شكلي اكبر من عمري

[k2abah]

سلام عليكم بنات أنا ابي حل لمشكلتي أنا بنت عمري 20 سنه ولكن احس انه عمري 100 سنه صج يقولون الشباب شباب القلب هذا أنا عمري20 سنه واحس انه الدنيا طويييله مو راضيه تخلص وماني متوقه لأي شي بالحياة احس بسرعه قلبي يعورني جني ريال كبير و عصبية وأكسر بنات مايغريني اي شي بالحياه لا دراسه (هاملة دراستي.)لا وضيفه لا زواج لا اعيال مأ أشوف فيهم شي حلو وزيدكم من الشعر بيت ماقمت احس أني انثة مادري ليش أنا صرت جذي شكلي اكبر من عمري وكله افكر بمشاكل الناس و مشاكلي . ماعندي هدف بالحياه اصلا ماحس انه في هدف يسوة عشان اخليه هدفي مافي شي يونس حتا الاشياء الي كانت تونسني قبل ماصارت تونسني الحين. ودي احب مثل البنات بس احس قلبي مافيه احاسيس ولا شي يهزه والله اكتب وقلبي يعورني لانه ادري الحياة طويله وانا مالي خلق كله اقول يارب أخذ روحي بسرعه بس مالي خلق الدنيا ما حب شي بالدنيا ولا شي وصرت أنا انكد علا نفسي زياده. يمكن تسألوني شلون علاقتي بربي حمدالله اصلي فروضي وأصوم بس صراحه احس ايماني قل عن قبل طبعا أنا قبل مو أنا الحين. يمكن تقولولي شلون حالتج قبل بقولكم كنت شاطره وينضرب فيني المثل واعشق الحياه وكنت بنيه حلوه الحين لا صرت عيوز طبعا هالتغير صار تدريجيا بنات ويييع كل ماذكر أني بعد بعييش زياده اتعب والله مابي خلاص أنا مو لي الحياه احس كل شي فيني ميت والله باريت تشوفون شكلي وااايد كبيييير والله مادري شلي صار فيني وانا مالي غيركم علاقتي بهلي مو قوية ولا بأمي ولا بابوي. بنات عمي يشكولي بس ماحس اني اقدر اشكيلهم بنااات للمره الاخيره اقول كل ماذكر أني بعييش زيادة اتعب. انشالله أنتو ادعولي بس ترا هاذا الي ابيه. مع السلامة

 

[googliah]

الله يكون بالعوووون
تقربي من ربج.. ترا الدنيا ماتسوى
والله يفرج همج انشالله
ماحبيت اطلع بدون رد

 

[^q8ia^]

الله يفرج همج ان شاء الله

سافري العمرة عشان الله يشرح صدرج

واظبي على قراية القران والادعية راح ترتاحين اكيييد

سافري غيري جو يمكن انتي متمللة من الروتين اللي انتي فيه

صدقيني انتي الحين باحلى عمر لا تسوين بروحج جذي ووخري عنج هالافكار السوداوية اللي قاعدة تهدم حياتج

والله ييسر امورج

 

[يوآش يوآش]

الله يفرج همج ..

حبوبه ترا انتي فيج اكتئاب ..

شوفي شصاير عندج اما مشاكل او شي ثاني ماادري : /

 

[k2abah]

رد : شكلي اكبر من عمري

mashkooren 5awati 3ala d3watkum o lekum bil methel
dalo3ah fe estath bil jam3a galy nafs kalamich o 3aa6ani n9aye7 kil shy saweit bas mafe ta7ason.
q8ia ana ma5tha 9efy magdar asafer o ham il sfr gemt ma7eba o ana illy kan 7elmy adoor il 3alam
allah yserli amri

 

[candeya]

انا فاهمتج لان انتي مثل حالتي بس انا مافكر انى الحياة طويله بس نفصج تغيرت اول عن الحين اول كنت الاولى على دفعتي او فوق جذي لبسي او شكلي الكل يعجبه ويحبون طريقت لبسي او كنت وايد مهمتمة ابنفسي او كان دمي خفيف معروفة بالضحك والوناسة والكل يدور قعدتي فجاة تغير حالي او كل شي قام ما يهمني استقلت من وظيفتي او فوق هذا ماعندي احساس بالوناسة ماكو شي يونسني ماكو احساس ابولا شي ساعات استغرب من ردت فعل الناس اللي تبجي على شي صار واللي تضحك من موقف صار جدامي انا مايهزني شي مادري شنو هذا اللي فيني او هم نفس احساس الحب ماكو احس اني مت اطلع اروح اغير جو بس نفس الحاله ما حس بالوناسة او شكلي صار قديم حيل

 

[candeya]

اقول حق امي انا فيني اكتاب تعبانه احس ابضيجه ساعات ودي افر من البيت اروح اقعد اباي مكان ابروحي ماكو شي يونسني يغير حالتي مادري شنو اللي فيني تعبانه وانا مو من النوع اللي اتشكى وايد اسكت ما اتحجا بس من داخل تعبانه ماكو شي يونسني او قام ماكو شي يهمني

 

[((المزيونه))]

حبيبتي روحي استانسي روحي الصالون غيري شكلش اصبغي استااااااااانسي اهتمي بعمرش روحي السوق اصرفي على عمرش تمتعي انا ماادري انتي شنو موظفه او لا روحي تجمعي مع البنات واكشخي خليهم ينصدمون منج ترى الوحدة احيانا اذا ضاقت وكشتختي اتغير نفسيتج والله صدقيني اطلعي مع اهلج اقري قران وصلي الزبدة اقلبي حياتج فوق تحت انا مافهمت وضعش عدل يعني انتي اساسا كذا ولا صار شيء وقلبت كيانش المهم استمتعي وطمنينا عنش

