شكوي من اهلي :( ساعدوني عليهم بنات

[بنت الدسمه بسمه]

قوه بنات

والله يابنات اني متضايقه حدي والله العالم اكتب وانا ابجي الحين

انا صار لي 40 يوم والده واصلاا اصلاا انا وزني هذا الي انا الحين اليوم وزنته

ماينزل واذا نزل حده 5 كيلو


انا متزوجه وام ل4 اطفال

وكنت مقرره اني اسوي عمليه بلون للمعده لان يبيلي 15 -20 كيلو بس واصير سمبتيك

بس وربكم ابوي الله يسامحه حلف حلف اني ما اسوي

ياربي شمعنه غيري

المهم قعدت ابجي وقالي اذا سويتيها انا موراضي عليج المهم انا اشتركت بالدايت كير واول اسبوع نزلت كيلو ونص

ويييييييييييييه يبيلي وااايد


وشركني ابوي بمعهد شامبيونز الجابريه

بس انا وحده ما احب الرياضه

المهم عفيه بنات انا ادري ماراح انزل للوزن الي ابيه صعب حييييييييل لان صار لي 5 سنوات وانا احاول وكل شي جربته

انصحوني شسوي واااايد متضايقه وانتوا مثل خواتي

الي تعرف وحده تيي البيت تسوي مساج عفيه كتبوا لي رقمها بس ابي وحده مجربه لاني جربت وااايد

وتعبت وااايد

بقعد طول عمري اسوي رجيم

 

[modern]

حبيبتي الحمدلله عقومتك بالسلامة
ابوج محق وايد بنات ماتوا و هم بالعملية
لازم تعرفي ان اول 2 او 3 كيلو صعبين بالنزول عشانعملية حرق الدهون صعبة بالبداية بعدها تصيري تنزلي ال 4 و ال 5 كيلو بسرعة
انتي لازم تتبعي التخفيف مو الريجيم و اعطي نفسج فرصة يعني من 5/10 لين 5/2 من السنة اليديدة لازم كوني نازلة
و انصحج كمان تشتركي بالتجمعات بالمنتدى وايد تتشجعين

 

[الريماوي]

COLOR="Red"]يااعمري ميخالف ابوج ماحلف الا وهو خايف عليج الله يحفظه لكم يارب بس انتي حاولي وانا مثلج بعد يبيلي كثرج انزل
بس احنا احسن وايد من الي يبيلهم 50 او اكثر شدي حيلج وترا ماله داعي تبجين وتحرين نفسج خلي عندج ايراده قويه وتوكلي على الله
شوفي مو ضوعي عن الكورس وانشالله تستفيدين وتدعيلي وتدعين حق التاجره
تقبلي مروري يالغاليه[/COLOR]

 

[فجر_الكويت]

رد : شكوي من اهلي ساعدوني عليهم بنات

يارب تضعفين بأذن الله

 

[بنت الدسمه بسمه]

 

[One_Q8]

الله يعينج حبيبتي .. وابوك ماقالج هالكلام الا لامه خايف عليج ..

انا سمعت ان فيه صالون يسوون مساج ..

صالون جوري سبا.. راعيه الصالون اسمها جوري المطيري ومكانهم في حولي فوق صالون الهام الفضاله بالضبط ..

يسويج تكسير دهون عن طريق المساج .. وتوزعه لج بجسمج صح .. بس يعوور

تدفعين مقدم 30 جلسه بـ 300 دينار .. وانتي سوي سيرتش في قزقل بتلقين لها مواضيع

والله ان رفيجت اختي مسويته شنو تغير جسمها

وبالتوفيق ياقلبي

 

[مشتاقه لك يبا]

رد : شكوي من اهلي ساعدوني عليهم بنات

الحمدلله على السلامه ولا تحاتين كل شي وله حل واب لعيونج

 

[هاديهـ&مطيعهـ]

رد : شكوي من اهلي ساعدوني عليهم بنات

فيها خيره لج تابعي مع دكتور تغذية والا جربي رجيم شوربة الملفوف آنا نزلت 20 كيلو ب 3 شهور على الله وعليه بنفس المده اللي بتنزلينها بالعمليات

 

[Q8stylle]

الحمدلله على السلامه قلبي مدام انج مشتركه بنادي امشي كل يوم حتي لونص ساعه
وتحركي وايد وكثري من السلطات والماي والمشاوي والخضروات واذا تبين تضعفين بعد
كل يوم شربي زنجبيل تري ينزل بشكل موطبيعي وانشالله تنزلييييييييين

 

[senyo0oretta]

جيكي عالخاص

 

[kbssma]

الحمدالله علي سلامتج حبيبتي اهلج معاهم حق لاتفكرين تسوين عملية لان وايد مات بالعمليات حرااااااااااام عندج عيال خافي عليهم و انشاء الله مع الرجيم و الارادة راح تضعفين

 

[لوازم العائلة]

لا تلومين ابوج اهوه مالقاج بالشارع تعب عليج
احسن شي الرياضه وانج تتبعين ريجيم

 

[حكستار]

ابوج خايف عليج
عليج بالرياضه

 

[زهره الجلنار]

سوي رجيم وخلي ارادتج قويه والله بتنزيل وانتي بصحتج احسن لج من هالعمليات

 

[Fo$hY Mo$hY]

ليش ما تسوين ربط اسنان؟ وايد حلو ينزل بالاسبوع او الاسبوعين 5 كيلو

انا ان شاء الله باجر بروح اربط مع اختي


ان شاء الله تضعفين بصحه حبيبتي

 

[نورا الحلوة]

رد : شكوي من اهلي ساعدوني عليهم بنات

يارب تضعفين بأذن الله

 

[kitty eyes]

ميخالف حبيبتي

ابوج ما قال جذي الا انه خايف عليج

احسن من اللي يعيبون على بناتهم ليما تصك فيها الدنيا

خلج مع الدايت كير والنادي

وان شاء الله بتضعفين

 

[baby johnson]

من خووووفه عليج حبييييييبتي
ميخالف سوي رجيم السالاري وتنزلين بسررررعه ان شاءالله مع المساج والاراده

 

[رحيل المرافيء]

رد : شكوي من اهلي ساعدوني عليهم بنات

توج والدة طبيعي ماينزل بسرعة يبيلج 9 شهوور لي سنة عشان تقدرين تنزلين