شفت فيلم و خدامتي ذبحتني حسبي الله عليها ؟

[أستغفِرُ الله]

بسم الله الرحمن الرحيم

السلام عليكم و رحمة الله و بركاته

بنات لحقوا علي

شفت فلم أجنبي و يا ليتني ما شفته إسمه كلاش أوف تايتنتس تقريباً جذي

المهم و خدامتي كانت قاعدة معاي

الفلم قصته عن الآلهة و جذي

يوم خلص قالت لي إن قريب من ديانتهم المسيحية

فقتله إن غلط و هذا كله خرابيط و عيسى عبد و رسول الله مو إبنه

قالت لأ إبنه و شنو دليلكم إنه مو إبنه ؟

إنربط لساني ما عرفت شقول لها و شلون أقنعها

بنات تكفون حسبي الله عليها شككتني بديني و بعقيدتي

قام يقولون لي جيبي واحد أفهم و يعرف يتحجى و عنده أسلوب بالحجة و الإقناع

بس من وييين ؟

تكفون يا بنات ساعدوني شقول لها ؟

شلون أقنعها ؟

يا بنات قام تشككني بعمري ؟ تشككني بعقيدتي ؟ الشيطان قام يوسوس لي شغلات ما يجوز التفكير فيها ؟

والله قام تقول كلام أستغفر الله يا ربي ما أدري شلون ؟

ساعدوني يا بنات ؟




​

 

[ريموه]

>>!!!!

حبيبتي تعوذي من ابليس هذا وسواس

 

[bride collection]

استغفري ربج وتعوذي من ابليس
اذا كنتي ماتعرفين تناقشينها يبلها كتاب تعليم الاسلام عن لغتهم
وقري سورة الاخلاص وعرفي معنتها وقري القرآن وتفسيره
والله الهادي


بسم الله الرحمن الرحيم

قُلْ هُوَ اللَّهُ أَحَدٌ

اللَّهُ الصَّمَدُ

لَمْ يَلِدْ وَلَمْ يُولَدْ

وَلَمْ يَكُن لَّهُ كُفُوًا أَحَدٌ

صدق الله العظيم

 

[ناتشوو]

استغفر الله
اعذرج اذا ماعرفت تردين عليها اذا ماعندج اطلاع بهالموضوع
بس انها تشككج بدينج كافي سورة الصمد تريحج

 

[đeɱɛɼɑ™]

وشنو دليلهآ انه ابن الله !! استغفر الله
تعوذي من ابليييس ـ
وبالقرآن تلقين كل الادلة والبرآهين
قوي ايمآنج بالله ...
والايمآن انج تؤمنين بالله وتحسين فيييه بقلبج وعقلج واللي يقوله ربج الوآحد الاحد اهو اللي تمشين ورآه من غير مجآدلة

الايمآن بالوآحد الاحد كـ الالم مثلا ً .. تقدرين تشوفينه؟ تقدرين تلمسينه ؟! لاااا بس تحسينه وبالتآلي تؤمنين فيه
وبكل شي يقوله ربج

ديربآلج كللللش ولا الشرك في الله !!

 

[عاشقه القيصر]

استغفري ربج وخلي ايمانج بربج قوي ..
جيبيلها براهين من الاسلام بلغتها وان شاء تصير هدايتها على ايدج

 

[فديت قلبه]

لآحول ولآقــــوة الآ بـ الله..
تعوذي من ابليــــس.. واذا مــآتعرفين تردين عليها بحجه قوية جيبي لهـــآ كتب
الله يهديج بس لآتقعدينهــــآ على افلآم جذي

 

[ورده بنفسجيه]

اختي وديها لجنة العريف بالاسلام في محاضرات لهم اتصلي عليهم وهم يضبطونج

ولا تتشككين بدين ابونا ابراهيم ومحمد عليهم الصلاة والسلام وهذا اعتقادهم ان عيسى ابن الله واكو منهم يقولون ان عيسى هو الله

لازم تعرفون دينكم عدل وين الايمان شفتو ان هم يعرفون بدينهم ومتمسكين فيه وانتي الله يهداج لان ما عندج خلفيه لدينج اهتزيتي الله يثبتج

وبعدين لازم نعرف عن الديانات الثانيه معلومات عشان لما يجادلونا انطز دينا بعينهم

 

[ورده بنفسجيه]

لجنة التعريف بالاسلام

 

[الكتكوته]

اختي في شريط اسمه الرد على النصارى للشيخ محمد المنجد عجيييييييييييييييب سمعيه وراح تردين عليها عدل حسافه كان عندي وضاع
شوفيه بالنت او المكتبات الاسلاميه

 

[ريماR]

استغفر الله

 

[أستغفِرُ الله]

رد : رد: شفت فيلم و خدامتي ذبحتني حسبي الله عليها ؟

اختي في شريط اسمه الرد على النصارى للشيخ محمد المنجد عجيييييييييييييييب سمعيه وراح تردين عليها عدل حسافه كان عندي وضاع
شوفيه بالنت او المكتبات الاسلاميه

إن شاء الله بدوره بالنت و بكل مكان بأقرب وقت

الله يجزاج خير يا عمري

 

