شقولكم بس ..آآآآه ياحسرتي على اللي شفته بعيوني وشالته ايدي....

[غزلان الشماليه]

بنات ....

الشي صار جدامي ..
ماتتصورون ..احنا ثالث بيت من يمهم بس انا كنت ناويه اروح العرس بس ولدي كان تعبان واهلي مسافرين قلت عن ضيقة الخلق ..

المصيبه ..

يوم جيت ابروح ..قلت بس اسلم عليهم واطلع ..ولا اشوف صياح وصراخ ونار ..دريت ان في شي قاعد يصير طليت من دريشتي جان اشوف الخيمه تحترق ..

مدري شسويت رجعت مع واحد من خواني جمعت شرارشف وعبي وجبت طفاية حريق قلت حريم وعريانات شلون بيطلعون ..

أآآآآآآآآآآآآآآآه ياقلبي ..بس مدري شقولكم اخوي وزوجي بيطلعون اللي يقدرون عليه وانا ناطرتهم برى اغطي بالحريم العراة ...

نصهم مايبون يطلعون ليش ..؟؟ليش ؟؟عزت عليهم نفوسهم يطلعون عريانات ..تموت بشرفها ولا تطلع عند الناس والكل يشوفها

ونصهم ماتبي تطلع إلا اللي جابته معاها يطلع معاها ..


قطعني هالمنظر ..وحده حذفت ولدها 2 من فوق الخيمه عشان مايحترق ؟؟؟؟؟

ورضت انها تذوق النار وولدها مايذوقه ..


ووحده حظنت بنتها وقالت يانار اكليني ولاتاكلين بنتي ..وماتت هي وبنتها وهي حاظنتها





بنات اكتبلكم وانا ابجي من قلب... تقولون شنو موقفي ..تقولون شنو اللي صار فيني ..الله يعلم بحالي ..

موقفي اللي ماراح انساه ..


شلت وحده انا وحماي جتني امها قالت بنتي الله يخليج بنتي ..


انا هنيه عيوني انعمت شلت بنتها ولفيتها بشرشف ..

ودخلتها بسيارة حماي ..

وامها ركبت معانا


الصدمه الصدمه .
.اني شلت وحده ميته محتررقه من ساعتها ماتعطونها اكبر من 15 سنه؟؟



بنات ..احس ان صارت فيني نفسيه مو قادره استوعب المنظر مو قادره



مو قادره



اللهم اغفرلهم وارحمهم وعافهم واعف عنهم واكرم نزلهم ونقهم من الخطايا كما ينقى الثوب الأبيض من الدنس ..برحمتك يا ارحم الراحمين







حداااااااااااااااااااااااااااااااااااااااد على أرواح شهيداتنا العفيفات

 

[جوديتي]

لاحول ولاقوة الابالله الله يجبر مصيبته ويعينج ويرزقج ربي بالاجر ويلهمج نعمة النسيان الله يرحمهم برحمته ويشافي المصابين ويصبر اهلهم ويرحمنا ويغفر لنا
والله مصيبه بس يارب لاتاخذنا ان اخطأنا او نسينا

 

[Pearl Qatar]

لاحول ولاقوة الا بالله

شعر راسي ينبي قام


الله يرحمهم ويغمد روحهم الجنه

يعطيج العافيه اختي

 

[أسيـل الجـــرح]

اللله يعينج يا قلبي صج قاعده اتخيل موقفج ربي يصبر قلبج على شفتيه وربي يفتحها عليج وموقفج مشرف والحمدالله ربي كتب لج انج ما تروحين اللهم اغفر لهم وارحمهم امين

 

[وداعيه]

ياحياتي كش شعر جسمي
والله شي مفجع
شي يعور القلب ويبجي ماعتقد انه الكويت راح تنسى هالمصيبه بسهوله والله يصبر اهل الي ماتو والاطفال ياعمري يقطعون القلب ياااااااارب

اخخخخ
الله يرحمهم
والله كتب لج عمر جديد حبوبه

 

[مندوبة ام بندر]

والله اقرى الموضوع وعيوني غرقت دموووووع
الله يعينج انا من امس ابجي وانا ما شفت شي
وانتي شفتي كل هذا الله يصبرج
ويرحمهم برحمته ويصبر اهلهم
وجزاج الله خير

 

[ReeM ^ Style]

لاحول ولاقوة الا بالله العلي العظيم

جزاج الله خير وكثر الله من امثالج

الله يرحمهم ويغفر لهم يارب

 

[سنيكرز]

ياربي اللة يرحمهم واللة شئ يعور القلب يبجي الحديد بس شنقول اللة كاتبة هاالشئ يصير اللة يصبر اهلهم ...

 

[سنعة مسنعة]

الله يرحمهم برحمته ويشافي المصابين ويصبر أهلهم
أميـــــــــــــن يارب العالميــــــــن

 

[smile]

عسى الله ياجرج

والله لو مهما انتخيل حالهم ماراح نقدر نعيش بمأساتهم

الله يعينج على اللي شفتيه

وياجرج على اللي سويتيه

واوصيج انج تدعين لنفسج بالثبات

وانج تكثرين من الاذكار لان اللي شفتيه موشوية

الله يرحمنا ويرحمهم برحمته

 

[ام الشوامس]

الله يعينج و ياجرج على مساعدتهم
احنا ما شفناهم من صج و قلوبنا تعورنا عليهم و صاكتنا الكآبه شلوون انتي !!
الله يرحمهم و احمدي ربج اللي حفظج من الحريقه

 

[حلا قطر]

لاحول ولاقوة الا بالله
الله يرحمهم ويغفر لهم ويكتب اجرج حبيبتي

 

[$الـــحـــلاوه$]

يااااااااااااربي جسمي كله كش
الله يجزاج خير
الله يرحمهم ان شاء الله
والله ادعيلهم بكل وقت

 

[سنفورة]

حبيبتي عسى ربي يأجرج انشالله والف الحمدالله على سلاكتج

والله يرحم امواتنا ياااااااااااااااااااا رب


ويشفي المرضى

كارثة وحلت علينا ولاحول ولا قوة الا بالله


حبيبتي خليج مؤمنة بقضاء الله وحاولي تتناسين الموقف ادري صعبة بس ما يخالف هذي احوال الدنيا واللي يعيش ياما يشوف

استغفر الله العلي العظيم

 

[كوارين]

لا حول ولا قوة الا بالله العلي العظيم

 

[نورالدنيا***]

وااااااااااااااااي عورتي قلبي بجيتيني والله

الله يجعله بميزان حسناتكم ويرحمهم ويتقبلهم شهداء يارب العالمين

 

[داريني]

كله في ميزان حسناتج
والله شي يعور القلب

وانا من امس اقول نص الحريم عيلو يطلعون لانهم اكيد ما يرضون يطلعون واهم سفور
رضوو بالموت ولا انهم يطلعون سفور جدام الغريب
هذي شهاده عنده الله
الله يرحمهم ويسكنهم فسيح جناته

 

[قمر ضاوي33]

لا حول ولا قوة إلا بالله

جزاك الله خير وكثر الله من امثالك

اللي صار فعلاً مصيبة

الله يرحمهم ويغمد روحهم الجنة

 

[الريان]

الله عالم بحالنا احنا اهل الشارع............الله يصبرنا ........اللهم اجرنا في مصيبتنا واخلف لنا خيرا منها.......
يارب تمسح على قلوب كل مصاب و تصبرهم....... وترحم موتانا

 

[الاسطورية]

احنا سمعنا الخبر ضاق خلقنا شلون انتي
الله يعينج