شفيهم ينو باسعار التغليف !!!!!!!!!!

[myaaaw]

هاااي بنات ...

امبيييه توني رادة من بوابة الهدايا غلفت هدية رفيجتي

كنت اغلف قبل هدايا بنفس المحل شغل اينننننننننننننننننننننننننننننننننننننننن شوي عليه والله لو 20 اقط

يقولي 3 دنانير

ومرة نفس المحل قام يخورة مو مثل قبل قالي ب 6 قلنا مااااااااشي على التعب تستاهل ولانه سبيشل


اليوم لااااااااااااا سبيشل ولا هم يحزنون تعرفون الغلاف العادي ؟
غلفه لي ب 9 دنانير وولاااااااااااا اضافات ولا هم يحزنون والتغليف اي حاقة :eh_s(14):

 

[*أم*خالد*]

نوكته يعني نكته


الله يعافي أجياس هالمارك ماتوصل هالسعر

 

[myaaaw]

looooool
مشكورة عالرد
لانه بط جبدي نصاب شنو شدعوا غلو الاسعار جذي هذا لو قايلتله غلف اسبشل جان غلف فوق ال 20

 

[a7La_3eMeYa]

اووووله شدعوه شصااااير و الله مادري متى بنفتك من هالغلاء

 

[L a w y e R]

صاااجة والله

قبل جم يوم رفيجتي شرت عطر حق ريلها ورحنا نغلفه

التغليف اغلى من سعر البكس المغلف الجاهز !

لا وشغلهم عالسريع اشكره !!

قلتلها من صجج تبين تغلفينه ؟ الله يخلي البكسز الجاهزين

اذرب وارخص !

التغليف مرده بينقط ، بس البكس تستفيد منه

والله يخلي جياسة هولمارك وكروتهم

مادري على شنو هالمبالغة بالاسعار :/

 

[aady]

وين هذا؟
بوابة الهدايا؟
عموما السوق صار نار و شرار
انا الصراحه حق الناس الغرب الف الهديه بنفسى كلاسيك
الله يعافى المكتبات و المحاميد
القط منهم ورق التغليف و الكروت

 

[myaaaw]

مشكورين على ردودكم
ادي بوابة الهداية الي موجود بكل جمعية وفرع ماغيره

 

[dalal]

بوابة الهدايه نصابين مره شريت ست عطر التغليف طلع علي بسعر العطر 12 دينار لوووووول

قتله انت من صجك؟؟ جان يتوهق قال هاذا اسبشل... بس قتله وين الشغل بس التغليف اسبشل وحاطلي شريطه ذهبيه ... انا من عمر اغلف ولا مره صار جذي السعر تدرين جم قالي تالي
يالله اخليهم عشر دنانير.. يعني يكون مرخصلي !
واخر شي الفلبينيه تعرفني جان تقولي مدام 6 دينار !!!!!!!!!!!
أبيــه شنو هاذا على كيفهم لاسعار يحطونها ؟؟
تدرين تالي صرت قبل مايغلف اقوله شوف انا مابي تغليف اكثر من 6 مو تقول ماقتلك ..
يعني حدديلهم الميزانيه المقبوله عندج ويمشي عليها عشان لايقصون عليج ..

 

[كوارين]

انا قمت اغلف بروحي
شاريتلي من تايلند اشكال روعة
واغلف فيهم وافتق بعد
احسن من هذيل النصابين

 

[على وجهها سمة الأبرياء]

والله مادري عن اسعارهم انا بالنسبه لي اغلف هداياي بروحي

بس حتى لوغلفت لأحد عمري ماطلبت هالسعر حق غلاف ينشق وينقط بعدين

 

[على وجهها سمة الأبرياء]

تذكر شغله
اذكر مره كنت رايحه عند بو 100 فلس اللي بحولي وشفت عندهم كروت حق عيد ميلاد حلوة عليها اشكات حيوانات وكيك وشموع الواحد 100 فلس خذيتلي 10 بدينار

المهم رحت عند بوابه الهدايا مع بنت عمي ولا نفس الكروت اللي بو 100 فلس سالتها بجم قالت دينار ونص !!!!!!!

واي طلعت عيوني من صجها هذي قلت لها ليش جان تقول مدام شغل ايدنا قلت لها جذابه انا عندي منه بالبيت 10 وكلهم بدينار

صج نصابين

 

[بمبة المفترسة]

الشرهة مو عليهم على اللي يروح لهم
التغليف شيبيله لفي الهدية وزيديها شرايط وريش وخرابيط
ولا استخدمي شموع والكراتين وغيره بس مايبيله شي
هم شافوا الناس ذبحة عليهم زادوا
ولا اول مرة اسمع محلات لتغليف الهدايا خربووطة

 

[Al Atwan]

انتوا خلوا الاسعار علي جنب
المسؤل شادي
ماعنده كلمه
كنت بشتري ورق تغليف من عندهم قالت الفليبينية ما نبيع طلبت رقم المسؤل وكلمته قال يالله اخذي 6 حبات من الجلاد وكلم الفليبينه
واخترت كذا واحد قالت لا ما ابيعة لانه جلاد واحد علي الاستاند وباجي النقشات تلوع الجبد دقيت عليه قلت مافي نقشات قال تعالي المخزن واختاري مكانهم بشويخ قلت له انا ايي المخزن بس علي الاقل عطني 10 حبات قال اوكي
وقلت له عطني العنوان بالضبط قال وانتي طالعة دقي علي ادليج
المهم ييت من الدوام ولا نمت العصر بعز الشمس رحت شويخ ادق عليه ويتنق وقفت بالشارع علي ما حضرته دق ودلاني المكان تصوروا وسكرته واحووووووس واحوووووووس الجذاب يوم ادق عليه قلت وين المكان بالضبط
رد علي اي حبيت اقول لج شغله ان سوري مقدر ابيع قلت شنو الحين قاعد توصف لي ومعشمني والحين مابيع
والله لو اهو جدامي جان شرشحته والشره علي اللي يتعامل معه بوابة الهدايا بصراحة

 

[سارونه87]

اي بدعوا بالاسعار حدهم

 

[~*~الملكة~*~]

كل شي صاير غاااالي

الله يعين

 

[BADDORAH"81]

بصراحه كل اللي يروحون بوابة الهدايا ما عندهم سالفه و فلوسهم زايده لان نفس الجلاد واشكال احلى تحصلونها في سنتربوينت و غير الجلاد الكروت اشكال و الوان عند سنتربوينت و محلات بو100 فلس طبي و تخيري هذا غير فناتق التزيين عندهم وباسعار حيل رخيصه

 

[KG-Teacher]

اي مبدعين بالاسعار خصوصا بوابه الهدايا وربعهم

بس صج يبلهم مكاسر عدل ​

 

[softlady]

الحين انا قمت احط مبلغ للهديه واحسب حساب ثاني للتغليف

وعلى فكره مو كل فرع شطار حسب الي يشتغلون

وانتي اذا رحتي خليج دقيقه معاه مو على كيفه

 

[Al Atwan]

رساله لبوابة الهدايا


مثل مابديتوا ظليتوا
لا جديد ولا ابداع
والحين بدعتوا في الاسعار
الزبون صار واعي

 

[bint_looda]

ولا عمري فكرت اقل فلوس هالكثر على تغليف ! التغليف مره بينشف وينقط وهذا حلاته
الله يعافي بو اميه طبي وتخيري من هذي وكودي عندج متى ماصارتلج مناسبه غلفي وتفنتقي بعد