[أستغفِرُ الله]

رد : رد: شفت فيلم و خدامتي ذبحتني حسبي الله عليها ؟

اختي وديها لجنة العريف بالاسلام في محاضرات لهم اتصلي عليهم وهم يضبطونج

ولا تتشككين بدين ابونا ابراهيم ومحمد عليهم الصلاة والسلام وهذا اعتقادهم ان عيسى ابن الله واكو منهم يقولون ان عيسى هو الله

لازم تعرفون دينكم عدل وين الايمان شفتو ان هم يعرفون بدينهم ومتمسكين فيه وانتي الله يهداج لان ما عندج خلفيه لدينج اهتزيتي الله يثبتج

وبعدين لازم نعرف عن الديانات الثانيه معلومات عشان لما يجادلونا انطز دينا بعينهم

يا أختي أنا حاولت أفهمها و أشرح لها بكل اللي أعرفه

و حتى أهلي اللي أفهم مني بهالأمور قال إتصلي على شيخ و أهو يعلمج شلون تردين عليهم بالحجة و البرهان و الدلائل

بس أتصل على منو أناشد منو

إن شاء الله بمساعدتكم بتساعدوني

 

[أستغفِرُ الله]

رد : رد: شفت فيلم و خدامتي ذبحتني حسبي الله عليها ؟

لآحول ولآقــــوة الآ بـ الله..
تعوذي من ابليــــس.. واذا مــآتعرفين تردين عليها بحجه قوية جيبي لهـــآ كتب
الله يهديج بس لآتقعدينهــــآ على افلآم جذي

غلطة و إن شاء الله ما تتكرر

 

[أستغفِرُ الله]

رد : رد: شفت فيلم و خدامتي ذبحتني حسبي الله عليها ؟

استغفري ربج وخلي ايمانج بربج قوي ..
جيبيلها براهين من الاسلام بلغتها وان شاء تصير هدايتها على ايدج

الله يسمع منج

 

[حلوه أوي]

اتصلي على لجنة التعريف بالاسلام
وقوليلهم ابي كتيبات واشرطة لخدامتي النصرانية وقوليلهم شنو لغتهاا
يوصلون مجانا الله يبارك لهم
هذاا رقمهم : 22444117

>>لئن يهدي الله بك رجل واحد خير لك من حمر النعم<< او كما قال صلى الله عليه وسلم
واسأل الله ان يهديها على يديك، ويا لهنائك حينئذ

واقرئي اختي بارك الله فيك آخرسورة مريم وانا متاكدة بأن عيناك ستدمع،،

قال تعالى: ( وقالوا اتخذ الرحمن ولدا (88) لقد جئتم شيئا إدا(89)
تكااد السموات يتفطرن منه وتنشق الله وتخر الجبال هدا(90)أن دعوا للرحمن ولدا(91)
وما ينبغي للرحمن أن يتخذ ولدا(92) إن كل من في السموات والأرض إلا ءاتي الرحمن عبدا(93)
لقد أحصاهم وعدهم عدا(94)وكلهم ءاتيه يوم القيامة فردا(95))​

&&

سبحان الله وبحمدهـ سبحان الله العظيمـ​

&&

 

[ام خالدوعبود]

حبيبتي كاااااااااااااااااااافي تردين عليها شلووووووووووون نعبد اله له ولد مثلنا الاله لازم يكون شي احسن منا مو له ولد واسمحيلي انتي شلوووووووووووون تشوفين معاها الفيلم شكو تقعد معاج وتشوفه خلي علاقتج معاها رسميه مو ميانه صدقيني الخدامه ماتنعطي وجه اسالي مجرب ارحميها ولاتحرمينها من شي بسسسسسسسسسسسسسسسسسس لاتعطينها وجه

 

[راعية الطويلة]

رد : شفت فيلم و خدامتي ذبحتني حسبي الله عليها ؟

بصراحة يبيلج انتي أول تقوين نفسج دينيا

و عليج بدورات عقيدة بدور القرآن الكريم

و أما هي كلامها مردود عليه

هذا الرابط بيفيدج انتي وياها

و يفيد الكل طبعا

http://www.islamqa.com/ar/ref/116826


تسلمين على اهتمامج و حرصج

الله يوفقج للخير

 

[قطيووه^_^]

استعيني باشرطة اسلامية وقوليلها شنو دليلج ان عيسى ابن الله ؟
وحاولي تجيبين لها منشورات بلغتها

 

[نواااال]

انتي من صجج لدرجه هذي ايمانج اضعيف انتي الي علي دين الاسلام دين الحق
تشكين واهي الي علي كفر وباطل تناقشج وبكل ثقه اسمحيلي ماعندج سالفه واذا تبين تردين عليها رد بسيط جداا لو المسيح
ابن الله كما يقولوون الكفار كان شفتي اختلاف كبير في ايات الكون مثل الشمس والقمر وقت الليل والنهار وكان فيه تنازع بين الابن والاب
واكبر دليل انه عيسي بشر خلق مثلنا مافيه اختلاف عن خلقنا علشان يصنف ابن الله يفترون علي الله الكذب تنزه الله سبحانه عن مايقولون