شكثر يطول و منو اللي يبدي

[محبوبه25]

السلام عليكم
اشلونكم
شخباركم

بناااااااااااااااااات حابه اسالكم
لما تزعلون مع ريايلكم
الزعل اشكثر يطول
ومنو اللي يبتدي يراضي الثاني
انا عن نفسي اكثر شي ريلي يراضيني
وحدنا اسبوع اذا كانت المشكله صغيره
والحين انا وريلي متزاعلين وليما الحين ماراضيته ولا راضاني :eh_s(16):
كل واحد منا ناطر الثاني يراضيه
بس كل يوم يطلعلي بالاحلام لا ويطردني بعد بالحلم لووووووول :flower:
يالله ابي اردودكم الحلوه

 

[nadoy]

حبيبتي انا كنت نفسج لمه نزعل انا ماتنازل واراضيه كله اقول اهو الغلطان

بس تدرين مره قمنا نسولف مع بعض ويوم بطيتها بجيه قلتله انت مادري شسالفتك صرت ازعل ما ازعل ماهمك تدرين شقال لي ؟

قال لي مليت كل مانتزاعل انتي تزعلين وتمدين البوز وتطنقرين وانا اللي اراضي ولاعمرج حسستيني انج مهتمه لي وييتي انتي راضيتيني @@

انصدمت لوووووووول

قال اتملل ساعات ودي انتي اللي تين تراضيني حتى لو انا الغلطان بس ماكو فايده

وانا اقول ماحب اراضيه عشان لايشوف نفسه علي بس الحين لا مرات انا اراضيه مرات اهو يراضي

ونصيحتي دام كله اهو يراضيج سويله مفاجأه وراضيه

 

[FeShinGoOo]

رد : شكثر يطول و منو اللي يبدي

عمرنا ماطول زعلنا اكثر من يومين حتى لو نتزاعل نفس اليوم وبليل نرد نتهاوش بس مانطول بالزعل لوول
الحين صارلنا يومين متهاوشين وخلاص قررت اراضيه لان اخر مره اهو راضاني << نظام وحده بوحده

 

[محبوبه25]

رد : رد: شكثر يطول و منو اللي يبدي

حبيبتي انا كنت نفسج لمه نزعل انا ماتنازل واراضيه كله اقول اهو الغلطان

بس تدرين مره قمنا نسولف مع بعض ويوم بطيتها بجيه قلتله انت مادري شسالفتك صرت ازعل ما ازعل ماهمك تدرين شقال لي ؟

قال لي مليت كل مانتزاعل انتي تزعلين وتمدين البوز وتطنقرين وانا اللي اراضي ولاعمرج حسستيني انج مهتمه لي وييتي انتي راضيتيني @@

انصدمت لوووووووول

قال اتملل ساعات ودي انتي اللي تين تراضيني حتى لو انا الغلطان بس ماكو فايده

وانا اقول ماحب اراضيه عشان لايشوف نفسه علي بس الحين لا مرات انا اراضيه مرات اهو يراضي

ونصيحتي دام كله اهو يراضيج سويله مفاجأه وراضيه

انا اراضيه
بس اهوا الاكثر فهمتي

 

[غمزه وإبتسامه]

الله يهديكم لبعض

 

[الأميرة جوري]

رد : شكثر يطول و منو اللي يبدي

الزعل علي حسب انا حيل اطول اذا زعلت <<اهو بارد مايزعل

 

[نغم الخلود]

ماعمرة زعلنا يطول يعني نتهاوش ولما تخلص الهوشة يجي يراضيني لو انا غلطانة او هو يعني هوشة جهال بسرعة نتراضي

 

[دمـــوع]

ماعمرا راضاني حتى لو هو الغلاطااان
انا الي اراضي دايم لاني ماحب الزعل

 

[راعية الطويلة]

رد : شكثر يطول و منو اللي يبدي

ما يفرق معاي من اللي يبدأ

يفرق الأجر


((و خيرهما الذي يبدأ بالسلام))

فما بالك إذا كان زوجج!!!