 

[هواجيس الفجر]

الله يفرج هممممممممممج

ولا تفكرين ترا التفكير يقصر العمر

خلي كل شي على ربج و اضحكي و استانسي

و تووووووووووووووكلي على الي ماتنام عينه

 

[Om Khaloody]

رد : شكلي اكبر من عمري


حبيبتي يمكن أنتي محسووده لان قلتي قبل كنتي غيير والحين انقلب كياانج يمكن محسووده او مسحووره ديري بالج واقري ايات الرقيه الشرعيه ولا تستهينييين بالعين والحسد والسحر والله الناس يحسودوووون الواحد على اي شيء

 

[احلام روحي]

يمكن من اسرتج اثر هاللشي

اكيد في سبب معين غيرج !! اهمال مثلا

استغفري طول يومج دام مو لاقيه هدف لحياتج -- استغفري حيل ع الاقل ليمتي تلقين شي جدامج

وان ماقدرتي ع الاستغفار - جاهدي فيه - وتحديه -- لان الفتح بيجيج من عقبه - وبتلقين بوابه علي بابا تبطلت لج

عسى الله يفرج ع قلبج

 

[jorya_7mra]

الله يعينج
حاولي تروحين لطبيب نفسي
واقري سورة البقره
وانشالله رب العالمين يفرج همج
طلعي وغيري جو واستانسي ترا انتي بنفسج تغيرين نفسج لا تنتظرين احد يغيرج
ونصيحه مني عيشي يومج لان العمر مايتكرر

 

[دلع العتبان]

انت الشخصية الاكتئابية

قال عنهم مرة الدكتور طارق الحبيب اذا تعرفينة

انصحج اذا كنتي تبيين تتغيرين اقري كتبة ودخلي يوتيوب محاضراتة واستعيني بالله

توج صغيرة

 

[يوآش يوآش]

رد: رد : شكلي اكبر من عمري

dalo3ah fe estath bil jam3a galy nafs kalamich o 3aa6ani n9aye7 kil shy saweit bas mafe ta7ason.

شفتي شلون .. الحين انتي لازم ما تسكتين

عن نفسج .. لان الاكتئاب والله يزيد وموشي سهل

والله يفرجها عليج : )

 

[إستبرق*]

عاادي انا مثلج احيانا تجين الافكار اذا كنت قاعده بروحي خخخخخ
لاني حسااسه وبسرعه ابجي وماتحمل الكلمه واددق وايد
وماانسى شي بس شنسوي هذي الدنيا يبيلها صبر وتطنيشششششش
طنشي وعيشي حياااتج ونصيحه لاتقعدين بروحــــــج تكثر عليج هالوساوس

 

[أم حيدر]

أول خطوة تسوينها تغيرين هالنك نيم مالج لان ينعكس على نفسيتج

ثاني شي غيري صبغ غرفتج وكفرج وبعض الاكسسوارات في الغرفة حطي الوان مفرحة

ثالث شي وهو الاهم زيدي علاقتج بربج ... انتي مافيج الا العافية واكيد في اسباب وصلتج لهلمرحله ... شغلي وقت فراغج بشي مفيد عمل تطوعي ... الهلال الأحمر ... جمعيات اسلامية ... اختلطي مع الناس ... لان الشيطان اذا شاف الانسان قاعد بروحه وكئيب يتسلط ويتملكه

وتذكري ان لج رب حنووووووووووون خلقج وتكفل فيج من اول لحظة اللي صرتي فيها نطفة فبطن امج الى لحظة مماتج بعد عمر طويل.

وصدقيني اهلج مافيهم شي بس انتي حاولي تقربين منهم ... ودييييييري بالج تحيدين عن طريج رب العالمين ترى بتشقين وايد.

 

[سويت لاتيه]

[ =" ][ ]انشاء الله ما عليج شر 00 وانا رايي من راي ام خلودي احتمال عين وحسد وتحصل حبيبتي للانسان الناجح وانتي كنتي انسانه غير في السابق انسانه ناجحه كرري دائما يا مبديء يا معيد اللهم عيدلي 0 اطلبي من ربج اللي تبينه يعيده لج من جمال ونجاح وحياه حلوه 0 0 وانتي قلتي انج تحسين كل شيء فيج مييت كرري في كل وقت يا حي يا قيوم وبس وان شاء الله تتغير ين للاحسن وطمنينا عليج ]

 

[sweet dashttya]

الله يفرج همج استغفري كل يوم اقري قرآن انا قبل كنت نفسج واخس منج بعد بس من يوم قريت قرآن تحسنت شوي حالتي

قولي بينج وبين نفسج احب الحياة انا مستانسه انا مرتاحة حطي ورقه بدارج او اي مكان تكونين فيه دايما ورددي الاشياء

الايجابية وابتعدي عن الاماكن او الاشخاص الي يخلونج تتحبطين وتحسين بيأس وبالتوفيق حياتي

 

[طب العرب]

شلونج حبيبتي احنا اوادم وكلنا نمر بتغيرات نفسيه وانشاالله الي تحسين فيه يكونن عارض لفتره بسيطه
المهم تقربي من ربج وبلشي تغيرين من شكلج اولا مثل قصه شعر مره ضعفي حواجبج ومره متنيهم وجذيه
وبشرينا بعدين

 

[أوكسجين]

الله يفرجها عليج حبيبتي