شفطت زنوووودي .........

[x.79oo9a.x]

السلام عليكم

اليوم جاية اقولكم خبر

يوم السبت يصادف 13-11-2010

قررت اسوي شفط الزنود

بعد تردد طوييييل

وطبعا الشفط بيكون بتخدير موضعي

رحت مركز جراحة التجميل عند الدكتور علاء

وقلت له ابي اشفط

قال اليوم انا مسافر بالليل

قلت له انزين الحين اشفط لي

قال اوكي

ههههههه شفتوا السرعة .. عاد انا رايحة له قبل

ومستشيرته

علشان جذي قررت

زنوودي معقدتني واااااااااااااااااااايد

خصري صغير وزندي يمشي عليه التيس

عاد المهم حطولي البنج الموضعي

ويدخل ذاك الحديد .. واحس بالالم

بس الم الدفع

واتم اصارخ ..

بس صج في شي نفعني .. التنفس .. تدرون صرت اخذ نفس طويل واطلعه شوي شوي

والحمدلله خلال 45 دقيقة خلصت العملية

ولبسوني المشد

وتصدقون بديت احس بالالم فزنودي كأن حد مبكس لي

المهم مافي نتيجة لين الحين احس نفسي منفخة

الدكتور قالي بعد شهر بتبين النتيجة ...

اووف ما فيني صبر عالنتيجة ابي البس واكشخ

عاد فالاربع اسابيع بسوي ريجيم

علشان انا اصلا وراي عملية شفط فخود وشد بطن ..

يعني لازم اضعف

وقالي لما تجيني حق عملية الشد فالعملية بشفط لج شوي من الزنود ..

علشان تضعف اكثر

المهم اول ما طلعت من العملية .. اليوم الاول تميت انزززززززف

ويطلع ماي ودم

الدكتور انا ماصكرت جرحج احسن لج .. بيطلع الماي والدم والنتيجة بتبين اسرع

والحين انا بنطر اربع اسابيع .. اللي سوتها ممكن تقولي تجربتها ..

تكلفة العملية مع المشد 12470 ريال قطري ..

 

[حنون المزيون]

رد : شفطت زنوووودي .........

الحمد لله على سلامتج ..........سوالج بالليزر وإلا الشفط العادي ببنج موضعي وجم شال منج ؟؟؟
والفتحات للشفط من الأباط وإلا من صوب الكوع ؟؟

يا الجرييييييييييييئة على هالخطوه

 

[حنون المزيون]

رد : شفطت زنوووودي .........

ما اعرف أحول القطري للعمله الكويتيه بس جنه سعره توووووووووووووو متش على الزنود


يعني البطن بيطلع عليج سعر أرض عندنا والفخوذ سعر القرض واااااااااااااااااااو غالي

 

[حكاية شهرزاد]

قطر اغلى بوايد حتى صالوناتهم غالية ..

الحمدلله على السلامة .. زين انج تحملتي شفط ببنج موضعي .. انا ماتحمل ..

بالنسبة حق سعر عمليتج هو ..



12470 ريال قطري .. يعني تقريبا الف وميتين وستين دينار بحريني ..

يعني قولوا الف دينار كويتي ..

انا بالنسبة لي شفطت ب 800 دينار .. بس للاسف ماشال لي وايد .. والعجب في موضوع الزنود ترى شحمها مختلف عن شحم الفخوذ .. شحوم الزنود يطلع بسرررررعه مرة ثانية من اقل شي ..

ودري بالج سوي رياضة ومشي ورجيم .. لانه زنودج في احتمال يردون ,, وهم يصير عندج بيقعد المتن بصوب الظهر او مرة اخرى بالزنود لكن بطريقة متعرجه يعني قطع قطع تكتلات تتيمع .بصوب اي وصوب لا ..

 

[Q8 Web Designer]

رد : شفطت زنوووودي .........

الحمدلله عالسلامه
وان شاء الله ماتكون في مضاعفات

 

[الصعيريه]

رد : شفطت زنوووودي .........

حمدالله عالسلامه
وإن شاءالله تشوفين النتجيه اللي بترضيج

 

[اميره بكلمتي]

الحمدالله على سلامتج وماتشوفين شر يارب

 

[_zahra]

الحمدلله علي السلامة وصج جريئة بس ان شالله تشوفين نتيجه اللي تحبينها

 

[AF (&-&)]

الحمدالله على سلامتج

 

[عسووووولة]

رد : شفطت زنوووودي .........

اب اب