شقق فندقيه برا الكويت

[Dancing^Queen]

بنات
سبق انكم اجرتو شقق فندقيه / غير فندقيه برا الكويت؟
شنو المكاتب اللي تعاملتووياهم؟
ااي ديره كانت السفرا
الصراحه انا مهتمه بالشقق باوربا مثلا سويسرا ، لندن ياليت اللي عندهم تجربه يفيدونا
والافضل تاجرون من هناك والا اهني؟ واي مكاتب تاجر شقق؟
وجم متوسط الاسعار خصوصا حق لندن

 

[bambena]

مشاركة: شقق فندقيه برا الكويت

كوين حماتي بتاخذ شقه فندقيه بلندن بتروح تكمل دراستها اسالها لج انشالله

 

[أوركيد]

مشاركة: شقق فندقيه برا الكويت

واااي حلاة لندن ...كل ما اسمع لندن يفز قلبي

مع انه ريلي ما يواطنها ....

كوين بلندن آخر مرتين سكننا فنادق ..بس اللي قبل عند واحد عراقي ..ناسيه اسمه

السنة اللي فاتت كنا متفقين مع واحد همن عراقي على بيت كامل بليدز ....شهر بــ 800 دينار وااايد ارخص من لندن ..

بس مااللـــه كتبها هالسفرة ..

جنه بكابرن بالنمسا شقق عند واحد اسمه توم على ما اعتقد ...هذا متزوج فلبينيه ..

كل الكويتيين عنده ...ويمدحون مكانهم ..(على كلام اللي اعرفهم )

آنا ماجربته ..

 

[Dancing^Queen]

مشاركة: شقق فندقيه برا الكويت

مشكورين بامبينا واروكيد
يزاكم اله كل خير علي تفاعلكم معنا
وناطره الديتيلز بامبينا


اوركيد سكنتو ابيت عند عراقي؟
انا ابي داخل لندن وصوب تمرككزالعرب علشان مايضيق خلق اهلي يحبون اليمعه واللمه
اذا تعرفين احد يارييييييييييييت تعلميني
وبسال بنات ماتعرفون بعد حضانات لليهال هناك
ياريت احصل مكان فيه داي كير لليهال

 

[bambena]

مشاركة: شقق فندقيه برا الكويت

كوين طلعت بتسكن Leeds مو لندن

Sorry

 

[ظلال القرآن]

مشاركة: شقق فندقيه برا الكويت

انا اسكن بفنادق

بس يمدحون شقق باخر اجورد رود يقولون نظيفه وكشخه خبرج هناك اغلب الشقق تلوع الجبد

مادري جنا اسمهم هلتون سويت

 

[ظلال القرآن]

مشاركة: شقق فندقيه برا الكويت

اوركيد ودي اسكن كابرون يقولون جريبه من زل ام سي وكلها كويتين

يا ليت تيبين رقم توم او اشلون طريقه الحجز

 

[noony_online]

مشاركة: شقق فندقيه برا الكويت

ترى لما تحجزين من هني ارخصلج من بره

 

[مُــنية]

مشاركة: شقق فندقيه برا الكويت

كوين عندج شقق ماربل ارش في اجورد رود وايد نظيفة بس انا يوم سكنت فيها كان قبل موسم الصيف تقريبا تطلع بالشهر 600 دينار . هذا الاستوديو.

بدور لج رقمهم و دقي حجزي .. مكانهم هادي و مرتب

 

[Dancing^Queen]

مشاركة: شقق فندقيه برا الكويت

انقذيني سنع ومنع ماعندج بعد سايتهم
انا احب ماربل ارتش اجدع اندرغراوند ستشين

 

[ظلال القرآن]

مشاركة: شقق فندقيه برا الكويت

كوين لازم تسألين مكيفه ولا لأ لا توهقين سعات جوهم بالصيف يخون

قبل سنتين خيسه حر والي فنادقهم مو مكيفه توهقو و لاعت جبودهم

وراحو يشترون مراوح من شبر بوش خخخخخخخ