هم سكت لان مادري شلبسها

يوم راحت هناك والا الخدم لابسين ملابس طلعه قميص وبنطرون حسيت انكسر خاطرها .. مادري شلبسها واهي جسمها متروس يلفت وهناك كله صبيان .. اشتريلها والا شنو ؟؟؟



وسؤال ثاني ابي رايكم فيه حطيته بواحد من المواضيع

هنديه معاشها 50 واول معاش زعلت وقالت متفقين بالعقد ان
يكون 60


اكسرت خاطري وعقب المشاورات زدناها وصار 60 ولا تحلم بالزياده
قبل سنتين

عطيتها تلفون وشريت خط باسمها
وتطلع مره بالشهر تشوف اهلها وكنيسه <<< تحسون
مدلعتها والا عادي ؟؟؟؟؟

تلفون عطيتها لان ادري انها بتشتري من وراي مثل اغلب
الخدم وتالي تحطني امام الامر الواقع قلت اشتري وافك عمري

والطلعه متفقين بالعقد انها تطلع ولما منعتها زعلت وطنقرت وبجت

منعتها عن الطلعه لانها مجذبه وقايله الكنيسه من 1 الظهر ليه 7 بليل وتالي عرفت
انها بس نص ساعه :eh_s(4):

قتلها ادري انتي تجذبين وتبين تشوفين اختج جان قلتي من البدايه عطتني لسان :eh_s(14): انا ما اجذب انا ما اسوي خربوطه ...الخ

قتلها كلمه وحده تروحين بس ان سويتي مشاكل على طول المطار


قلت هم اهي روح تبي اهلها وانا اصلا ما اطلعها من البيت كلش كلش الشارع ما
تشوفه الا عشان تييب اغراض من السياره

شرايكم
؟؟

 

[بشارة]

حبوبة انت وايد ضاغطة على الشغالة لاتنسي هى انسانة وعن اللبس لبسيها بنطلون وقميص طويل وعن التلفون ترى عادي كل الشغالات عندهم تلفون مب مشكلة اكيد عندها اهل واولاد تكلمهم بس حددي لها وقت مب طول اليوم على التلفون دائما قبل ماتحكمي عليها اتخيلي نفسج مكانها لا تنسي تغير حياتنا الى الافضل

 

[صدى القلب]

التلفون عادي الحين يجيبونه معاه من ديرتهم ولا يشترون مت الهنود اللي بالشارع

والمعاش هذا هوو كل الخدامات بس الفلبينيه اعتقد ٨٠

واللبس اتوقع لاتدلعينها لبسيها يوني فورم بنجابي فيه اشكال والوان لبسيهاا وفيه القميص يصير قصير وطويل
احلى واذرب واريح لهم

وشلون ماتشوف الشارع واهي تروح للكنيسه وتشوف اختها
طيب متأكده تروح لاختها والكنيسه؟؟ قولي لها تخلي اختها تجي عندج بالبييت

وطلعيها معاج بالزواره ولا حديقه ولا اي مكان تغير جو وتتونس

 

[لذه السكر]

مكشورييين عالردود

حمولتي عندهم قانون الخدامه ما تطلع عشان لا تخرب ولا راضين اختها تزورها فاوديها تروح معاها الكنيسه ويقعدون مع بعض

 

[PuPa^^SWeeT]

تبين الصراحة




التلفوووون بلوة


لانهم بيسوون بلوة من ورااج فيييه



انا ولا خدامة عطيتها موبايل تمت عندي



اليوم عطيتها موبايل

بعد شهرين سوتلي مصيبة و قالت مابي اشتغل ولا اتطق بناتي علشان اسفرها



الحيين ريلي قالي ان عطييت الخدامة اليدييدة موبايل بياخذه منها و بيزفني وياها جدامها




لانه صراحة مسخووها اللي يوو




و اللبس انا ما اعسر باللبس


الطلعة يطلعون ويااي ويا بناتي


صراحة الخدم يبطون الجبد


ودج اتعاملينهم كبني ادم


بس يحدوونج انج تقسين عليهم

 

[PuPa^^SWeeT]

انا نسيت اساس الموضوع


لبسيها بنطلوون و قميص وسييع من المعلم اتحصلينهم اب 5 دنانير