راضي زوجج الجنه أبرك من هالدنيا الفانية

مشكورة ع الطرح الحلو يا عسل

 

[خفايا الروح]

رد : شكثر يطول و منو اللي يبدي

.

اكثر شي 3 ايام ..

وهو يراضيني ..

حتى لو كنت غلطانه هو يجي ويبدي يتناقش عشان يطلعني غلطانه :\

انا حتى ان كنت غلطانه ازعل وما اكلمه :\

 

[ام لجين1]

رد : شكثر يطول و منو اللي يبدي

انا اراضيه اهو يراضيني انا ماتفرق وايد وياي اهم شي مانام زعلانين كثر الزعل يباعد لقلوب انا اشوف اسبوع وايد لاتعودينه علي بعادج وزعلج انا لما اشوف ان الوضع خلاص هدي اكلمه عادي وبليل اقوله مااحبك تزعلني ثاني مره لاتعيدها وامشي حياتي معاه احسن لاتخلص حياتي معاه بزعل ونكد من ضامن عمره لبكره

 

[om-7many]

رد : شكثر يطول و منو اللي يبدي

رااي من راي البناات راضية احسن لج من الزعل
وصدقيني ماكو شي يستاهل الزعل يمكن اهوو حاب يدلع عليج شوي رااضية وشوفي شنو يصير

 

[دلوعت مودها]

رد: رد : شكثر يطول و منو اللي يبدي

ما يفرق معاي من اللي يبدأ

يفرق الأجر


((و خيرهما الذي يبدأ بالسلام))

فما بالك إذا كان زوجج!!!

راضي زوجج الجنه أبرك من هالدنيا الفانية

مشكورة ع الطرح الحلو يا عسل

ونعم الراي ,,,,عجبني ردج,,,

 

[غمزه وإبتسامه]

الله يهديكم لبعض

 

[ام زاكي]

شدعوه اسبوع انا حدي يوم وانا الي اراضيه عفيه مايجيني لو اموت بس اذا اهو غلطان يراضيني في نفس الوقت
بس احسن خل اكسب الثواب انا

 

[فوفو22]

رد : شكثر يطول و منو اللي يبدي

العتب مسموح والزعل ممنوع

هذا شعاري من 3 سنوات ببيتي

الدنيا ما تسوى زعل

واذا حصل

افضل علاجه بنفس اليوم وبالكثير بيوم ثاني

منو يبادر بالرضا ؟؟؟؟


طبعا الغلطان............واذا ما بادر ........

ابادر انا بذكاء ولكن مع وقف تنفيذ كل شي الى ان اسمع اعتذاره....

فوفو

 

[مزعله الحريم]

رد : شكثر يطول و منو اللي يبدي

انا اذا تزاعلنا و ساعات هوشه كبيره----------------- بعد نص ساعه انسى واقوله تعال تبي جاي تبي غدا اصلا انسى تدرين وحده من الثنتين يا الكبر شين يا العشره لوووووووووووووووول انتي اختاري

 

[بتبوتااا]

حياتي انتي كلميه لاتخلين الزعل يطول بينكم مهما كان ..
بالنسبه لي طبعي ما اعرف ازعل ولا احط بقلبي فتلاقيني ازعل بو دقيقه وبعدين ولا جنه صاير شي واعيش الحياه طبيعي
..

 

[tmtmt]

ما نطول اسبوع
اقولين هوشه صغيره اسبوع عيل اذا كبيره شكثر !!

مو حلو تطولون هالكثر بالزعل

انا ما اقدر اسكت لازم اتفاهم واتناقش بالمواضيع
واول كنت بس انا اراضيه بعدين صرنا انا واهوا الحمدالله على حسب

 

[شنكولة]

بصراحة كان زعلنا يطول واغلب شي انا اللي ابدي بالمراضى بس الحين لما نزعل مثلا الظهر نتكلم مع بعض بالليل ولا كأن صاير شي اتوقع السنين والعشرة لهم اثر بالشغلات هذي