شكرا يا ادارة المهلب وشكرا ياحراس الامن

[زهر الرمان]

هاي بنوتات شخباركم؟
مجمع المهلب يمكن اكثركم يدري انه الصبح مايدخلون الا بنات بسبب المشاكل اللي صارت من بعض طلاب وطالبات المعاهد القريبة عليه
المهم اليوم رحت مع اختي واحنا نمشي الى المدخل وله بنت و2 شباب
اشقصة هالبنت؟ الحلوة تبي ادخلهم داخل لاء ويقولها لما اندش داخل لا تمشين يمي واهيا تضحك اتقولهم انا اللي بدخلكم
صج صج صج قذرة حسبي الله ونعم الوكيل
بس رجل الامن سئله شنو نظامكم قال مع بعض ودش بس ها كان مبلغ رجل امن ثاني يصيدهم بس دشوا طلعلهم
الثاني وقالهم يالله برا عسى الله يعطيهم الصحة والعافية ويقويهم يارب
والشي الثاني المفروض هالحزة مايدخل شرطي ريال داخل تحسبا للمشاكل اللي اتعرفونها
فلازم هالحزة الشرطة النسائية تتواجد هذا افضل مكان وتوقيت لهم
وبس حبيت اقولكم هالسالفة لانه جد حرتني هالوصخة الله لا يكثر من امثالها اللي مشوهين سمعة بناتنا
كل حجوة والثانيه قالوا هالشباب مافي كويتية شريفة وله ما اتكلم من وين يابوا هالحجي من هالبنات اللي نفس هالنومنة
وطبعا كلامهم ترليون بالميه غلط بس شتفهمين واهما يشون هالاشكال جدامهم
حسبي الله ونعم الوكيل صج محترة

 

[وعد2006]

الله يعطيهم العافيه
و كلامج صح 100%

 

[غدووور الكويت]

رد : شكرا يا ادارة المهلب وشكرا ياحراس الامن

يعطيج العااافيه
الله يستر على هالبنات ما ادري ليش يشوهون سمعة بنات ديرتهم

 

[أم حمودي**MALL**]

هذاك اليوم وحده كويتيه ومتحجبه بالمهلب قاعده بالكافيه اهي ورفيجتها منقبه واسحتتتتت بهالزقاره
وقبالهم قاعدين 2 عقد وحيل تطرش بلوتوث مادري بلاك بيري
لوعوا جبدي

 

[وهج الخير]

رد : شكرا يا ادارة المهلب وشكرا ياحراس الامن

يزاهم الله خير
واسم الله عليك من الحره الله يهديهم يارب ويستر علينه

 

[فتاة.]

والله انا توني ادري ان المهلب الصبح للعوائل
انا مره رحت وبعدها مارحتلهم ابد
لان في مره حرمه كبيره نقول بالاربعينات وياها بنتها سن مراهقة داخلة محل وبنتها داخل غرفة القياس قاعده تسوي قياس وتفصخ الملابسها والباب مفتوح والسوري يعطيها الملابس علشان تقايس و مبقق عيونه الله يفشلهم انا شفت فخوذها وستيانها ونحشت وامها تطالع ولا علقت والسوري ماشال عينة
بس صج الله يقوي الامن ويكثر من امثالهم

 

[زهر الرمان]

اي اتصدقين هم انا شفت بالكافيه اللي يصير بالنص ترس بنات
واثنين صبيان قاعدين تقولين حبة خالة وهات ياخز شلون دشوا هذول مادري
وفي بنات حياتي عسى الله يحفظهم قاعدين بحالهم واللي قاعدة اتحل الواجب مندمجة حبيبتي عسى الله يوفقها
بس هالاشكال الوصخة اهيا اللي اتيب الحجي حسبي الله ونعم الوكيل

 

[شيخة الحلوة]

اي والله يعطيهم العافية

المشكلة ان بكل مكان الحين باي سوق صار حق السوالف البطاليه يعني تروحين السوق تبين تشترين اغراض تشوفين الوان واجناس واشكال والمشكلة محد معاه جيس يعني مو قاعدين يشترون بس يتمشون بطاليين سواء بنات والا شباب اوكي في بنات يبون يروحون يتمشون ويستانسون وفي شباب نفس الشي يعني محترمين بس اللي مو باقي شي من الميك اب مو حاطه والبس مرصص والبف جنها رايحه عرس وما تبي احد يتحرش فيها

والشباب بعضهم الله يهديهم بعد>>>>>>>>>>>> قلبها متروووس ام شيوخ لوووووووووووول

يعطيج العافية حياتي

 

[Mazyoona]

هيلقيه ، حرام تربية أهلها ضاعت


الله يقوي رجال أمنا و يرزقهم على قد نيتهم

 

[مميزة خلقة]

وييييييييييييييييييييييييع انا مره دشيت المهلب الصبح برد اكسسواري استغفرالله احس جني داشه مكان مشبووووووه
شهالاشكال شهالمصخره حساااافت شباااابهم والله
انا بفهم شلون البنات يطلعون من بيتهم بكيلو مكياج وعبات ضييييقه يعني لو نايمين الصبح اكيد قاعدين لا ردت وبيشوفون لبسها الله يكافينا شر هالزمن

 

[أساور]

توني ادري انه صار الصبح للعوايل
مرة رحت له الصبح ويع الهلاقة كلهم هناك طايحيله مغازل ومسخرة
وماعدتها اروح ويك اند ولا اروح الصبح

 

[Tom ♥ Jerry]

.


كلآمج صح و هاذي صج مآ تستحي على ويههآ
آسسسستغفر الله :/ !

بس انا مآ آشوف فيه مشآكل اذا الشرطه تكون " رياييل " :*
اعتقد الشرطه النسائيه مآ رآح يقدرون على الشباب و الاشكال هاذي !
يعني فرضا بنت يايبه شباب نفس الي شفتيها مآ رآح تقدر الشرطه النسائيه توخرهم !
يمكن تصير مشاكل .. الرياييل يقدرون آكثر !

.

 

[الأميرة جوري]

رد : شكرا يا ادارة المهلب وشكرا ياحراس الامن

الله يستر علي بنات ديرتنا ويهديهم

 

[lulwa-q8]

رد : شكرا يا ادارة المهلب وشكرا ياحراس الامن

الله يهدي الجميع

وتو ادري ان المهلب الصبح بس عوآئل ..!

وصاجه هذا وقت الشرطه النسائيه

 

[::كيك وعسل::]

الله يهديم ويستر علينا

 

[*الأثــــــــير*]

الله يستر على بنات ديرتنا

 

[وجدان الحلا]

صج ماتستحي ماخرب سمعة البنات الا هالاشكال على قولتج عسى الله يهديهم

 

[pretty sarona]

الله يعطيج العافيه ,, بس انا ما ادري شنو الهدف ان مجمع يصير بس حق البنات !!
العيب في البنات نفسهم ,, اهلهم معطينهم الثقه و اهم جذيه يسوون ,, هذول مو كفو دراسه و علم
المهلب حاله حال المجمعات الثانية بس سمعته مو حلوة من اللي يصير فيه من هالبنات ,,

 

[so_what]

مالت عليها من بنت مستانسه انها بدخلهم ، الله يهديهم لان الحجي ظايع معاهم

 

[سرقت النوم]

مستحيل اروحله الصبح بايام المدارس..


لان راح تشوفون اشكااال غريبه عجيبه

و البنات ما ادري من وين طالعين


حسبي الله و نعم الوكيل

اما الشباب حدث و لا حرج ...